ନୟାଗଡ଼: ନୟାଗଡ଼ ଟାଉନ ଥାନା ପାଖ ପୂରୁଣା ରିଜର୍ଭ ପୋଲିସ ଅଫିସ ଉପରେ ଆକ୍ରମଣରେ ମାଓନେତା କୁହାଯାଉଥିବା ଅଭିଯୁକ୍ତ ସବ୍ୟସାଚି ପଣ୍ଡା, ପ୍ରତାପ କିମ୍ବିକା, ମଞ୍ଜୁଲତା ମୁଦୁଲି ନିର୍ଦ୍ଦୋଶରେ ଖଲାସ ହୋଇଛନ୍ତି । ସାକ୍ଷ୍ୟ ପ୍ରମାଣ ଅଭାବରୁ ନିର୍ଦ୍ଦୋଶରେ ଖଲାସ ହୋଇଛନ୍ତି ୩ ଜଣ ।
୫୧ ଜଣଙ୍କ ସାକ୍ଷ୍ୟ ପ୍ରମାଣ ଗ୍ରହଣ କରାଯାଇଥିଲା l ଘଟଣାର ତଦନ୍ତ କରି ଚାର୍ଜସିଟ ଦାଖଲ କରିଥିଲା କ୍ରାଇମବ୍ରାଞ୍ଚ l ମାଓ ଆକ୍ରମଣ ସମୟରେ ନୟାଗଡ଼ ଜିଲ୍ଲାରେ ମୋଟ ୯ ଟି କେସ ରୁଜୁ ହୋଇଥିଲା l ନୟାଗଡ଼ରେ ୫ଟି କେସ ହୋଇଥିବା ବେଳେ ଦଶପଲ୍ଲାରେ ୪ଟି କେସ ରୁଜୁ ହୋଇଥିଲା । ୨୦୦୮ ମସିହାରେ ନୟାଗଡ଼ ମାଓ ଆକ୍ରମଣରେ ୧୫ ଜଣ ପୋଲିସ କର୍ମଚାରୀ ଶହୀଦ ହୋଇଥିବା ବେଳେ ଜଣେ ସାଧାରଣ ଲୋକଙ୍କ ଜୀବନ ଚାଲିଯାଇଥିଲା l