ନୟାଗଡ: ଦଶପଲ୍ଲା ଟ୍ରକ୍-ବସ୍ ଦୁର୍ଘଟଣାରେ ସାମ୍ନାକୁ ଆସିଲା ନୂଆ ତଥ୍ୟ। ଡ୍ରାଇଭର୍ ନୁହେଁ ବରଂ ମଦ ପିଇ ଟ୍ରକ ଚଳାଉଥିଲା ହେଲପର୍ । ବେପାରୁଆ ଗାଡି ଚାଳନା ଯୋଗୁଁ ଚାଲିଗଲା ୪ ନୀରିହ ଜୀବନ । ପ୍ରାଥମିକ ତଦନ୍ତ ପରେ ସୂଚନା ଦେଇଛି ପୋଲିସ।
ସୂଚନାଯୋଗ୍ୟ, ଦଶପଲ୍ଲାରୁ ହରିଶଙ୍କର ଯାଉଥିବା ପିକନିକ ବସକୁ ଆଜି ସକଳ ସମୟରେ ଏକ ଚାଉଳ ବୋଝେଇ ଟ୍ରକ ଧକ୍କା ଦେଇଥିଲା। ଏହି ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହେଇଥିବା ବେଳେ ୧୦ରୁ ଅଧିକ ଗୁରୁତର ମେଡିକାଲରେ ଚିକିତ୍ସାଧୀନ ଅଛନ୍ତି । ଏକ ଘରୋଇ କୋଚିଂ ସେଣ୍ଟରର ୫୦ ଛାତ୍ରଛାତ୍ରୀ ପିକ୍ନିକ୍ ଯାଉଥିଲେ। ଶାଳଭଙ୍ଗା ଜଙ୍ଗଲ ରାସ୍ତାରେ ଘଟିଥିଲା ଏହି ଅଘଟଣ। ଦୁର୍ଘଟଣା ଘଟାଇଥିବା ଟ୍ରକ୍ର ଡ୍ରାଇଭର ଓ ହେଲପର ଅଟକ ଅଛନ୍ତି।