ନୂଆଦିଲ୍ଲୀ:ବିବାହ ବନ୍ଧନରେ ବାନ୍ଧି ହେଲେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପୁତୁରା ଅରୁଣ ପଟ୍ଟନାୟକ । ଅରୁଣ ନେଦରଲାଣ୍ଡରେ ବିବାହ କରିଛନ୍ତି । ଏନେଇ ତାଙ୍କ ଭଉଣୀ ଗାୟତ୍ରୀ ପଟ୍ଟନାୟକ ସୋସିଆଲ ମିଡିଆରେ ଅରୁଣଙ୍କ ବିବାହର ଫଟୋ ସେୟାର କରି ସୂଚନା ଦେଇଛନ୍ତି । ଯେଉଁଥିରେ ଅରୁଣ କଳା ରଙ୍ଗର ବ୍ଲେଜର ପିନ୍ଧିଥିବାବେଳେ ତାଙ୍କ ପତ୍ନୀ ଧଳା ରଙ୍ଗର ଗାଉନ ପିନ୍ଧି ହାତରେ ଫୁଲ ତୋଡା ଧରିଛନ୍ତି ।ଏହା ସହ ଗାୟତ୍ରୀ ପଟ୍ଟନାୟକ ନିଜ ସହ ତାଙ୍କ ଭାଇ ଅରୁଣ ଓ ତାଙ୍କ ପୁଅର ଫଟୋ ମଧ୍ୟ ସେୟାର କରିଥିବା ଦେଖିବାକୁ ମିଳିଛି ।
ଅରୁଣ ହେଉଛନ୍ତି ନବୀନଙ୍କ ବଡ଼ ଭାଇ ପ୍ରେମ ପଟ୍ଟନାୟକଙ୍କ ପୁଅ । ଅରୁଣଙ୍କ ପତ୍ନୀଙ୍କ ନାଁ ନାଦିଆ। ନାଦିଆ ହେଉଛନ୍ତି ନେଦରଲାଣ୍ଡର ନାଗରିକ। ନେଦରଲାଣ୍ଡରେ ହିଁ ଅରୁଣ ଓ ନାଦିଆଙ୍କ ବାହାଘର ହୋଇଛି। ଅରୁଣ କିଛି ଦିନ ତଳେ ଭୁବନେଶ୍ୱର ଆସିଥିଲେ। ଅନେକ ସମୟରେ ସେ ଓଡ଼ିଶା ଆସି ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥାନ୍ତି। ବିଜୁ ପଟ୍ଟନାୟକଙ୍କ ନାତି ଭାବେ ଅରୁଣ ପଟ୍ଟନାୟକଙ୍କ ଅନେକ କ୍ରେଜ୍ ରହିଛି।