ନୂଆବର୍ଷରେ ଅବକାରୀ ନିୟମ ଉଲଂଘନ କଲେ ହେବ କାର୍ଯ୍ୟାନୁଷ୍ଠାନ

ଭୁବନେଶ୍ବର: ଆସୁଛି ନୂଆବର୍ଷ। ଜିରୋ ନାଇଟ ସେଲିବ୍ରେସନ୍ ପାଇଁ ପ୍ରସ୍ତୁତ ହେଲେଣି ଯୁବବର୍ଗ। ଜିରୋ ନାଇଟ୍ ସେଲିବ୍ରେସନ୍ ପାଇଁ ଅବକାରୀ ବିଭାଗର କଟକଣା ଜାରି କରିଛି । ଡିସେମ୍ବର ୩୧ ତାରିଖରେ ଜିରୋ ନାଇଟ୍ ଆୟୋଜନ ପାଇଁ ଅବକାରୀ ବିଭାଗର ଅନୁମତି ନେବା ନିହାତି ଆବଶ୍ୟକ। ନୂଆ ବର୍ଷ ପାଳନ ସମୟରେ ଅବକାରୀ ନିୟମ ଉଲ୍ଲଂଘନ କରୁଥିବା ବ୍ୟକ୍ତିଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଶୁକ୍ରବାର ମନ୍ତ୍ରୀ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଏହି ଚେତାବନୀ ଦେଇଛନ୍ତି। ନୂତନ ବର୍ଷ ପାଳନ ପୂର୍ବରୁ ବାର ମାଲିକଙ୍କ ଉପରେ ନଜର ରଖିବା ସହ ମନ୍ତ୍ରୀ କହିଛନ୍ତି ଯେ ନୂତନ ବର୍ଷ ପାଳନ ସମୟରେ ଦୁଇଟି ପ୍ରମୁଖ ଜିନିଷ – ଅନୈତିକ କାର୍ଯ୍ୟକଳାପ ଏବଂ ବେଆଇନ ମଦ ବିକ୍ରି ଉପରେ ବିଭାଗ ଧ୍ୟାନ ଦେଉଛି।
ଶ୍ରୀ ହରିଚନ୍ଦନ କହିଛନ୍ତି, “ନୂଆ ବର୍ଷ ପାଳନ ସମୟରେ ଦୁଇଟି ଜିନିଷ ସଂପୂର୍ଣ୍ଣ ଭାବେ ପ୍ରତିବନ୍ଧିତ ହେବ। ନିଶାଦ୍ରବ୍ୟ ପ୍ରଭାବରେ ବିଶୃଙ୍ଖଳା ସୃଷ୍ଟି କରୁଥିବା ଏବଂ ବେଆଇନ ମଦ ବିକ୍ରିରେ ଜଡ଼ିତ ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।” ନୂଆ ବର୍ଷ ପାଇଁ କାଉଣ୍ଟଡାଉନ ଆରମ୍ଭ ହୋଇସାରିଛି। ଏହାକୁ ଦୃଷ୍ଟିରେ ରଖି ଏକ୍ସାଇଜ୍ ବିଭାଗ ସମସ୍ତ ଘଟଣା ପାଇଁ ପ୍ରସ୍ତୁତ ଥିବା ଜଣାପଡିଛି। ଖବର ଅନୁଯାୟୀ, ଜିରୋ ନାଇଟ୍ ଉତ୍ସବରେ ମଦ ଦୋକାନ ତଥା ମଦ୍ୟପାନକାରୀଙ୍କ କାର୍ଯ୍ୟକଳାପ ଉପରେ ସଜାଗ ରହିବାକୁ ଏକ୍ସାଇଜ୍ ଅଧିକାରୀଙ୍କୁ କୁହାଯାଇଛି। ଡିସେମ୍ବର ୩୧ ତାରିଖରେ ଜିରୋ ନାଇଟ୍ ଆୟୋଜନ ପାଇଁ ଅବକାରୀ ବିଭାଗର ଅନୁମତି ନେବା ନିହାତି ଆବଶ୍ୟକ ।