କେରଳ: କେରଳର ଥିରୁଭାନନ୍ତପୁରମରେ ଏକ ଲୋମହର୍ଷଣକାରୀ ହତ୍ୟାକାଣ୍ଡ ଘଟିଛି। ପ୍ରେମିକା ସହ ନିଜ ପରିବାରର ୬ ଜଣଙ୍କୁ ହତ୍ୟା କରିଛନ୍ତି ଯୁବକ। କେରଳର ଥିରୁଅନନ୍ତପୁରମରେ ଘଟିଥିବା ଏହି ଘଟଣା ସମସ୍ତଙ୍କୁ ସ୍ତବ୍ଧ କରି ଦେଇଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ବେଞ୍ଜାରାମୁଡୁ ନିକଟ ପେରୁମାଲାରେ ରହୁଥିବା ୨୩ ବର୍ଷୀୟ ଅଫାନ ୬ ଜଣଙ୍କୁ ମାରିବା ପରେ ପୁଲିସ୍ ନିକଟରେ ଆତ୍ମସମର୍ପଣ କରିଛନ୍ତି।
ପୁଲିସ୍କୁ ସେ ତାଙ୍କ ମା’ ଓ ଭାଇଙ୍କ ସମେତ ୬ ଜଣଙ୍କୁ ହତ୍ୟା କରିଥିବା କହିଥିଲେ। ସେ ସମସ୍ତଙ୍କୁ ହାତୁଡ଼ିରେ ପିଟି ଚାପଡ଼ରେ ହାଣି ମାରିଦେଇଛନ୍ତି । ନିଜ ମା’, ଜେଜେ ମା’, ନାବାଳକ ଭାଇ, ଦାଦା, ଉଭଣୀଙ୍କ ସହ ପ୍ରେମିକାଙ୍କୁ ହତ୍ୟା କରିଦେଇଛନ୍ତି। ସେ ନିଜେ ମଧ୍ୟ ମୂଷା ମରା ଔଷଧ ଖାଇ ଦେଇଥିବା ଜଣାଇଥିଲେ। ହତ୍ୟା ପରେ ଥାନାରେ ଯୁବକ ଆତ୍ମସମର୍ପଣ କରିଛନ୍ତି। ସକାଳ ୧୦ଟାରୁ ସନ୍ଧ୍ୟା ୬ଟା ମଧ୍ୟରେ ଅଫାନ ୬ ଜଣଙ୍କୁ ମାରିଛନ୍ତି। ହତ୍ୟା ପାଇଁ ବ୍ୟବହୃତ ହୋଇଥିବା ଅସ୍ତ୍ରକୁ ୩ଟି ସ୍ଥାନରୁ ଜବତ କରାଯାଇଛି। ଅଭିଯୁକ୍ତ ଅଫାନ ଏବେ ବି ହସ୍ପିଟାଲରେ ଚିକିତ୍ସିତ ହେଉଛନ୍ତି।
ବ୍ୟବସାୟରେ କ୍ଷତି ଯୋଗୁ ଅତ୍ୟଧିକ ଋଣ କରିଥିଲେ ଯୁବକ। ଋଣ ଶୁଝିବାକୁ ପରିବାର ଲୋକେ ରାଜି ନ ହେବାରୁ ହତ୍ୟା କରିଥିବା ପୋଲିସକୁ କହିଛନ୍ତି।ଦିନକୁ ଦିନ ପରିବାର ଲୋକ ଓ ଗାର୍ଲଫ୍ରେଣ୍ଡଙ୍କ ଡିମାଣ୍ଡ ଯୋଗୁ ତାଙ୍କ ମୁଣ୍ଡ ଉପରେ ଋଣ ଭାର ବଢ଼ି ଚାଲିଥିଲା। ତେଣୁ ସେ ନିଜ ସହ ସମସ୍ତଙ୍କୁ ମାରିବାକୁ ନିଷ୍ପତ୍ତି ନେଇଥିଲେ।