ଦକ୍ଷିଣ ଆଣ୍ଡମାନ ସାଗରରେ ସୃଷ୍ଟି ହେଲା ଲଘୁଚାପ କ୍ଷେତ୍ର

ନ୍ୟୁଜ୍ ବ୍ୟୁରୋ: ଦକ୍ଷିଣ ଆଣ୍ଡମାନ ସାଗରରେ ସୃଷ୍ଟି ହୋଇଛି ଲଘୁଚାପ କ୍ଷେତ୍ର ଏହା କ୍ରମଶଃ ପଶ୍ଚିମ ଉତ୍ତର ପଶ୍ଚିମ ଦିଗରେ ଅଗ୍ରସର ହୋଇ ୨୪/୨୫ ତାରିଖ ବେଳକୁ ଦକ୍ଷିଣ ପୂର୍ବ ବଙ୍ଗୋପସାଗରରେ ଅବପାତର ରୂପ ନେବ ଓ ପରେ ଆହୁରି ଘନୀଭୂତ ହୋଇ ୨୮ ତାରିଖ ବେଳକୁ ବାତ୍ୟାରେ ପରିଣତ ହୋଇପାରେ ବୋଲି କିଛି ମଡେଲ ମାନେ ଆକଳନ କରୁଛନ୍ତି। ତେବେ ଆସନ୍ତା ୨୫ ତାରିଖ ପର୍ଯ୍ୟନ୍ତ ଏହାର ଗତି ଧୀର ରହିବ ଓ ପରେ ଉତ୍ତର -ଉତ୍ତର ପଶ୍ଚିମ ଦିଗରେ ଅଗ୍ରସର ହେବା ସମ୍ଭାବନା ରହିଛି। ସିଷ୍ଟମ ଟି ଘନୀଭୂତ ପାଇଁ ପାଗ ଅନୁକୂଳ ରହିଛି।୩୦ ତାରିଖ ବେଳକୁ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର ତଥା ଆନ୍ଧ୍ରପ୍ରଦେଶ – ଓଡ଼ିଶା ଉପକୂଳରେ ସମ୍ଭାବ୍ୟ ସିଷ୍ଟମ ପହଞ୍ଚିପାରେ ବୋଲି ମଡେଲ ମାନେ ଆକଳନ କରୁଛନ୍ତି ପରେ ଏହା ପୁଣି ଉତ୍ତର ପୂର୍ବ ଦିଗରେ ଦିଗ ପରିବର୍ତ୍ତନ କରିବାର ସମ୍ଭାବନା ଅଛି। ତେବେ ଅବପାତ ରୂପ ନେବା ପରେ ଏହି ସମ୍ଭାବ୍ୟ ସିଷ୍ଟମ ବିଷୟରେ ଅଧିକ ସ୍ପଷ୍ଟ ସୂଚନା ମିଳିପାରିବ। ଉପକୂଳ ଓଡ଼ିଶାରେ ଏହି ସମ୍ଭାବ୍ୟ ସିଷ୍ଟମ ପ୍ରଭାବରେ ନଭେମ୍ବର ଶେଷ , ଡିସେମ୍ବର ଆରମ୍ଭ ବେଳକୁ ବର୍ଷା ସମ୍ଭାବନା ରହିଛି।