ମେଘାଳୟ; ଡକ୍ଟର ରିକି ଆଣ୍ଡ୍ରୁ ଜେ. ସିଙ୍ଗକନ୍ ମେଘାଳୟର ଶିଲଂ ଲୋକସଭା ଆସନର ସାଂସଦ ଥିଲେ। ଖବର ଅନୁଯାୟୀ, ସେ ଶିଲଂ ନିକଟସ୍ଥ ମାୱଲାଇ–ମାୱିଓଙ୍ଗ ଅଞ୍ଚଳରେ ଫୁଟବଲ୍ ଖେଳୁଥିବା ସମୟରେ ହଠାତ୍ ହୃଦ୍ଘାତରେ ଅଚେତ ହୋଇ ପଡ଼ିଥିଲେ। ତୁରନ୍ତ ତାଙ୍କୁ ମାୱିଓଙ୍ଗ କମ୍ୟୁନିଟି ହେଲ୍ଥ ସେଣ୍ଟରକୁ ନିଆଯାଇଥିଲା, ପରେ ଶିଲଂର ଜୟାଉ ଅଞ୍ଚଳସ୍ଥିତ ଡକ୍ଟର ଏଚ୍. ଗୋର୍ଡନ୍ ରବର୍ଟସ୍ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା। ଡାକ୍ତରମାନଙ୍କ ଚେଷ୍ଟା ସତ୍ତ୍ୱେ ରାତି ପ୍ରାୟ ୮ଟା ୪୨ ମିନିଟ୍ ସମୟରେ ତାଙ୍କୁ ମୃତ ଘୋଷଣା କରାଯାଇଥିଲା।
ସେ ୧୮ତମ ଲୋକସଭା (୨୦୨୪–୨୦୨୬)ରେ ଶିଲଂ ନିର୍ବାଚନମଣ୍ଡଳୀରୁ ସାଂସଦ ଥିଲେ ଏବଂ ଭଏସ୍ ଅଫ୍ ଦି ପିପୁଲ୍ସ ପାର୍ଟିର ସାଧାରଣ ସମ୍ପାଦକ ଥିଲେ। ୨୦୨୪ ନିର୍ବାଚନରେ ସେ କଂଗ୍ରେସ ଦଳର ପୂର୍ବତନ ତିନିଥର ସାଂସଦଙ୍କୁ ପରାସ୍ତ କରିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମେଘାଳୟ ମୁଖ୍ୟମନ୍ତ୍ରୀ କନରାଡ ସାଙ୍ଗମା ତାଙ୍କ ବିୟୋଗରେ ଗଭୀର ଶୋକ ପ୍ରକାଶ କରିଛନ୍ତି। ତାଙ୍କ ଅକାଳ ବିୟୋଗରେ ରାଜନୈତିକ ମଞ୍ଚରେ ଏକ ବଡ଼ ଶୂନ୍ୟତା ସୃଷ୍ଟି ହୋଇଛି। ତାଙ୍କ ଆତ୍ମାର ଶାନ୍ତି କାମନା କରୁଛୁ।