ନୂଆଦିଲ୍ଲୀ; ଓଡ଼ିଶାରେ ରାଜ୍ୟସଭା ନିର୍ବାଚନ ପାଇଁ ଖୁବ୍ଶୀଘ୍ର ପ୍ରାର୍ଥୀ ଘୋଷଣା କରିବ ଭାରତୀୟ ଜନତା ପାର୍ଟି। ଏନେଇ ସୂଚନା ଦେଇଛନ୍ତି ଭାଜପାର ରାଜ୍ୟ ପ୍ରଭାରୀ ବିଜୟପାଲ ସିଂ ତୋମାର।
ସେ କହିଛନ୍ତି, ଆଜି କିମ୍ବା କାଲି ମଧ୍ୟରେ ସଂସଦୀୟ ବୋର୍ଡ ବୈଠକ ବସିବ। କେହି ରାଜ୍ୟସଭାକୁ ପ୍ରାର୍ଥୀ ଭାବେ ପଠାଯିବେ, ସେଥିପାଇଁ ଏହି ବୈଠକରେ ଶେଷ ନିଷ୍ପତ୍ତି ହେବ। କୋର୍ କମିଟି ବୈଠକରେ ହୋଇଥିବା ସୁପାରିଶଗୁଡ଼ିକୁ ସଂସଦୀୟ ବୋର୍ଡଙ୍କୁ ପଠାଯାଇଛି। ଅନ୍ତିମ ସିଦ୍ଧାନ୍ତ ସଂସଦୀୟ ବୋର୍ଡ ନେବେ। ଏହି ଦୁଇ ଦିନ ମଧ୍ୟରେ ପ୍ରାର୍ଥୀଙ୍କ ନାମ ଘୋଷଣା ହେବାର ସମ୍ଭାବନା ରହିଛି ବୋଲି ବିଜୟପାଲ ସିଂ ତୋମାର କହିଛନ୍ତି।