ବିଜେପି କିଣିଲା ୧୬ ସେଟ୍ ଫର୍ମ

ରାଜ୍ୟସଭା ରଣକ୍ଷେତ୍ରରେ ବିଜେପିର ସକ୍ରିୟତା; ୧୬ ସେଟ୍ ଫର୍ମ କିଣାରେ ରାଜନୀତି ଗରମ
ଭୁବନେଶ୍ବର: ରାଜ୍ୟସଭା ନିର୍ବାଚନ ତାରିଖ ଯେତିକି ପାଖଉଛି ସେତିକି ରାଜ୍ୟରେ ରାଜନୀତିକ ଉଷ୍ମତା ବଢ଼ିଚାଲିଛି। ବିଜେପି ୧୬ସେଟ୍ ଫର୍ମ କିଣିବା ପରେ ରାଜନୀତିକ ମହଲରେ ବଡ ହଲଚଲ ଦେଖିବାକୁ ମିଳିଛି। ରାଜ୍ୟସଭା ନିର୍ବାଚନ ପାଇଁ ବିଜେପି ୧୬ ସେଟ୍ ନାମାଙ୍କନ ପତ୍ର କିଣିଛି। ମୁଖ୍ୟମନ୍ତ୍ରୀଙ୍କ ବାସଭବନରେ ବିଜେପି ବିଧାୟକ ଦଳ ବୈଠକ ପରେ ୪ ଜଣ ବିଧାୟକ ରିଟର୍ଣିଂ ଅଧିକାରୀଙ୍କଠାରୁ ଏହି ଫର୍ମ ଗ୍ରହଣ କରିଥିଲେ।
ସରକାରୀ ଦଳର ମୁଖ୍ୟ ସଚେତକ ସରୋଜ ପ୍ରଧାନଙ୍କ ସହ ଆଶ୍ରିତ ପଟ୍ଟନାୟକ, ଦୁଷ୍ମନ୍ତ ସ୍ୱାଇଁ, ରଘୁନାଥ ଜଗଦଲା ଓ ପ୍ରତାପ ନାୟକ ନାମାଙ୍କନ ପତ୍ର କିଣିଥିବା ସୂଚନା ମିଳିଛି। ସଂସଦୀୟ ବୋର୍ଡ ନିଷ୍ପତ୍ତି ପରେ ଅନ୍ତିମ ଭାବେ ପ୍ରାର୍ଥୀଙ୍କ ନାମାଙ୍କନ ଭରାଯିବ। ଦଳ ପାଖରେ ୨ଟି ଆସନ ପାଇଁ ପ୍ରୟୋଜନୀୟ ସଂଖ୍ୟା ଥିବା ସତ୍ତ୍ୱେ ୧୬ ସେଟ୍ ଫର୍ମ କିଣାଯାଇଥିବାରୁ ରାଜନୈତିକ ମହଳରେ ଚର୍ଚ୍ଚା ବଢ଼ିଛି। ୩ ନୁହେଁ ୪ଟି ଆସନରେ ପ୍ରାର୍ଥୀ ଦେବ କି ବିଜେପି, ତାହାକୁ ନେଇ ସମସ୍ତଙ୍କ ନଜର ରହିଛି।