ନୂଆଦିଲ୍ଲୀ: ନୂଆଦିଲ୍ଲୀରେ ବଢ଼ୁଥିବା ବାୟୁ ପ୍ରଦୂଷଣକୁ ନିୟନ୍ତ୍ରଣ କରିବା ପାଇଁ ରେଖା ଗୁପ୍ତା କଡ଼ା ପଦକ୍ଷେପ ନେଇଛନ୍ତି। ଏହା ଅନୁଯାୟୀ, ଏବେ ଦିଲ୍ଲୀରେ ବୈଧ ପ୍ରଦୂଷଣ ନିୟନ୍ତ୍ରଣ ପ୍ରମାଣପତ୍ର (PUC) ବିନା କୌଣସି ଯାନକୁ ପେଟ୍ରୋଲ କିମ୍ବା ଡିଜେଲ ଯୋଗାଇ ଯିବ ନାହିଁ।
ସରକାର ପକ୍ଷରୁ ସମସ୍ତ ପେଟ୍ରୋଲ ପମ୍ପକୁ ସ୍ପଷ୍ଟ ନିର୍ଦ୍ଦେଶ ଦିଆଯାଇଛି ଯେ, ପିୟୁସି ସର୍ଟିଫିକେଟ୍ ଦେଖାଇନଥିବା ଯାନକୁ ଇନ୍ଧନ ଯୋଗାଇବାକୁ ପ୍ରତିଷେଧ କରାଯିବ। ବାୟୁ ଗୁଣବତ୍ତା ଉନ୍ନତ କରିବା ପାଇଁ “ନୋ PUC, ନୋ ଇନ୍ଧନ” ନୀତିକୁ କଡ଼ାକଡ଼ି ଲାଗୁ କରିବାକୁ ଅଧିକାରୀମାନଙ୍କୁ କୁହାଯାଇଛି।
ଏହି ନୀତି ପ୍ରଥମେ ଡିସେମ୍ବର ୨୦୨୫ରେ ଲାଗୁ ହୋଇଥିଲେ ମଧ୍ୟ, ଏବେ ପର୍ଯ୍ୟନ୍ତ ଅନେକ ଯାନବାହନ ପିୟୁସି ବିନା ଚାଲୁଥିବା ଦେଖାଯାଇଛି। ତେଣୁ ଏହାକୁ ରୋକିବା ପାଇଁ ସରକାର କଡ଼ା ନିରୀକ୍ଷଣ ଆରମ୍ଭ କରିଛି। ଏହାର ପ୍ରଭାବରେ ସହରର ବିଭିନ୍ନ ପେଟ୍ରୋଲ ପମ୍ପରେ ଲୋକମାନେ ପିୟୁସି କରାଇବା ପରେ ଇନ୍ଧନ ନେବା ପାଇଁ ଲାଇନରେ ଦେଖାଯାଉଛନ୍ତି। ସରକାରଙ୍କ ଏହି ପଦକ୍ଷେପ ଦିଲ୍ଲୀର ବାୟୁ ପ୍ରଦୂଷଣ କମାଇବାରେ କେତେଦୂର ସଫଳ ହେବ, ସେଥିପାଇଁ ଆଗାମୀ ସମୟ ନିର୍ଣ୍ଣାୟକ ହେବ।