ନ୍ୟୁଜ୍ ବ୍ୟୁରୋ: ପୁଲୱାମା ଆତଙ୍କବାଦୀ ଆକ୍ରମଣର ଅନ୍ୟତମ ମାଷ୍ଟରମାଇଣ୍ଡ ହମଜା ବୁରହାନକୁ ପାକିସ୍ତାନର ମୁଜାଫରାବାଦରେ ଗୁଳି କରି ହତ୍ୟା କରାଯାଇଥିବା ଖବର ସାମ୍ନାକୁ ଆସିଛି। ଅଜଣା ବ୍ୟକ୍ତିମାନେ ପାକ୍ ଅଧିକୃତ କାଶ୍ମୀରରେ ଥିବା ତାଙ୍କ କାର୍ଯ୍ୟାଳୟରେ ପ୍ରବେଶ କରି ହମଜାଙ୍କ ଉପରେ ଅନେକ ରାଉଣ୍ଡ ଗୁଳି ଚାଲାଇଥିଲେ। ଗୁରୁତର ଆହତ ହୋଇଥିବା ହମଜା ବୁରହାନଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା କୁହାଯାଉଛି।
ହମଜା ବୁରହାନ ୨୦୧୯ ମସିହାର ପୁଲୱାମା ଆତଙ୍କବାଦୀ ଆକ୍ରମଣରେ ଜଡିତ ଥିବା ଅଭିଯୋଗ ଥିଲା। ୧୪ ଫେବୃଆରୀ ୨୦୧୯ରେ ହୋଇଥିବା ସେହି ଆକ୍ରମଣରେ ୪୦ରୁ ଅଧିକ ସିଆରପିଏଫ୍ ଯବାନ ସହିଦ ହୋଇଥିଲେ। ହମଜା ପାକିସ୍ତାନରେ ନିଜକୁ ଜଣେ ଶିକ୍ଷକ ବୋଲି ପରିଚୟ ଦେଇ ରହୁଥିବା ସୂଚନା ମିଳିଛି।