ଭୁବନେଶ୍ବର: ଓଡ଼ିଶାର ବିଦାୟୀ ରାଜ୍ୟପାଳ ଡକ୍ଟର ହରିବାବୁ କମ୍ଭମପାଟି ରାଜ୍ୟରୁ ବିଦାୟ ନେଇଛନ୍ତି। ବିମାନବନ୍ଦରରେ ତାଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଛି। ପ୍ରାୟ ୧ ବର୍ଷ ୯ ମାସର କାର୍ଯ୍ୟକାଳ ପରେ ସେ ଓଡ଼ିଶା ଛାଡ଼ିଛନ୍ତି। ୨୦୨୫ ଜାନୁଆରୀ ୩ରେ ଓଡ଼ିଶାର ୨୭ତମ ରାଜ୍ୟପାଳ ଭାବେ ଶପଥ ନେଇଥିଲେ ହରିବାବୁ। ଏହା ପୂର୍ବରୁ ସେ ମିଜୋରାମର ରାଜ୍ୟପାଳ ଥିଲେ। ରଘୁବର ଦାସ ରାଜ୍ୟପାଳ ପଦରୁ ଇସ୍ତଫା ଦେବା ପରେ ହରିବାବୁଙ୍କୁ ଓଡ଼ିଶାର ଦାୟିତ୍ୱ ମିଳିଥିଲା।
ତାଙ୍କ ବିଦାୟ ଉପଲକ୍ଷେ ଅକ୍ଟୋବର ୧୪ରେ ଲୋକଭବନରେ ସମ୍ବର୍ଦ୍ଧନା ସଭା ଓ ବିଦାୟୀ ଭୋଜି ଆୟୋଜିତ ହୋଇଥିଲା। ଏଥିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ୍ ହରିଶ ଟଣ୍ଡନଙ୍କ ସମେତ ବରିଷ୍ଠ ମନ୍ତ୍ରୀ ଓ ଅଧିକାରୀମାନେ ଯୋଗ ଦେଇଥିଲେ।
ଅନ୍ୟପକ୍ଷରେ, ଓଡ଼ିଶାର ନୂଆ ରାଜ୍ୟପାଳ ଭାବେ ବ୍ରଜ ମୋହନ ରାମଙ୍କୁ ନିଯୁକ୍ତ କରାଯାଇଛି। ସେ ଶପଥ ଗ୍ରହଣ କରି ଦାୟିତ୍ୱ ନେବା ପରେ ରାଜ୍ୟରେ ନୂଆ ରାଜ୍ୟପାଳଙ୍କ କାର୍ଯ୍ୟକାଳ ଆରମ୍ଭ ହେବ।