ପ୍ରମୁଖ ଖବର

ସ୍ବର୍ଗତଃ ମନ୍ତ୍ରୀ ନବ ଦାସଙ୍କ ପୁଅ ବିଶାଳ ଦାସଙ୍କୁ ପଚରାଉଚରା ସୂଚନା। ଆୟକର ବିଭାଗର ପଚରାଉଚରା ସୂଚନା। ପ୍ରାୟ ୪ ଘଣ୍ଟା ଧରି ପଚରାଉଚରା କରାଯାଇଥିବା ପ୍ରାଥମିକ ସୂଚନା
।ବିଜେପିରୁ ବରିଷ୍ଠ ନେତା ବିଜୟ ମହାପାତ୍ର ବହିଷ୍କୃତ, ଦଳ ବିରୋଧୀ କାର୍ଯ୍ୟ ଓ ଅନୁଶାସନ ଭଙ୍ଗ ଅଭିଯୋଗରେ ବହିଷ୍କୃତ
ବିଜେଡି କର୍ମୀଙ୍କ ଆକ୍ରମଣ ବିଜେପି କର୍ମୀଙ୍କ ମୃତ୍ୟୁ, ୩ ଜଣ ଗୁରୁତର ଆହତ
ସ୍ଥିତି ଅଣାୟତ୍ତ ହେଉଥିବା ଦେଖି ଗଞ୍ଜାମ ଜିଲ୍ଲା ପ୍ରଶାସନ ୧୪୪ ଧାରି ଜାରି, ଗଞ୍ଜାମ ଜିଲ୍ଲାରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି
ପୁରୀରେ ସଫେଇ କର୍ମଚାରୀଙ୍କ ଉପରେ ବୋମା ମାଡ଼, ଘଟଣାରେ ଦୁଇ ଜଣ ସଫେଇ କର୍ମଚାରୀ ଆହତ

ଜେଲରୁ ଫେରିବ ପୁଅ

0

ଜେଲରୁ ଫେରିବ ପୁଅ । ବଲିଉଡ ଷ୍ଟାର ଶାହାରୁଖ ଖାନ୍‌ଙ୍କ ପୁଅ ଆର୍ୟନ ଖାନଙ୍କୁ ୨୫ ଦିନ ପରେ ଜାମିନ ମିଳିବା ପରେ ସେ ଏବେ ମନ୍ନତ ଫେରିବେ । ଆଜି କିମ୍ବା ଆସନ୍ତାକାଲି ସେ ଜେଲରୁ ମୁକୁଳିପାରନ୍ତି । ତେବେ ଆର୍ୟନ ଖାନଙ୍କ ଜାମିନ ମିଳିବା ଶୁଣିବା ପରେ ଖୁସିର କାନ୍ଦି ପକାଇଥିଲେ ଶାହାରୁଖ ଖାନ୍ । ଅନେକ ଫିଲ୍ମରେ କାନ୍ଦିବା ଅଭିନୟ କରୁଥିବା ଶାହାରୁଖ ପୁଅ ଫେରିବା ଖୁସିରେ ସତରେ କାନ୍ଦି ପକାଇଥିଲେ । ଶାହରୁଖ ନିଜର ଲୁହକୁ ଅଟକାଇପାରିନଥିଲେ ।

ଆର୍ୟନ ଖାନଙ୍କୁ ବମ୍ବେ ହାଇକୋର୍ଟରୁ ଜାମିନ ମିଳିବା ପରେ ଶାହାରୁଖ ଆଇନଜୀବୀ ସତୀଶ ମନସିନ୍ଧେଙ୍କ ଟିମ ସହ ଏକ ଫଟୋ ଉଠାଇଥିଲେ । ଯାହା ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଫଟୋରେ ଶାହାରୁଖ କେତେ ଖୁସିଥିବା ନଜର ଆସୁଛନ୍ତି । ଆର୍ୟନ ଡ୍ରଗ୍ସ ମାମଲାରେ ଗିରଫ ହେବା ପରେ ଶାହାରୁଖ ଓ ଗୌରୀ ଖାନଙ୍କ ଆଖିରୁ ନିଦ ହଜିଯାଇଥିଲା । ପୁଅକୁ ଜେଲରୁ ମୁକୁଳାଇବା ପାଇଁ ଦିନ ରାତି ଲାଗିପଡିଥିଲେ । ପଠାନ ଫିଲ୍ମ ସୁଟିଂକୁ ମଧ୍ୟ ଅଧାରୁ ଛାଡି ଦେଶକୁ ଫେରିଥିଲେ ଶାହାରୁଖ ।

ଆର୍ୟନଙ୍କୁ ବେଲ ମିଳିବା ପରେ ଅନେକ ସେଲିବ୍ରିଟି ମଧ୍ୟ ଖୁସି ବ୍ୟକ୍ତ କରିଛନ୍ତି । ସୋନୁ ସୁଦ୍ଦ,ଆର ମାଧବନ ଖୁସି ଜଣାଇଛନ୍ତି । ଆର ମାଧବନ ଟୁଇଟ କରି ଲେଖିଛନ୍ତି ଯେ, ଭଗବାନଙ୍କୁ ଧନ୍ୟବାଦ । ସେହିପରି ସୋନୁ ସୁଦ୍ଦ ଟୁଇଟ କରିଛନ୍ତି ଯେ, ସମୟ ଯେତେବେଳେ ନ୍ୟାୟ କରେ , ସାକ୍ଷୀମାନଙ୍କର କୌଣସି ଆବଶ୍ୟକତା ପଡିନଥାଏ । ଟିଭି କଳାକାର ଆମିର ଅଲ୍ଲୀ, ଗାୟକ ମିକା ସିଂ ମଧ୍ୟ ଆର୍ୟନ ଜାମିନ ମଞ୍ଜୁର ଖବର ଶୁଣିବା ପରେ କହିଛନ୍ତି ଯେ, ଭଗବାନଙ୍କ ଘର ଡେରି ହୁଏ କିନ୍ତୁ କେବେ ଅନ୍ଧାର ନଥାଏ ।

ଅକ୍ଟୋବରୁ ୨ରେ ମୁମ୍ବାଇ କ୍ରୁଜ ଡ୍ରଗ୍ସ ମାମଲାରେ ଏନସିବି ଆର୍ୟନ ଖାନଙ୍କୁ ଗିରଫ କରିଥିଲା । ଦୀର୍ଘ ୨୫ ଦିନ ହେବ ଆର୍ଥର ରୋଡ ଜେଲରେ ଅଛନ୍ତି ଆର୍ୟନ । ପୂର୍ବରୁ ଦୁଇ ଥର ସେଶନ୍ସ କୋର୍ଟରେ ତାଙ୍କା ଜାମିନ ଆବେଦନ ଖାରଜ ହୋଇଯାଇଥିଲା । ଏନସିବି ଲଗାତର ଆର୍ୟନଙ୍କ ଜାମିନକୁ ବିରୋଧ କରିଆସୁଥିଲା । ଏହା ପରେ ଆର୍ୟନଙ୍କ ଓକିଲ ବମ୍ବେ ହାଇକୋର୍ଟର ଦ୍ୱାରସ୍ଥ ହୋଇଥିଲେ । ଗତ ୩ ଦିନ ହେବ ଲଗାତର ଶୁଣାଣି କରିବା ପରେ ବମ୍ବେ ହାଇକୋର୍ଟ ଗୁରୁବାର ଜାମିନ ପ୍ରଦାନ କରିଛନ୍ତି । ଆର୍ୟନଙ୍କ ସହ ଅରବାଜ ମର୍ଚାଂଟ ଓ ମୁନମୁନ ଧାମେଚାଙ୍କୁ ମଧ୍ୟ ଜାମିନ ମିଳିଥିବା ବେଳେ ଆଜି କିମ୍ବା କାଲି ରାୟର କପି ଆସିବା ପରେ ଜେଲରୁ ମୁକୁଳିବେ ୩ ଜଣ ।

Leave A Reply

Your email address will not be published.