ଭୁବନେଶ୍ବର: ଦକ୍ଷିଣ ପଶ୍ଚିମ ବଙ୍ଗୋପସାଗର ରେ ସକ୍ରିୟ ରହିଛି ବାତ୍ୟା ‘ ମିଚାଉଙ୍ଗ ‘ ଏହା ଉତ୍ତର- ପଶ୍ଚିମ ଦିଗରେ ଅଗ୍ରସର ହୋଇ ଆସନ୍ତା ୨୪ ଘଣ୍ଟା ରେ ଭୀଷଣ ବାତ୍ୟା ରେ ପରିଣତ ହେବ। ୪ ତାରିଖ ଅପରାହ୍ନ ରେ ଏହା ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର ରେ ପହଞ୍ଚିବ ଓ ଉତ୍ତର ଦିଗ ରେ ଅଗ୍ରସର ହୋଇ ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳ ରେ ସମାନ୍ତରାଳ ଭାବରେ ଗତି କରି ୫ ତାରିଖ ରେ ଆନ୍ଧ୍ରପ୍ରଦେଶ ର ନେଲୋର୍ ଓ ମଛଲିପଟନମ ମଧ୍ୟରେ ଲ୍ୟାଣ୍ଡଫଲ୍ କରିବ। ଲ୍ୟାଣ୍ଡଫଲ୍ କରିବା ପରେ ଏହି କ୍ଷେତ୍ର କ୍ରମଶଃ ଦୁର୍ବଳ ହୋଇ ଉତ୍ତର ଉତ୍ତର ପୂର୍ବ ଦିଗ ରେ ଉତ୍ତର ଆନ୍ଧ୍ର – ଦକ୍ଷିଣ ଓଡ଼ିଶା ଆଡ଼କୁ ଗତି କରିବ।
ଏହା ପ୍ରଭାବ ରେ ଆସନ୍ତା ୪ ତାରିଖ ରେ ଓଡ଼ିଶା ର ଦକ୍ଷିଣ ଜିଲ୍ଲା ରେ ବର୍ଷା ର ପ୍ରଭାବ ରହିବ। ଉପକୂଳ ଓଡ଼ିଶା ର ଗୋଟିଏ ଦୁଇଟି ସ୍ଥାନରେ ବର୍ଷା ହୋଇପାରେ। ୫-୬ ତାରିଖ ରେ ମାଲକାନାଗିରି, କୋରାପୁଟ , ରାୟଗଡ଼ା, ଗଜପତି, ଗଞ୍ଜାମ ଜିଲ୍ଲା ରେ ପ୍ରବଳ ରୁ ଅତି ପ୍ରବଳ ବର୍ଷା ( ୧୧-୨୦ସେମି ) ସମ୍ଭାବନା ରହିଛି। ପୁରୀ, ଜଗତସିଂହପୁର, କଟକ, ଖୋର୍ଦ୍ଧା, ନୟାଗଡ଼ , କଳାହାଣ୍ଡି, ନବରଙ୍ଗପୁର ଜିଲ୍ଲା ର ଅଧିକାଂଶ ଅଞ୍ଚଳ ରେ ବର୍ଷା ସହ ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷା (୭-୧୧ ସେମି ) ହେବାର ସମ୍ଭାବନା ରହିଛି।
୪ ତାରିଖ ସନ୍ଧ୍ୟା ପରେ ଗଜପତି, ଗଞ୍ଜାମ , ପୁରୀ , ଜଗତସିଂହପୁର ଉପକୂଳ ରେ ପବନ ର ବେଗ ୩୫-୪୫ କିମି/ ଘଣ୍ଟା ରହିବ। ୦୫ ତାରିଖ ସନ୍ଧ୍ୟା ରୁ ୦୬ ସକାଳ ଯାଏଁ ପବନ ର ବେଗ ୪୦-୫୦ କିମି/ ଘଣ୍ଟା ରହିପାରେ। ସେହିପରି ମାଲକାନାଗିରି, ରାୟଗଡ଼ା, କୋରାପୁଟ ରେ ପବନ ର ବେଗ ୩୦-୪୦କିମି/ ଘଣ୍ଟା ରହିପାରେ। ଆସନ୍ତା ୦୭ ତାରିଖ ଯାଏଁ ସମୁଦ୍ର ଅଶାନ୍ତ ରହିବ।
ପୂର୍ବାନୁମାନ – ସାର୍ଥକ ମିଶ୍ର