ନୂଆଦିଲ୍ଲୀ: ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି ଷ୍ଟାର ଓପନର୍ ଶିଖର ଧଓ୍ୱନ। ଶିଖର ସୋଶାଲ ମିଡିଆରେ ଭିଡିଓ ଜାରି କରି କ୍ରିକେଟ ଯାତ୍ରାରେ ପୂର୍ଣ୍ଣଚ୍ଛେଦ ପଡ଼ିଲା ବୋଲି କହିଛନ୍ତି। ଶିଖର ସୋଶାଲ ମିଡିଆରେ ଭିଡିଓ ଜାରି କରି କ୍ରିକେଟ ଯାତ୍ରାରେ ପୂର୍ଣ୍ଣଚ୍ଛେଦ ପଡ଼ିଲା ବୋଲି କହିଛନ୍ତି।
ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଘରୋଇ ତଥା ଅନ୍ତର୍ଜାତୀୟ କ୍ରିକେଟ ପାଇଁ ସେ ବିଦାୟ ନେଇଛନ୍ତି। ଏହି ୩୭ ବର୍ଷୀୟ ଖେଳାଳି ୨୦୨୦ରେ ଭାରତ ପାଇଁ ଡେବ୍ୟୁ କରିଥିଲେ। ତାଙ୍କର ୧୩ ବର୍ଷର କ୍ୟାରିଅରରେ ସେ ୩୪ ଟି ଟେଷ୍ଟ, ୧୬୭ଟି ଦିନିକିଆ ଏବଂ ୬୮ ଟି-୨୦ ମ୍ୟାଚରେ ଭାରତର ପ୍ରତିନିଧିତ୍ୱ କରିଛନ୍ତି। ଅବସର ଘୋଷଣା କରି ଧାୱନ କହିଛନ୍ତି, ବର୍ତ୍ତମାନ ଯଦି ମୁଁ ପଛକୁ ଚାହିଁବି, ତେବେ ମୁଁ ଅନେକ ସ୍ମୃତି ଦେଖିଥାଏ ଏବଂ ଯେତେବେଳେ ମୁଁ ଆଗକୁ ଦେଖେ, ସେତେବେଳେ ମୁଁ ସମଗ୍ର ବିଶ୍ୱକୁ ଦେଖେ।
ଶିଖର ଭାରତ ପାଇଁ ୨୦୧୦ରେ ବିଶାଖାପାଟନମରେ ଅଷ୍ଟ୍ରେଲିଆ ବିପକ୍ଷରେ ପ୍ରଥମ ଦିନିକିଆ ଖେଳିଥିଲେ। ସେ ୧୬୭ ମ୍ୟାଚ ରେ ୬୭୯୩ ରନ ସଂଗ୍ରହ କରିଛନ୍ତି। ଧାୱନ ହାରାହାରି ୪୪.୧୧ ସ୍କୋର କରିଛନ୍ତି ଏବଂ ଷ୍ଟ୍ରାଇକ ହାର ୯୧.୩୫ ରହିଛି। ତାଙ୍କ ନାମରେ ୧୭ ଶତକ ଏବଂ ୩୯ ଅର୍ଦ୍ଧଶତକ ଅଛି। ତାଙ୍କର ଟି-୨୦ କ୍ୟାରିୟର ବିଷୟରେ କହିବାକୁ ଗଲେ ଧାୱନ ୬୮ଟି ମ୍ୟାଚରେ ୧୭୫୯ ରନ ସଂଗ୍ରହ କରିଛନ୍ତି। ସେ ୧୧ ଅର୍ଦ୍ଧଶତକ ହାସଲ କରିଛନ୍ତି। ୨୦୧୩ ପରଠାରୁ ସେ ଏପର୍ଯ୍ୟନ୍ତ ୩୪ଟି ଟେଷ୍ଟରେ ଭାଗ ନେଇଛନ୍ତି। ଧାୱନ ଶେଷ ଥର ପାଇଁ ୨୦୧୮ରେ ଏକ ଟେଷ୍ଟ ମ୍ୟାଚ ଖେଳିବାର ସୁଯୋଗ ପାଇଲେ। ସେ କ୍ରିକେଟର ଦୀର୍ଘତମ ଫର୍ମାଟରେ ହାରାହାରି ୪୦.୬୧ରେ ୨୩୧୫ ରନ ସଂଗ୍ରହ କରିଥିଲେ। ଏହି ଅବଧିରେ ସେ ୭ ଶତକ ଏବଂ ପାଞ୍ଚ ଅର୍ଦ୍ଧଶତକ ହାସଲ କରିଥିଲେ। ଧାୱନଙ୍କ ସର୍ବାଧିକ ସ୍କୋର ହେଉଛି ୧୯୦ ରନ।
ଧାୱନ ମଧ୍ୟ ଆଇପିଏଲରେ ବହୁ ରନ ସଂଗ୍ରହ କରିଛନ୍ତି। ସେ ଏହି ଟୁର୍ନାମେଣ୍ଟ ଇତିହାସରେ ସବୁଠାରୁ ସଫଳ ବ୍ୟାଟ୍ସମ୍ୟାନ। ଅଧିକାଂଶ ରନ ସ୍କୋର କରିବାରେ ସେ ବିରାଟ କୋହଲିଙ୍କ ପରେ ଦ୍ୱିତୀୟ ସ୍ଥାନରେ ଅଛନ୍ତି। ୨୨୨ ଆଇପିଏଲ ମ୍ୟାଚରେ ଧାୱନ ୬୭୬୯ ରନ ସଂଗ୍ରହ କରିଛନ୍ତି। ଏହି ସମୟ ମଧ୍ୟରେ ସେ ଦୁଇ ଶତକ ଏବଂ ୫୧ ଅର୍ଦ୍ଧଶତକ ହାସଲ କରିଛନ୍ତି। ଧାୱନଙ୍କ ହାରାହାରି ହେଉଛି ୩୫.୨୬ ଏବଂ ଷ୍ଟ୍ରାଇକ ରେଟ୍ ହେଉଛି ୧୨୭.୧୪।