ମହଙ୍ଗା ଭତ୍ତା ୨% ବୃଦ୍ଧି, ୬୦%କୁ ପହଞ୍ଚିଲା ଡିଏ

ନ୍ୟୁଜ୍ ବ୍ୟୁରୋ: ମୁଖ୍ୟମନ୍ତ୍ରୀ ମୋହନ ମାଝୀ ରାଜ୍ୟ ସରକାରୀ କର୍ମଚାରୀଙ୍କ ପାଇଁ ମହଙ୍ଗା ଭତ୍ତା (DA) ୨ ପ୍ରତିଶତ ବୃଦ୍ଧି ଘୋଷଣା କରିଛନ୍ତି। ଏହା ସହ ଡିଏ ୫୮ ପ୍ରତିଶତରୁ ବଢ଼ି ୬୦ ପ୍ରତିଶତକୁ ପହଞ୍ଚିଛି। ଏହି ବର୍ଦ୍ଧିତ ଡିଏ ୨୦୨୬ ଜାନୁଆରୀ ଠାରୁ ପିଛିଲା ଭାବରେ ଲାଗୁ ହେବ। ଚଳିତ ମେ ମାସର ଦରମା ସହ ଏହାର ନଗଦ ଭୁଗତାନ କରାଯିବ ବୋଲି ସରକାର ସୂଚନା ଦେଇଛନ୍ତି। ପେନ୍‌ସନଭୋଗୀଙ୍କ ପାଇଁ ମଧ୍ୟ ସମାନ ହାରରେ ଟିଆଇ (TI) ୨ ପ୍ରତିଶତ ବଢ଼ାଯାଇଛି। ସେମାନେ ମଧ୍ୟ ମେ ମାସ ପେନ୍‌ସନ ସହ ଏହି ବର୍ଦ୍ଧିତ ଲାଭ ପାଇବେ। ଏହି ନିଷ୍ପତ୍ତି ଫଳରେ ରାଜ୍ୟର ପ୍ରାୟ ସାଢେ ୮ ଲକ୍ଷ ସରକାରୀ କର୍ମଚାରୀ ଓ ପେନ୍‌ସନଭୋଗୀ ଲାଭାନ୍ବିତ ହେବେ।