ପ୍ରମୁଖ ଖବର

ଦିଲ୍ଲୀ ଏମ୍ସରେ ଅଗ୍ନିକାଣ୍ଡ
ଡିସିପି ଅଫିସରେ ଆତ୍ମସମର୍ପଣ ପରେ ଗିରଫ ହେଲେ ଜଗନ୍ନାଥ ପ୍ରଧାନ
ଦେବାଶିଷ ସିଂହ ସାଧାରଣ ପ୍ରଶାସନ ବିଭାଗର ଅତିରିକ୍ତ ସଚିବ ଭାବେ ନିଯୁକ୍ତ
ସ୍କୁଲ ଗ୍ରେଡିଂ ସିଷ୍ଟମ: ଜାତୀୟ ସ୍ତରରେ ୫ମ ସ୍ଥାନରେ ଓଡ଼ିଶା
ଆଇଏଏସ ବିଷ୍ଣୁପଦ ସେଠୀଙ୍କୁ ହାଇକୋର୍ଟରୁ ମିଳିଲା ଆଶ୍ଵସ୍ତି
ଆସନ୍ତା ୬ରେ ହୀରାକୁଦରୁ ଛଡାଯିବ ପ୍ରଥମ ବନ୍ୟାଜଳ
ବଲାଙ୍ଗିର ଜିଲ୍ଲା ଟିଟିଲାଗଡ଼ର ପୂର୍ତ୍ତ ବିଭାଗ ସହକାରୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ରେଡ୍
କଟକ: ଡ୍ୟୁଟି ସାରି ଫେରିବା ବେଳେ ମହିଳା ହୋମ୍‌ଗାର୍ଡଙ୍କ ଉପରେ ଚଢିଗଲା ଟ୍ରକ୍

ନବୀନଙ୍କ ବିରୋଧରେ ପିତାମ୍ୱର ହିଞ୍ଜିଳି ପ୍ରାର୍ଥୀ

0
  • ଗେରୁଆ ପିନ୍ଧିବା ପରେ ଖାରବେଳ କହିଲେ କନ୍ଧମାଳ
  • ବିଜେପି ରଣନୀତି ନେଇ ରାଜନୈତିକ ମହଲ ତାଜୁବ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିରୋଧରେ ହିଞ୍ଜିଳିରୁ ପ୍ରାର୍ଥୀ ହେବେ ବରିଷ୍ଠ ଆଇନଜୀବୀ ତଥା ରାଜ୍ୟ ବିଜେପି ମୁଖପାତ୍ର ପିତାମ୍ୱର ଆଚାର୍ଯ୍ୟ । ବିଧିବଦ୍ଧ ଘୋଷଣା ହୋଇନଥିଲେ ହେଁ, ଏ ନେଇ ଶୀର୍ଷ ନେତୃତ୍ୱ ମନସ୍ଥିର କରିଛନ୍ତି ।

ବିଜେପିର ଏଭଳି ଆଭିମୁଖ୍ୟ ରାଜନୈତିକ ପର୍ଯ୍ୟବେକ୍ଷକ ମହଲକୁ ତାଜୁବ କରିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭଳି ଲୋକପ୍ରିୟତା ରହିଥିବା ଅନୁମାନରେ ବିଜେପି ନେତୃତ୍ୱ ଯେଭଳି ପ୍ରାର୍ଥୀ ଘୋଷଣା କରୁଛନ୍ତି, ତାହା ଦଳକୁ ବଢାଇବ ନା ଛିଡାଇବ ସେ ନେଇ ଆଶଙ୍କା ସୃଷ୍ଟି ହେଲାଣି ।

ସେପଟେ ସୋମବାର ବିଜେପିରେ ଯୋଗଦେବା ପରେ ଐର ଖାରବେଳ ସ୍ୱାଇଁ କନ୍ଧମାଳ ଆସନରୁ ପ୍ରାର୍ଥୀ ହେବେ ବୋଲି ଆପେ ଗଣମାଧ୍ୟମ ସାମ୍ନାରେ ଘୋଷଣା କରିଛନ୍ତି । କନ୍ଧମାଳ ଆସନରେ ବିଜେପିର ସେଭଳି ଦବଦବା ନାହିଁ । ବାସ୍ତବରେ ଖାରବେଳକୁ ପରାଜୟ ମୁହଁକୁ ଠେଲିଦେବା ଲାଗି ଏହା ଚାଲ ନା କେବଳ ଚର୍ଚ୍ଚାରେ ରହିବା ଲାଗି ଏମିତି କସରତ କରିଛନ୍ତି ବିଜେପି ନେତୃତ୍ୱ ତାହା ବୁଝାପଡୁନାହିଁ ।

ରାଜନୈତିକ ମହଲର କହିବା କଥା ହେଉଛି, ଯଦି ଖାରବେଳ ବିଜେପିକୁ ଫେରିବା ବାଟ ଖୋଲା ଥିଲା, ତେବେ ଦଳ ତାଙ୍କ ପୁରୁଣା ଆସନ ବାଲେଶ୍ୱରରୁ ପ୍ରାର୍ଥୀ କରିଥିଲେ, ସ୍ଥିିତି ଅଲଗା ହୋଇଥାନ୍ତା । ପ୍ରତାପ ଷଡଙ୍ଗୀ ନୀଳଗିରି ଆସନରେ ପ୍ରାର୍ଥୀ ହୋଇଥିଲେ ଜିଲ୍ଲାକୁ ବିଜେପି ନିଜ କବଜାକୁ ଆଣିପାରିଥାନ୍ତା ।

ଉଲ୍ଲେଖଥାଉକି,ପୂର୍ବରୁ ବରଗଡରେ କମ ଭୋଟରେ ହାରିଥିବା ସୁବାସ ଚୌହାନଙ୍କୁ ଦଳ ସେ ଆସନରୁ ପ୍ରାର୍ଥୀ କରିନାହିାଁ ସେଠାରେ ସମ୍ୱଲପୁରରେ ସଂଗଠନ ରଖିଥିବା ସୁରେଶ ପୂଜାରୀଙ୍କୁ ପ୍ରାର୍ଥୀ କରି ଦଳ ଉଭୟ ଆସନକୁ ବିପଦକୁ ଠେଲିଦେଇଛି ।

Leave A Reply

Your email address will not be published.