ପ୍ରମୁଖ ଖବର

ଭୁବନେଶ୍ବର: ତଳସରା ବିଧାୟକ ଭବାନୀ ଭୋଇ ବିଜେପିର ଉପ ବାଚସ୍ପତି ପ୍ରାର୍ଥୀ
ନୂଆ ଆୟକର ବ୍ୟବସ୍ଥାରେ ବଦଳିଲା ଛାଡସୀମା, ପୁରୁଣା ବ୍ୟବସ୍ଥାରେ ଅପରିବର୍ତ୍ତିତ, ଷ୍ଟାଣ୍ଡାର୍ଡ ଡିଡକ୍ସନ ୭୫୦୦୦କୁ ବୃଦ୍ଧି
୧୫ ପ୍ରତିଶତ ସୀମା ଶୁଳ୍କ ହ୍ରାସ ନେଇ ଅର୍ଥମନ୍ତ୍ରୀଙ୍କ ଘୋଷଣା: ଶସ୍ତା ହେବ ସୁନା, ରୂପା, କ୍ୟାନ୍ସର ଔଷଧ, ମୋବାଇଲ
ଏଥର ବଜେଟ୍ ରେ ନୂଆ ଚାକିରିଆଙ୍କ ପାଇଁ ଖୁସି ଖବର, ତିନୋଟି କିସ୍ତିରେ ମିଳିବ ୧୫ ହଜାର

ପୁଲିସକୁ ଅପରାଧୀ ଡରୁନାହାନ୍ତି କାହିଁକି?

0

କାହା ପାଇଁ କାମ କରୁଛି ପୁଲିସ
ପୁରୀ ପରେ ଜଳେଶ୍ୱରରେ ଅଭାବନୀୟ ଘଟଣା
ହାଵଡାରୁ ଦୁଇ ଯୁବତୀଙ୍କୁ ଆଣି ଗଣଦୁ୍‍ଷ୍କର୍ମ କଲେ ତିନି ଦୁର୍ବୃତ୍ତ
ମଙ୍ଗଳବାର କାରକୁ ଗୁଳି କରି ୫୦ଲକ୍ଷ ଲୁଟିଥିଲେ

ଭୁବନେଶ୍ୱର: ପୁରୀ ବସଷ୍ଟାଣ୍ଡରେ ପୁଲିସ ମୁତୟନ ଥିବା ସତ୍ତ୍ୱେ ଜଣେ ହେଲପର୍‍ ବସ ମଧ୍ୟରେ ଜଣେ ଯୁବକଙ୍କୁ ଦୁଷ୍କର୍ମ କରିବାକୁ ସାହାସ କଲା । ପୁରୀ ବସଷ୍ଟାଣ୍ଡ ପରିସରରେ ପୁଲିସ କ୍ୟାମ୍ପ ଅଛି । ମାତ୍ର ପୁଲିସ ନଜର ପଡିଲାନି । ସ୍ଥାନୀୟ ଲୋକେ ଯୁବତୀଙ୍କୁ ଆଣି ପୁଲିସ ପାଖେ ଫେରାଦ ହୋଇଥିଲେ । ଏହି ଘଟଣାରେ ବସ ହେଲପରକୁ ପୁଲିସ ଗିରଫ କରିଛି । କିନ୍ତୁ ଦୁର୍ବୃତ୍ତ ଏ ସାହସ କଲା କେମିତି?
ବୁଧବାର ଆଉ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଜଳେଶ୍ୱର ଥାନା ଅଞ୍ଚଳରେ ଜଣେ ଯୁବତୀଙ୍କୁ ଗଣ ଦୁଷ୍କର୍ମ କରାଯାଇଥିବା ଅଭିଯୋଗ ଆସିଛି । କୋଲକାତା ହାଵଡାରୁ ଦୁଇ ଜଣ ଯୁବତୀଙ୍କୁ ଆଣି ଦୁର୍ବୃତ୍ତ ଏଭଳି କାଣ୍ଡ ଭିଆଇଛନ୍ତି । ତଳସରି ମେରାଇନ ଥାନାରେ ଏ ଅଭିଯୋଗ ହୋଇଛି । ଗୋଟିଏ ଗେଷ୍ଟ ହାଉସରେ ରଖି ସେମାନେ ଏଭଳି କାଣ୍ଡ ଭିଆଇଛନ୍ତି । ଦୁଇ ଯୁବତୀ ଆଜି ଗେଷ୍ଟ ହାଉସ ବାହାରେ କାନ୍ଦିବା ପରେ ଏହି ଘଟଣା ସାମ୍ନାକୁ ଆସିଥିଲା ।
ମଙ୍ଗଳବାର କଟକ ଗୁରୁଡିଝାଟିଆ ଥାନା ଅଞ୍ଚଳରେ ଆଉ ଏକ ବଡ ଘଟଣା ଘଟିଛି । ଢେଙ୍କାନାଳ ସହରର ଜଣେ ଡାକ୍ତର ବିନୟ କୁମାର ମହାପାତ୍ର ଭୁବନେଶ୍ୱରରେ ଥିବା ତାଙ୍କ ସାଙ୍ଗଠାରୁ ୫୦ଲକ୍ଷ ଟଙ୍କା ନେଇ ଯିବା ବେଳେ ଜାତୀୟ ରାଜପଥର କପୁରସିଂ ନିକଟସ୍ଥ ଏକ ପେଟ୍ରୋଲ ପମ୍ପ ନିକଟରେ ସେ ଲୁଟର ଶିକାର ହୋଇଥିଲେ । ତିନି ଜଣ ଯୁବକ ବାଇକରେ ଆସି ତାଙ୍କ କାରକୁ ଗୁଳି ମାରି ଏହି ଅର୍ଥ ଲୁଟିଥିଲେ । ଗୁରୁତ୍ୱପୂର୍ଣ୍ଣ କଥା ହେଲା, ଏହି ଘଟଣା ରାତିରେ କି ସନ୍ଧ୍ୟାରେ ନୁହେଁ, ଅପରାହ୍ନ ୪ଟା ୨୦ ମିନିଟରେ ଘଟିଥିଲା ।
ଏହି ତିନି ଘଟଣା କେଉଁଠି ନା କେଉଁଠି ସୂଚାଇ ଦେଉଛି ଯେ ପୁଲିସ ଉପରୁ ଅପରାଧୀଙ୍କ ଡର ଆଉ ନାହିଁ । ଖୋଲମଖୋଲା ଅପରାଧୀମାନେ ଏଭଳି କାଣ୍ଡ ଭିଆଉଛନ୍ତି । ପ୍ରଶ୍ନ ଉଠୁଛି, ହଠାତ୍‍ ଏମିତି ଡ଼ର ଛାଡିଗଲା କାହିଁକି?
ଏଭଳି ପ୍ରଶ୍ନ ସବୁ ମହଲକୁ ଆନ୍ଦୋଳିତ କଲାଣି । ରାଜ୍ୟ ସରକାର ଆଇନଶୃଙ୍ଖଳା ନେଇ ତୁରନ୍ତ ସମୀକ୍ଷା ନ କଲେ, ସ୍ଥିତି ଅଣାୟତ ହୋଇପାରେ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି । ପୂର୍ବରୁ ମୁଖ୍ୟମନ୍ତ୍ରୀ ନିୟମିତ ବ୍ୟବଧାନରେ ଆଇନଶୃଙ୍ଖଳା ସ୍ଥିତି ସମୀକ୍ଷା କରୁଥିଲେ । ମାତ୍ର ବେଶ କିଛି ମାସ ଧରି ଏହା ଦେଖାଯାଇନାହିଁ । ଏଣୁ ପୁଲିସ ହୁଗୁଳା ହୋଇଯାଇଛି ବୋଲି କେହି କେହି କହିଲେଣି ।
ଅନ୍ୟ ଗୋଟିଏ ମହଲର ମତ ହେଲା, ରାଜ୍ୟ ପୁଲିସରେ ତୁରନ୍ତ ବଡ ଧରଣର ଅଦଳବଦଳ କରାଯିବା ଦରକାର । ଆଇପିଏସ୍‍ ସ୍ତରରେ ଏହି ଅଦଳବଦଳ ଡେରି ହେଉଥିବାରୁ ବଦଳି ଅପେକ୍ଷାରେ ଥିବା ଅଧିକାରୀମାନେ ଯେଭଳି ମନୋନିବେଶ କରିବା କଥା, ତାହା କରୁନାହାନ୍ତି ।

Leave A Reply

Your email address will not be published.