ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

କିଏ ଦେଇପାରିବ ଓଡ଼ିଶା କଂଗ୍ରେସକୁ ନେତୃତ୍ୱ?

0

ଭୁବନେଶ୍ୱର: ଚାରି ପାଞ୍ଜିରୁ ଯାଇଛି ରାଜ୍ୟ କଂଗ୍ରେସ । ଦଳ ବଢିବା ତ ଦୂରର ତଥା ଦିନକୁ ଦିନ ଏମିତି ପ୍ରଦର୍ଶନ କରୁଛି ଯେ ଓଡ଼ିଶାରେ କଂଗ୍ରେସ ରହିବ ନା ହଜିଯିବ ତାହା ଏବେ ବଡ଼ ପ୍ରଶ୍ନ ଭାବେ ଉଭା ହେଲାଣି । ଏମିତି ସମୟରେ ଅନ୍ତରୀଣ ସଭାପତି ଭାବେ ପୁଣି ଥରେ ସୋନିଆ ଗାନ୍ଧୀ ଦାୟିତ୍ୱ ନେବା ପରେ କଂଗ୍ରେସ ନେତା ଉତ୍ସାହ ଦେଖାଇଛନ୍ତି । ପୂର୍ବତନ ପ୍ରଦେଶ କଂଗ୍ରେସ ସଭାପତି ଜୟଦେବ ଜେନା କହିଛନ୍ତି ଦଳର ଐତିହାସିକ ବିଜୟ ଘଟିଛି । ସେପଟେ ବିଜେପି ନେତା ଶିବରାଜ ସିଂହ ଦେଇଥିବା ମନ୍ତବ୍ୟ ଉପରେ ତେରଛା ବାଣ ମାରିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ।

ଏବେ ପ୍ରଶ୍ନ ଉଠୁଛି, ଓଡ଼ିଶା କଂଗ୍ରେସ ସଭାପତି କିଏ ହେବ?

ଓଡ଼ିଶାରେ କଂଗ୍ରେସ ଦଳ ଖରାପ ପ୍ରଦର୍ଶନ କରିବା ସହିତ ଦଳର ପ୍ରଭାବୀ ନେତାମାନେ ମଧ୍ୟ ଦୟନୀୟ ସ୍ଥିତିକୁ ଚାଲି ଆସିଛନ୍ତି । ଯେଉଁ ନେତାମାନେ ବ୍ୟକ୍ତିଗତ ଭାବେ ନିର୍ବାଚନମଣ୍ଡଳୀ ଗଡ ଜଗିଥିଲେ, ସେମାନେ ଏଥର ବିଜୟ ଲାଭ କରିଛନ୍ତି । ତଥାପି ବିଧାନସଭାରେ ଦଳ ଏକ ଅଙ୍କ ବିଶିଷ୍ଟ ସଂଖ୍ୟାରେ ଅଟକିଯାଇଛି । ସବୁଠାରୁ ସାଂଘାତିକ କଥା ହେଉଛି, ଦଳ ୧୪୭ ବିଧାନସଭା ଆସନ ପାଇଁ ପ୍ରାର୍ଥୀ ପାଇନାହିଁ । ଯୁବ ନେତାମାନେ ସ୍ଥାନୀୟ ନେତୃତ୍ୱର ଆଚରଣ ଉଚ୍ଚାରଣରେ ଏବେ କ୍ଷୁବ୍ଧ ଯେ ଆଡ ଆଖିରେ ସୁଦ୍ଧା ଚାହୁଁନାହାନ୍ତି । ପୁରୁଖା ନେତାଙ୍କ ମଧ୍ୟରୁ ଅନେକ ସବୁ ନୀତି ଆଦର୍ଶକୁ ଜଳାଞ୍ଜଳି ଦେଇ ବିରୋଧୀ ପକ୍ଷରେ ଝାସ ଦେଉଛନ୍ତି ।

ଏମିତି ସମୟରେ ଓଡ଼ିଶାରେ ସେମିତି ଆଖିଦୃଶିଆ ତଥା ପ୍ରଭାବୀ ନେତା ନାହାନ୍ତି, ଯିଏ କଂଗ୍ରେସକୁ ହଠାତ୍‍ ସକ୍ରିୟ ସ୍ଥିତିକୁ ଆଣିପାରିବେ । ସବୁଠାରୁ ବଡ଼ କଥା ହେଲା, ଦଳର ଯେଉଁ ବରିଷ୍ଠ ନେତାମାନେ ଗତ ଚାରି ପାଞ୍ଚଟି ନିର୍ବାଚନରେ ହାରିଛନ୍ତି, ସେସବୁ ସ୍ଥାନରେ କଂଗ୍ରେସ ନେତୃତ୍ୱ ବିକଳ୍ପ ନେତା ସୃଷ୍ଟି କରିପାରୁନାହାନ୍ତି ।

ରାଜନୈତିକ ପର୍ଯ୍ୟବେକ୍ଷକ ମହଲର କହିବା କଥା, ନିର୍ବାଚନ ଅନେକ ସମୟ ରହିଛି । ଏବେଠାରୁ ଯଦି ଦଳ ରାଜ୍ୟରେ ନୂଆ ନେତୃତ୍ୱ ପାଇଁ ମୋର୍ଚ୍ଚା ଗଠନ କରିବ, ଯୁବ ନେତାଙ୍କ ହାତରେ ନେତୃତ୍ୱ ସମର୍ପି ପାରିବ, ତେବେ ରାଜ୍ୟ କଂଗ୍ରେସ ପାଇଁ ଆଶା ସଞ୍ଚାର ହେବ । କେବଳ ସେତିକି ନୁହେଁ, ସଂପୂର୍ଣ୍ଣ କଳଙ୍କମୁକ୍ତ ନେତାଙ୍କୁ ସାମ୍ନାକୁ ଅଣାଯାଇପାରିଲେ, ରାଜ୍ୟ ବିଜେପି ଓ ବିଜେଡିର ବିକଳ୍ପ ଭାବେ ଆଉଥରେ ମୁଣ୍ଡ ଟେକିବା ଅସମ୍ଭବ ନୁହେଁ । ଏମିତିରେ ବି ବିଜେଡି-ବିଜେପି ସଂପର୍କ ନିବିଡ ହେଉଥିବା ଜଣାପଡିଲା ପରେ ଭୋଟର ଦ୍ୱନ୍ଦ୍ୱରେ ଅଛନ୍ତି । ଏ ଫାଇଦା କଂଗ୍ରେସ ଉଠାଇ ପାରିବ ତ । ସୋନିଆ ଗାନ୍ଧୀ ପୁଅର ବିଫଳତା ପାଇଁ ଯେଭଳି ତାକୁ ପଛକୁ ଠେଲିଦେଲେ ଏଠି ବାପା ମାନେ ପୁତ୍ର ମୋହରୁ ମୁକୁଳିପାରିବେ ତ?

ଆଜି ଶ୍ରୀ ଜେନା କହିଛନ୍ତି, ବିଜେପି ଭାବୁଥିଲା କଂଗ୍ରେସ ମୁକ୍ତ ଭାରତ କରିବ, ଯାହା ଆଉ ସମ୍ଭବ ନୁହେଁ । ସେମାନେ ଏବେ ଭୟଭୀତ । ଦଳ କ୍ଷମତାକୁ ଫେରିବା ଲାଗି ସୋନିଆଙ୍କୁ ଦାୟିତ୍ୱ ଦିଆଯାଇଛି । ସେ ନୂଆ ଦିଗଦର୍ଶନ ଦେବେ । ସେ ନିଜେ ପ୍ରଧାନମନ୍ତ୍ରୀ ହୁଅନ୍ତି ନାହି ଁ, କରନ୍ତି । ସେହିଭଳି ଶ୍ରୀ ମିଶ୍ର କଂଗ୍ରେସକୁ ଆରଏସଏସ୍‍ କଥା ମନେ ପକାଇ ଦେଇଛନ୍ତି । ସେମାନେ ଯେମିତି ନଚାଇବେ ବିଜେପି ସେମିତି ନାଚିବ ବୋଲ ିକହିଛନ୍ତି ।

Leave A Reply

Your email address will not be published.