ନୂଆଦିଲ୍ଲୀ: ଆଯୋଧ୍ୟା ମାମଲା ସହ କିଛି ରେକର୍ଡ ମଧ୍ୟ ଯୋଡି ହୋଇଯାଇଛି। ସୁପ୍ରିମକୋର୍ଟଙ୍କ ୬୯ ବର୍ଷ ଇତିହାସରେ ସମ୍ଭବତଃ ଏହା ପ୍ରଥମ ମାମଲା ଯାହା ଶନିବାର ପ୍ରକାଶ ପାଇଛି। କୋର୍ଟ ସାଧାରଣତଃ ସୋମବାର ରୁ ଶୁକ୍ରବାର ପର୍ଯ୍ୟନ୍ତ ଚାଲିଥାଏ। ଅତି ଜରୁରୀ ସ୍ଥିତିରେ ଶନିବାର, ରବିବାର ବା ରାତି ଅଧରେ ଅଦାଲତ ବସିବା ନଜିର ରହିଛି। ଏହି ମାମଲା ଅତି ସମ୍ବେଦନଶୀଳ ହୋଇଥିବା କାରଣରୁ ପ୍ରଧାନ ବିଚାରପତି ଶନିବାର ଦିନ ଧାର୍ଯ୍ୟ କରିଥାଇପାରନ୍ତି।
ଏମିତିରେ ବି ଏଭଳି ଏକ ଜଟିଳ ମାମଲାରେ ଖଣ୍ଡପୀଠ ସର୍ବସମ୍ମତ ହେବା ମଧ୍ୟ ଏକ ବଡ ଉପଲବ୍ଧି ବୋଲି କୁହାଯାଇପାରେ। ୧୯୭୩ ପରେ ଏହା ଦ୍ଵିତୀୟ ମାମଲା ଯେଉଁଥିରେ ଦୀର୍ଘତମ ଶୁଣାଣି , ଅର୍ଥାତ ଅଗଷ୍ଟ୬ରୁ ଅକ୍ଟୋବର ୧୬ ପର୍ଯ୍ୟନ୍ତ ହୋଇଥିଲା।