ପ୍ରମୁଖ ଖବର

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ଗୁଳିମାଡ଼ । ଏକ ନିର୍ବାଚନୀ ସଭାରେ ତାଙ୍କ ଗୁଳି ମାଡ଼ ହୋଇଛି, କାନକୁ ଛୁଇଁ ଚାଲିଗଲା ଗୁଳି
ଜୁଲାଇ ୧୯ରେ ହେବ ସିୟୁଇଟି-ୟୁଜି ପୁନଃ ପରୀକ୍ଷା, ଏନଟିଏ କଲା ଘୋଷଣା
ଦିଗପହଣ୍ଡିରେ ବଡ ଅଘଟଣ, ବିଦ୍ୟୁତ୍ ସଂସ୍ପର୍ଶରେ ଆସି ୧୦ ଶିଶୁ ଗୁରୁତର
କଟକ ତ୍ରିସା ମେଡିକାଲ ଅଗ୍ନିକାଣ୍ଡ ଘଟଣାରେ ଜଣେ ଶିଶୁ ମୃତ
ରତ୍ନଭଣ୍ଡାର ନିକଟ‌ରେ ଅସୁସ୍ଥ ହୋଇପଡିଲେ ପୁରୀ ଏସପି ପିନାକ ମିଶ୍ର, ଚିକିତ୍ସା କରୁଛନ୍ତି ଡାକ୍ତର ସିବିକେ ମହାନ୍ତି
ଶ୍ରୀମନ୍ଦିର ବାହାରକୁ ଆସି ଅସୁସ୍ଥ ଥିବା କଥାକୁ ଖଣ୍ଡନ କଲେ ଏସପି ପିନାକ ମିଶ୍ର
ଦିନ ୧ଟା ୨୮ ମିନିଟ୍ ସମୟରେ ଖୋଲାଯିବ ରତ୍ନଭଣ୍ଡାର, ୧୧ ଜଣ ଭିତରକୁ ଯିବେ: ଜଷ୍ଟିସ ବିଶ୍ବନାଥ ରଥ
ଯାଞ୍ଚ କମିଟିରୁ ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ ଓ ଡାକ୍ତର ସିବିକେ ମହାନ୍ତି ଭିତରକୁ ଯିବେ
ଆଜି ଆଡ଼ପ ମଣ୍ଡପରେ ଶ୍ରୀଜିଉଙ୍କ ଶେଷ ଦର୍ଶନ
ନୀଳାଦ୍ରି ବିଜେ ପର୍ଯ୍ୟନ୍ତ ପୁରୀରେ ରହିବେ ଉପମୁଖ୍ୟମନ୍ତ୍ରୀ ଓ ଦୁଇମନ୍ତ୍ରୀ

କରୋନା କେତେ ଏମାନଙ୍କ ପାଇଁ ବିପଦ

0

ବ୍ରିଟେନ: ନବଜାତକ ଜନ୍ମର ୧୨ ଘଣ୍ଟା ମଧ୍ୟରେ କରୋନା ଭୂତାଣୁ ଦ୍ବାରା ସଂକ୍ରମିତ ହୋଇଥିବା ସୂଚନା ମିଳିଛି। ଏହାକୁ ବିଶ୍ବର ପ୍ରଥମ ଘଟଣା ବୋଲି କୁହାଯାଉଛି। କରୋନା ସଂକ୍ରମିତ ୬ଜଣ ଗର୍ଭବତୀ ମହିଳାଙ୍କ ଶିଶୁଙ୍କ ଠାରେ କରୋନା ଚିହ୍ନଟ କରିଛନ୍ତି। ଏଥିସହିତ ବୈଜ୍ଞାନିକମାନେ ପିଲାମାନଙ୍କ ନିକଟରେ କରୋନା ସଂକ୍ରମଣର କାରଣ ଅନୁସନ୍ଧାନ ଆରମ୍ଭ କରିଛନ୍ତି।

ତେବେ ମାଆଙ୍କ ଗର୍ଭରେ ସେମାନଙ୍କୁ କରୋନା ସଂକ୍ରମଣ କରିଛି ନା ଜନ୍ମ ପରେ ଏହି ସଂକ୍ରମଣ ଘଟିଲା ତାକୁ ନେଇ ଏଯାଏ ଦ୍ବନ୍ଦ୍ବ ଲାଗି ରହିଛି। ସମସ୍ତ ଶିଶୁଙ୍କୁ ନବଜାତକ ୟୁନିଟରେ ଚିକିତ୍ସା କରାଯାଉଛି। ବ୍ରିଟେନର ପ୍ରସୂତି ସର୍ବେକ୍ଷଣ ବ୍ୟବସ୍ଥା ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ ମାର୍ଚ୍ଚ ୧ ରୁ ଏପ୍ରିଲ ୧୪ ମଧ୍ୟରେ ମୋଟ୪୨୭ ମହିଳା ଭର୍ତ୍ତି ହୋଇଥିଲେ, ଯେଉଁମାନଙ୍କ ମଧ୍ୟରେ 247 ଜଣ ଗର୍ଭବତୀ ଥିଲେ।

ଅକ୍ସଫୋର୍ଡ ୟୁନିଭର୍ସିଟିର ପ୍ରମୁଖ ଗବେଷକ ପ୍ରଫେସର ମାରିଆନ୍ ନାଇଟ୍ କହିଛନ୍ତି ଯେ ଏହି ଶିଶୁ କିଭଳି ସଂକ୍ରମଣ ହୋଇଛନ୍ତି, ଏହା ଏଭଳି ଭାବେ କହିବା ସମ୍ଭବ ନୁହେଁ। ଏହାର କାରଣ ଖୋଜିବାରେ ବିଶେଷଜ୍ଞମାନେ ଏବେ ବ୍ୟସ୍ତ ଅଛନ୍ତି। ବର୍ତ୍ତମାନ ପିଲାମାନଙ୍କଠାରେ ଏହି ସଂକ୍ରମଣ କିପରି ହୋଇଛି ତାହା ଜାଣିବା ପାଇଁ ପ୍ରୟାସ କରାଯାଉଛି। କାରଣ ସ୍ୱାସ୍ଥ୍ୟ କର୍ମୀମାନେ ପ୍ରସବ ସମୟରେ ସମସ୍ତ ଆବଶ୍ୟକୀୟ ନିୟମ ପାଳନ କରିଥିଲେ। ସବୁଠାରୁ ଭଲ କଥା ହେଉଛି ପିଲାମାନେ ସ୍ତନ୍ୟପାନରୁ ସଂକ୍ରମଣ ପାଇନାହାଁନ୍ତି। ସଂକ୍ରମିତ ମା’ ମାନେ ପିଲାମାନଙ୍କୁ ଖାଇବାକୁ ଦେବାରୁ ବଞ୍ଚିତ ହେବା ଉଚିତ୍ ନୁହେଁ। ଏହା କରିବା ଦ୍ୱାରା ପିଲାମାନେ ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟା ଭୋଗିପାରନ୍ତି।

ଡକ୍ଟର ମାରିଆନ୍ କହିଛନ୍ତି ଯେ ସଂକ୍ରମଣ ହେତୁ ବହୁତ କମ୍ ଗର୍ଭବତୀ ମହିଳାଙ୍କ ଅବସ୍ଥା ଗୁରୁତର ଏବଂ କେତେକଙ୍କର ମୃତ୍ୟୁ ଘଟିଛି। ଏପର୍ଯ୍ୟନ୍ତ କରାଯାଇଥିବା ବିଶ୍ଳେଷଣରୁ ଜଣାପଡିଛି ଯେ ଅନ୍ୟ ମହିଳାଙ୍କ ଅପେକ୍ଷା ଗର୍ଭବତୀ ମହିଳାଙ୍କ ପାଇଁ କରୋନା ଜୀବାଣୁ ଅଧିକ ନିରାପଦ ଅଟେ। ବ୍ରିଟେନରେ ହାରାହାରି ୧୦୦୦ ମହିଳାଙ୍କ ମଧ୍ୟରୁ ୫ ଜଣଙ୍କର ସଂକ୍ରମଣ ହୋଇଛି ଏବଂ ୧୦ ଜଣଙ୍କ ମଧ୍ୟରୁ କେବଳ ଜଣେ ଆଇସିୟୁ ଆବଶ୍ୟକ କରନ୍ତି।

ବୌଜ୍ଞାନିକଙ୍କ ଅନୁଯାୟୀ ସମସ୍ତ ଗର୍ଭବତୀ ମହିଳା ସଂକ୍ରମଣ ହେବାର ଆଶଙ୍କା ନାହିଁ। ଯେଉଁ ମହିଳାମାନେ ଅଧିକ ଓଜନିଆ, ମଧୁମେହ ଭଳି କିଛି ସ୍ୱାସ୍ଥ୍ୟ ସମସ୍ୟାରେ ପୀଡିତ, ସେମାନଙ୍କର ସଂକ୍ରମଣ ହେବାର ଆଶଙ୍କା ଅଧିକ। ଗତ ଏକ ମାସ ମଧ୍ୟରେ ମୁମ୍ବାଇର ଲୋକମାନ୍ୟ ତିଲକ ମ୍ୟୁନିସିପାଲିଟି ଜେନେରାଲ ହସ୍ପିଟାଲରେ ପ୍ରାୟ ୧୧୫ ମହିଳା ପିଲା ଜନ୍ମ ଦେଇଥିଲେ। ଏଥିମଧ୍ୟରୁ କେବଳ ତିନି ଜଣ ଶିଶୁଙ୍କର ଏହି ଜୀବାଣୁ ଥିବା ନିଶ୍ଚିତ କରାଯାଇଥିଲା। ଡାକ୍ତରଖାନାରେ ଚିକିତ୍ସା ସମୟରେ ଦୁଇଜଣ ମହିଳାଙ୍କ ମୃତ୍ୟୁ ଘଟିଥିବା ବେଳେ ଜଣେ ମହିଳା ପ୍ରସବ ପୂର୍ବରୁ ମୃତ୍ୟୁ ବରଣ କରିଥିଲେ।

Leave A Reply

Your email address will not be published.