ପ୍ରମୁଖ ଖବର

ସାତ ବର୍ଷ ପରେ ପୁଣି ହକି ଇଣ୍ଡିଆ ଲିଗ୍‌: ଡିସେମ୍ବର ୨୭ରୁ ଟୁର୍ଣ୍ଣାମେଣ୍ଟ ଆରମ୍ଭ, ଓଡ଼ିଶାର ଟିମ୍‌ ଖେଳିବ ମ୍ୟାଚ୍‌
ସୁପ୍ରିମକୋର୍ଟରୁ ଜାମିନ ମିଳିଲା ପରେ ମଧ୍ୟ ଜେଲରୁ ବାହାରି ପାରିବେନି କେଜ୍ରିୱାଲ
ଆସ୍ଥା ଭୋଟ୍ ହାରିଲେ ନେପାଳ ପ୍ରଧାନମନ୍ତ୍ରୀ ପ୍ରଚଣ୍ଡ
ରଥ ଉପରକୁ ମୋବାଇଲ ମନା; ନିୟମ ଭାଙ୍ଗିଲେ ହେବ କଡା କାର୍ଯ୍ୟାନୁଷ୍ଠାନ
ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବେ ନିଯୁକ୍ତ ହେଲେ ଅରବିନ୍ଦ ପାଢ଼ୀ
ଫୁଟବଲ ଆସୋସିଏଶନ ଅଫ ଓଡ଼ିଶାର ସଭାପତି ହେଲେ ସମୀର ଦେ
ରାଜଭବନ କର୍ମଚାରୀଙ୍କୁ ମାଡମାରିଲେ ରାଜ୍ୟପାଳ ରଘୁବର ଦାସଙ୍କ ପୁଅ
ଭୁବନେଶ୍ୱର ସପ୍ତମ ବାଟାଲିୟନ କ୍ୟାମ୍ପସରୁ ଜଣେ ଯବାନଙ୍କ ଝୁଲନ୍ତା ମୃତଦେହ ଜବତ

କୋଲକାତାରେ ପୁଣି ହାଇଡ୍ରାମା

0

କୋଲକାତା: ଦୁଇ ମନ୍ତ୍ରୀଙ୍କ ସମେତ ଚାରି ତୃଣମୂଳ କଂଗ୍ରେସ ନେତାଙ୍କୁ ସିବିଆଇ ଗିରଫ କରିବା ପରେ ପଶ୍ଚିମବଙ୍ଗ ରାଜନୀତି ଏବେ ସାରା ଦେଶରେ କମ୍ପନ ସୃଷ୍ଟି କରିଛି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ତୁରନ୍ତ ସିବିଆଇ କୋଲାକାତାରେ ପହଞ୍ଚିବା ପରେ ଏହି ପ୍ରସଙ୍ଗ ଜଟିଳ ରୂପ ଧାରଣ କରିଛି।

ଟିଏମ୍‌ସି ନେତାଙ୍କ ଗିରଫଦାରିକୁ ସେ ବିରୋଧ କରିବା ସହିତ ଦାବି କରିଛନ୍ତି ଯେ ଅଭିଯୁକ୍ତଙ୍କୁ ଛାଡ଼ ଅନ୍ୟଥା ତାଙ୍କୁ ବି ଗିରଫ କର। ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଓ ବେଆଇନ ଭାବେ ସିବିଆଇ ଅଧିକାରୀମାନେ ଏହି ଚାରିଜଣ ନେତାଙ୍କୁ ଗିରଫ କରିଥିବା ତାଙ୍କର ମୁଖପାତ୍ର ତଥା ଓକିଲ ଅନିନ୍ଦ୍ୟ ରାଉତ ଗଣମାଧ୍ୟମକୁ କହିଛନ୍ତି। ଶୁଭେନ୍ଦୁ ଅଧିକାରୀ ଏବଂ ମୁକୁଲ ରାୟଙ୍କୁ କିଭଳି ବାହାରେ ଛଡାଗଲା ବୋଲି ସେ ପ୍ରଶ୍ନ କରିଛନ୍ତି।

ମମତାଙ୍କ ଏଭଳି ପଦକ୍ଷେପ ପରେ ପୁଣି ଥରେ କେନ୍ଦ୍ର-ରାଜ୍ୟ ମୁହାଁମୁହିଁ ହୋଇଛନ୍ତି। ସିବିଆଇ ଅଫିସକୁ କେନ୍ଦ୍ରୀୟ ଫୋର୍ସ ଘେରାଉ କରି ରଖିଛନ୍ତି ଏବଂ ଭିତରକୁ କାହାରିକୁ ମଧ୍ୟ ଛାଡ଼ିବାକୁ ଦିଆଯାଉ ନାହିଁ। ସାମ୍ବାଦିକମାନେ ମମତାଙ୍କ ମତାମତ ଜାଣିବା ଲାଗି ଚାହିଁବାରୁ ତାଙ୍କ ଓକିଲ ଶ୍ରୀ ରାଉତ ଅଳ୍ପ ସମୟ ପୂର୍ବରୁ ସୂଚନା ଦେଇଥିଲେ।

ସୋମବାର ପୂର୍ବାହ୍ନରେ ସିବିଆଇ ଅଧିକାରୀମାନେ ମନ୍ତ୍ରୀ ଫିରାଦ ହକିମ୍, ସୁବ୍ରତ ମୁଖାର୍ଜୀଙ୍କ ସମେତ ମଦନ ମିତ୍ର ଏବଂ କୋଲକାତାର ପୂର୍ବତନ ମେୟର ଶୋଭନ ଚାଟର୍ଜୀଙ୍କୁ ଗିରଫ କରିଥିଲେ। କିଛି ଦିନ ଆଗରୁ ରାଜ୍ୟପାଳ ଜଗଦୀପ ଧନକର ସିିବିଆଇକୁ ଏମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଅନୁମତି ଦେଇଥିଲେ। କେବଳ ସେତିକି ନୁହେଁ, ତାଙ୍କୁ କ୍ଷମତା ପ୍ରୟୋଗ କରିବା ଲାଗି ବାଧ୍ୟ କରନ୍ତୁନି ବୋଲି ମଧ୍ୟ ସିଧା ସିଧା ଧମକାଇଥିଲେ।

ତୃଣମୂଳ ସାଂସଦ ତଥା ବରିଷ୍ଠ ଓକିଲ କଲ୍ୟାଣ ବାନାର୍ଜୀ ଗଣମାଧ୍ୟମକୁ କହିଛନ୍ତି, ଯେତେବେଳେ ଏହି ମାମଲାରେ ସିବିଆଇ ଚାର୍ଜସିଟ୍ ଦାଖଲ କରିସାରିଛି, ସେବେ ଏମାନଙ୍କୁ ଗିରଫଦାରି ପୁଣି କାହିଁକି? ଗିରଫଦାରି କରିବା ଲାଗି ମାଣ୍ଡାଟୋରି ନୋଟିସ୍ କାଇଁ?

ଏହି ପ୍ରସଙ୍ଗରେ ରାଜନୈତିକ ବିଶେଷଜ୍ଞମାନେ ମଧ୍ୟ ମତ ଦେଲେଣି। ସେମାନଙ୍କ ମତରେ ବିଜେପି କେନ୍ଦ୍ରୀୟ ନେତୃତ୍ବ ପଶ୍ଚିମବଙ୍ଗ ପରାଜୟକୁ ହଜମ କରିନପାରି ଏଭଳି ରାଜନୈତିକ ଆକ୍ରୋଶମୂଳକ ପଦକ୍ଷେପ ଗ୍ରହଣ କରୁଛନ୍ତି। ସେହିଭଳି ପଶ୍ଚିମବଙ୍ଗ ବାଚସ୍ପତି ବିମାନ ଚାଟାର୍ଜୀ କହିଛନ୍ତି ଯେ ରାଜ୍ୟପାଳ ମନ୍ତ୍ରୀଙ୍କୁ ଗିରଫଦାରି ପାଇଁ ଅନୁମତି ଦେବା ପୂରା ନିୟମ ବିରୁଦ୍ଧ। ଏ ସଂପର୍କରେ ତାଙ୍କୁ ଏଯାଏ କେହି ଚିଠି କରିନାହାନ୍ତି କି ପ୍ରୋଟୋକଲ୍ ପାଳନ ହୋଇନାହିଁ ବୋଲି ଶ୍ରୀ ଚାଟାର୍ଜୀ କହିଛନ୍ତି।

ଉଲ୍ଲେଖଥାଉକି, ସିବିଆଇ କାର୍ଯ୍ୟାନୁଷ୍ଠାନକୁ ନେଇ ମମତାଙ୍କ ପଦକ୍ଷେପ ଉପରେ ଏବେ ସବୁ ରାଜ୍ୟର ନଜର ରହିଛି।

Leave A Reply

Your email address will not be published.