ଅମୀର-କିରଣଙ୍କ ଘର ଭାଙ୍ଗିଲା
ମୁମ୍ବାଇ: ୧୫ ବର୍ଷର ସଂପର୍କରେ ପଡିବ ପୂର୍ଣ୍ଣଚ୍ଛେଦ। ଅଲଗା ହେବେ ଆଗଧାଡିର ବଲିଉଡ଼ ଅଭିନେତା ଅମୀର ଖାନ ଓ କିରଣ ରାଓ। ଦୁହେଁ ଏନେଇ ଘୋଷଣା କରିଛନ୍ତି। ୧୫ ବର୍ଷରେ ସାଥୀ ହୋଇ ପୁରା ଜୀବନର ହସ ଓ ଖୁସିକୁ ଅନୁଭବ କରିଛୁ। ଦୁହିଁଙ୍କର ସଂପର୍କ ବିଶ୍ୱାସ, ସମ୍ମାନ ଏବଂ ଭଲପାଇବା ଦ୍ୱାରା ବଢିଛି । ଏବେ ଏକ ନୁଆ ଅଧ୍ୟାୟ ଆରମ୍ଭ କରିବାକୁ ଯାଉଛୁ ବୋଲି କହିଛନ୍ତି ଉଭୟ ଅମୀର ଓ କିରଣ।
ଦୁହେଁ ଅନେକ ଦିନରୁ ଅଲଗା ହେବାକୁ ନିଷ୍ପତି ନେଇସାରିଥିଲେ । ଏନେଇ ଏବେ ସେମାନେ ଖାଲି ଘୋଷଣା କରୁଥିବା କହିଛନ୍ତି । ଅଲଗା ହେବା ପରେ ବି ପୁଅ ଆଜାଦର ଯତ୍ନ ଏକାଠି ମିଶିକି ନେବେ ବୋଲି କହିଛନ୍ତି। ଏହା ସହ ଫିଲ୍ମ ଏବଂ ଅନ୍ୟ ପ୍ରୋଜେକ୍ଟରେ ମଧ୍ୟ ଏକାଠି କାମ କରିବେ ବୋଲି କହିଛନ୍ତି।
ଫିଲ୍ମ ଲଗନ ସେଟ୍ରେ ପ୍ରଥମେ ଅମୀର ଓ କିରଣଙ୍କ ସାକ୍ଷାତ ହୋଇଥିଲା। ଏହା ପରେ ୨୦୦୫ ଡିସେମ୍ବର ୨୮ରେ ଅମୀର ଖାନ ଓ କିରଣ ବିବାହ ବନ୍ଧନରେ ବାନ୍ଧି ହୋଇଥିଲେ। ସରୋଗେସି ଦ୍ୱାରା ୨୦୧୧ରେ ପୁଅ ଆଜାଦ୍ ଜନ୍ମ ନେଇଥିଲା ।