ଭୁବନେଶ୍ବର: ବଜ୍ରପାତ ନେଉଛି ଜୀବନ। ଗତକାଲି ଦେଶର ବିଭିନ୍ନ ସ୍ଥାନରେ ବଜ୍ରାଘାତରେ ୭୫ରୁ ଅଧିକ ଜୀବନ ଯାଇଥିଲା। ଆଜି ଓଡିଶାରେ ମଧ୍ୟ ଏଭଳି ହୃଦୟ ବିଦାରକ ଘଟଣା ଘଟିଛି । ରାଜ୍ୟରେ ଆଜି ବିଭିନ୍ନ ସ୍ଥାନରେ ୫ ଜଣଙ୍କ ବଜ୍ରାଘାତରେ ମୃତ୍ୟୁ ହୋଇଛି । ମୟୂରଭଂଜରେ ୪ ଜଣଙ୍କ ବଜ୍ରପାତରେ ମୃତ୍ୟୁ ହୋଇଥିବା ବେଳେ ଢେଙ୍କାନାଳରେ ଜଣକର ମୃତ୍ୟୁ ହୋଇଛି।
ମୟୂରଭଂଜ ଚାନ୍ଦୁଆ ଥାନା ବାଘୁଆଶୋଳ ଗାଁର ୨ ନାବାଳକ ଓ ଜଣେ ନାବାଳିକାର ବ୍ରଜାଘାତରେ ମୃତ୍ୟୁ ହୋଇଛି। ଛେଳି ଚରାଇବାକୁ ଯାଇଥିବା ବେଳେ ହଠାତ୍ ବର୍ଷା ହୋଇଥିଲେ। ଏହି ସମୟରେ ଗୋଟିଏ ଗଛ ମୂଳେ ଆଶ୍ରୟ ନେଇଥିଲେ ୩ ଜଣ । ବଜ୍ରାଘାତରେ ୩ ଜଣଙ୍କ ଘଟଣା ସ୍ଥଳରେ ହିଁ ଟଳିପଡିଥିଲେ । ୧୮ରୁ ଅଧିକ ଛେଳିଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ସେହିପରି ଶୁଳିଆପଦା ଥାନା ବଡମାଚଣା ଗାଁରେ ମଧ୍ୟ ଜଣେ ମହିଳାଙ୍କର ମୃତ୍ୟୁ ହୋଇଛି । ଢେଙ୍କାନାଳ ପରଜଂଗରେ ମଧ୍ୟ ଜଣକର ମୃତ୍ୟୁ ହୋଇଛି, ୩ ଜଣ ଗୁରୁତର ଅଛନ୍ତି ।