ପ୍ରମୁଖ ଖବର

କାଲିଠୁ କ୍ଷୟକ୍ଷତି ଆକଳନ କରାଯିବ: ମନ୍ତ୍ରୀ
ଲାଞ୍ଚ ନେଇ ଧରାପଡ଼ିଲେ ସିଟି-ଜିଏସ୍‌ଟି ଅଧିକାରୀ
ଏସଆଇ ପରୀକ୍ଷା ଜାଲିଆତି: ଗିରଫ ୧୧୪ ପରୀକ୍ଷାର୍ଥୀଙ୍କୁ ମିଳିଲା ଜାମିନ
ଟ୍ରକ୍‌ ପଛରେ ପିଟି ହେଲା ବସ୍, ଡ୍ରାଇଭର ଓ ହେଲ୍‌ପର ମୃତ
ରାଫେଲରେ ଉଡିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ
ରାଉରକେଲା-ରାଞ୍ଚି ସେକ୍ସନରେ ଟ୍ରେନ୍ ଦୁର୍ଘଟଣାଗ୍ରସ୍ତ
ଯୁକ୍ତ ୨ ଫର୍ମ ପୂରଣ ପାଇଁ ଘୁଞ୍ଚିଲା ତାରିଖ

ଆଉ କେତ ଦିନ କୋର୍ଟ ଆସିବେ ସେଲିବ୍ରିଟି ଯୋଡି ?

0

ଫ୍ୟାମିଲି କୋର୍ଟରେ ଅନୁଭବ,ବର୍ଷା
ହାଜର ହେଉଛନ୍ତି,ସମାଧାନ ହେଉନି

ଭୁବନେଶ୍ବର: ଗତ ଶୁକ୍ରବାର ହାଜର ହୋଇଥିଲେ । ୭ ଦିନ ବିତିନି, ଆଜି ଫ୍ୟାମିଲି କୋର୍ଟରେ ପୁଣି ହାଜର ହୋଇଛନ୍ତି ସାଂସଦ ଅନୁଭବ ମହାନ୍ତି ଓ ପତ୍ନୀ ବର୍ଷା ପ୍ରିୟଦର୍ଶିନୀ। ଫ୍ୟାମିଲି କୋର୍ଟର ମଧ୍ୟସ୍ଥତା କେନ୍ଦ୍ରରେ ଉଭୟ ହାଜର ହୋଇଛନ୍ତି। ଉଭୟଙ୍କ ମଧ୍ୟରେ ଥିବା ବିବାଦ ଭୁଲି ପରସ୍ପର ଭିତରେ ଆପୋସ ବୁଝାମଣା ପାଇଁ ଉଦ୍ୟମ କରାଯାଇଥିଲେ ମଧ୍ୟ କୌଣସି ସୁଫଳ ବାହାରିନାହିଁ।

ଆଜି ପ୍ରଥମେ ଫ୍ୟାମିଲି କୋର୍ଟରେ ବର୍ଷା ପ୍ରିୟଦର୍ଶିନୀ ପହିଂଚିଥିଲେ । ଏହାର କିଛି ସମୟରେ ସାଂସଦ ଅନୁଭବ ମହାନ୍ତି ମଧ୍ୟସ୍ଥତା କେନ୍ଦ୍ରକୁ ଆସିଥିଲେ। ଆଜି ଉଭୟଙ୍କୁ ବିବାଦର ବୁଝାମଣା ପାଇଁ କୋର୍ଟରେ ହାଜର ହେବାକୁ ନିର୍ଦ୍ଦେଶ ଥିଲା । ଆଜି ପୁଣି ଉଭୟଙ୍କୁ ସାମନା ସାମନି ବସାଇ କାଉନସେଲିଂ କରାଗଲା । କିନ୍ତୁ କୌଣସି ସମାଧାନ ବାହାରିପାରିଲାନି । କୋର୍ଟ ପକ୍ଷରୁ ଆଉ ତାରିଖ ଧାର୍ଯ୍ୟ ହେବ ଉଭୟଙ୍କ ସାକ୍ଷାତ ପାଇଁ । ଗତ ଶୁକ୍ରବାର ଦିନ ମଧ୍ୟ ଉଭୟଙ୍କୁ ୧୫ ମିନିଟ ସାମନା ସାମ୍ନି ବସାଇ ବୁଝାମଣା ପାଇଁ ଉଦ୍ୟମ କରାଯାଇଥିଲା । ଅନୁଭବ କହିଥିଲେ, ସେ ବିବାହ ବିଚ୍ଛେଦ ଚାହାନ୍ତି କିନ୍ତୁ ବର୍ଷା ବିବାହ ବିଚ୍ଛେଦ ଚାହୁଁନଥିବା ଶୁଣିବାକୁ ମିଳିଥିଲା। ଉଭୟ ବାରମ୍ବାର କୋର୍ଟରେ ହାଜର ହେଉଥିଲେ ମଧ୍ୟ ସମାଧାନର ବାଟ ବାହାରିପାରିନାହିଁ ।

Leave A Reply

Your email address will not be published.