ତୀରନ୍ଦାଜରେ କ୍ୱାର୍ଟରରେ ଭାରତ
ଭାରତ ପାଇଁ ସୋମବାର ଭଲ ଖବର ଆସିଛି। ଟୋକିଓ ଅଲିମ୍ପିକ୍ସରେ ତୀରନ୍ଦାଜରେ କ୍ୱାର୍ଟରରେ ଭାରତ ପହଞ୍ଚିଛି। କାଜଖାସ୍ତାନକୁ ହରାଇଲା ଭାରତୀୟ ପୁରୁଷ ଦଳ। କାଜଖାସ୍ତାନକୁ ୬-୨ରେ ପରାସ୍ତ କରିଛି ଭାରତୀୟ ପୁରୁଷ ଦଳ । ବିଜୟ ସହ କ୍ୱାର୍ଟର ଫାଇନାଲରେ ପ୍ରବେଶ କରିଛି ଭାରତୀୟ ଟିମ । କ୍ୱାର୍ଟର ଫାଇନାଲରେ କୋରିଆକୁ ଭେଟିବ ଭାରତ।
ସେହିପରି ଟେବୁଲ ଟେନିସର ଦ୍ୱିତୀୟ ରାଉଣ୍ଡରେ ଜିତିଲେ ଶରଥ କମଲ। ପୁରୁଷ ବର୍ଗ ସିଙ୍ଗଲ୍ସରେ ଜିତିଛନ୍ତି ଶରଥ । ପର୍ତୁଗାଲର ଟିଆଗୋ ଆପୋଲୋନିଆଙ୍କୁ ୪-୨ରେ ହରାଇଛନ୍ତି।
ତେବେ ଫେନ୍ସିଂରେ ଭାରତକୁ ନିରାଶ ହେବାକୁ ପଡିଛି। ଫେନ୍ସିଂରେ ଭବାନୀ ଦେବୀ ପରାସ୍ତ ହୋଇ ଅଲିମ୍ପିକ୍ସରୁ ବିଦାୟ ନେଇଛନ୍ତି। ଫ୍ରାନ୍ସର ମେନନ ବ୍ରୁନେଟ ଭବାନୀ ଦେବୀଙ୍କୁ ପରାସ୍ତ କରିଛନ୍ତି । ୧୫-୭ରେ ଭବାନୀ ଦେବୀଙ୍କୁ ମେନନ ହରାଇଛନ୍ତି । ଅଲିମ୍ପିକ୍ସରେ ଭାରତର ପ୍ରଥମ ଫେନ୍ସର ଭାବେ ସାମିଲ ହୋଇଥିଲେ ଭବାନୀ ଦେବୀ ।