କମୁଛି ସଂକ୍ରମଣ, ଚିନ୍ତା ବଢାଉଛି ମୃତ୍ୟୁ ସଂଖ୍ୟା

ଗତ ତିନି ଦିନ ଧରି ରାଜ୍ୟରେ ଲଗାତର କରୋନା ସଂକ୍ରମଣ ହାର ୨ ପ୍ରତିଶତ ତଳେ ରହିଛି । ସେମାବାର ସଂକ୍ରମିତଙ୍କ ସଂଖ୍ୟା ହଠାତ ହଜାରେକୁ ଖସି ଆସିଥିଲା । ହେଲେ ଗତକାଲି ଅପକ୍ଷୋ ଆଜି ସଂକ୍ରମଣ ସାମାନ୍ୟ ବୃଦ୍ଧି ପାଇଛି । ତେବେ ରାଜ୍ୟର ସମସ୍ତ ଜିଲ୍ଲାର ସଂକ୍ରମଣ କିନ୍ତୁ ୫ ପ୍ରତିଶତ ତଳେ ରହିଛି ।
୫୯ ହଜାର ୩୭୮ ନମୂନା ପରୀକ୍ଷା ହୋଇଥିବା ବେଳେ ସଂକ୍ରମଣ ହାର ରହିଛି ୧.୯୦% । ୧୧ ଶହ ୨୯ ସଂକ୍ରମିତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୩୮୮ ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି କଟକରୁ ୧୩୫, ଅନୁଗୁଳରୁ ୫୫, ବାଲେଶ୍ୱରୁ ୭୨,ଭଦ୍ରକରୁ ୬୦,ଜଗତସିଂହପୁରରୁ ୬୩,କେନ୍ଦ୍ରାପଡାରୁ ୬୬,ପୁରୀରୁ ୪୮ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ମୋଟ ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୮୦ ହଜାର ୮୬୬ରେ ପହ ିଛି । ସେହିପରି ସଂକ୍ରମଣ କମୁଥିଲେ ବି ମୃତ୍ୟୁ ସଂଖ୍ୟା କିନ୍ତୁ କମୁନାହିଁ । ଆଉ ୬୯ ମୃତ୍ୟୁର ହିସାବ ଦେଇଛନ୍ତି ସରକାର । ଖୋର୍ଦ୍ଧାରୁ ୨୩, କଟକରୁ ୯, ପୁରୀରୁ ୭, କେନ୍ଦ୍ରାପଡାରୁ ୬ ଜଣ ପ୍ରାଣ ହରାଇଛନ୍ତି । ବାଲେଶ୍ୱର,ଭଦ୍ରକ, ଜଗତସିଂହପୁର,ମୟୂରଭଞ୍ଜରୁ ୩ ଜଣ ଲେଖାଁଏ,ଅନୁଗୁଳ,ଢେଙ୍କାନାଳ,ଗଂଜାମ, ଯାଜପୁର ଓ କଳାହାଣ୍ଡିରୁ ୨ ଜଣ ଲେଖାଁଏ , ବଲାଙ୍ଗୀର ଓ ନୟାଗଡରୁ ଜଣେ ଲେଖାଁଏ ଆଖିବୁଜିଛନ୍ତି । ମୋଟ ମୃତ୍ୟୁ ସଂଖ୍ୟା ୬ ହଜାର ୧୦୨କୁ ବୃଦ୍ଧି ପାଇଛି।