ଧୀରେ ଧୀରେ ଅନଲକ ମୁହାଁ ହେଉଛି ଓଡିଶା । ଅଗଷ୍ଟ ଗାଇଡଲାଇନ କୋହଳ ପରେ ମଲ , ମନ୍ଦିର , ପାର୍କ ଖୋଲିବା ଆରମ୍ଭ ହୋଇଛି । ସବୁ ଜିଲ୍ଲାରେ ଧର୍ମାନୁଷ୍ଠାନ ଗୁଡିକୁ ଖୋଲାଯାଉଛି । ଆସନ୍ତାକାଲଠୁ କଟକ ଜିଲ୍ଲାରେ ଖୋଲିବ ସମସ୍ତ ଧର୍ମାନୁଷ୍ଠାନ । ଧର୍ମାନୁଷ୍ଠାନ ଖୋଲିବା ନେଇ ଜିଲ୍ଲାପାଳ ଭବାନୀ ଶଙ୍କର ଚୟନୀ ସୂଚନା ଦେଇଛନ୍ତି । କୋଭିଡ କଟକଣା ମଧ୍ୟରେ କାଲିଠୁ କଟକ ଜିଲ୍ଲାରେ ଖୋଲିବ ମନ୍ଦିର । ହେଲେ ସହରରେ ଧର୍ମାନୁଷ୍ଠାନ ଖୋଲିବା ନେଇ ସିଏମସି ନିଷ୍ପତ୍ତି ନେବ । କରୋନା କଟକଣାରେ ମନ୍ଦିର ଖୋଲାଯିବ ।
ତେବେ ମନ୍ଦିରକୁ ଆସୁଥିବା ଶ୍ରଦ୍ଧାଳୁ କୋଭିଡ କଟକଣା ମାନିବା ବାଧ୍ୟତାମୂଳକା ମନ୍ଦିର ଖୋଲିବା ନିଷ୍ପତ୍ତି ଜିଲ୍ଲା ପ୍ରଶାସନ ଉପରେ ଛାଡିଥିଲେ ସରକାର । କରୋନା ସ୍ଥିତି ଦେଖି ଜିଲ୍ଲା ପ୍ରଶାସନ ମନ୍ଦିର ଖୋଲିପାରିବ ବୋଲି କହିଥିଲେ । ସେପଟେ ଆଜିଠୁ ସମ୍ବଲପୁରରେ ମା ସମଲେଶ୍ୱରୀଙ୍କ ମନ୍ଦିର ମଧ୍ୟ ଖୋଲିଛି । ମନ୍ଦିର ଗମ୍ଭୀର ଭିତରକୁ ଭକ୍ତଙ୍କ ପ୍ରବେଶ ବାରଣ ରହିଥିବା ବେଳେ ମନ୍ଦିର ଭିତରକୁ ପ୍ରସାଦ, ଫୁଲ, ଦୀପ ନେବାକୁ ମନା କରାଯାଇଛି । କୋଭିଡ କଟକଣାରେ ଭକ୍ତମାନେ ମାଙ୍କୁ ଦର୍ଶନ କରୁଛନ୍ତି ।