ଅଗଷ୍ଟ ମାସରେ କଟକଣା କୋହଳ ହେବା ପରେ ଧିରେ ଧିରେ ସମସ୍ତ ଜିଲ୍ଲାର ଖୋଲୁଛି ଧର୍ମାନୁଷ୍ଠାନ । ତେବେ ଆଜି ଶ୍ରୀମନ୍ଦିର ଖୋଲିବା ନେଇ ବଡ଼ ନିଷ୍ପତି ଆସିପାରେ ।ଶ୍ରୀମନ୍ଦିର କେବେ ଖାଲିବ ସେ ନେଇ ଆଜି ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ଭର୍ଚୁଆଲ ବୈଠକ ବସିବ । ବୈଠକରେ ମନ୍ଦିର ଖୋଲିବା ନେଇ ନିଷ୍ପତି ନିଆଯାଇପାରେ । ତେବେ ମିଳିଥିବା ସୂଚନା ଅୁନସାରେ ଅଗଷ୍ଟ ୧୬ ପରେ ଖୋଲାଯାଇପାରେ ମନ୍ଦିର । ମନ୍ଦିର ଖୋଲିବା ନେଇ ସରକାରଙ୍କ ସବୁଜ ସଂକେତ ମିଳିବା ପରେ ଏବେ କାଳିଆ ଦର୍ଶନ ପାଇଁ ଭକ୍ତ ବ୍ୟାକୁଳ ହୋଇପଡିଛନ୍ତି । କେବେ ଖୋଲିବ ମନ୍ଦିର ଆଉ ଜଗାକୁ ଦର୍ଶନ କେବେ କରିବେ ସେ ନେଇ ଅନାଇବସିଛନ୍ତି । ତେବେ ଏଇମାସରେ ଶ୍ରୀମନ୍ଦିର ଖୋଲିବାର ସମ୍ଭାବନା ଥିବା ବେଳେ ସିଂହଦ୍ୱାର ଆଗରେ ଭକ୍ତଙ୍କ ପାଇଁ ଅସ୍ଥାୟୀ ସେଡ ବ୍ୟବସ୍ଥା ଆରମ୍ଭ ହୋଇଛି ।
ବିଶେଷ କରି କୋଭିଡ ପ୍ରଥମ ଲହରରେ ଯେପରି କଟକଣାରେ ଭକ୍ତମାନେ ମନ୍ଦିର ଭିତରକୁ ପ୍ରବେଶ କରୁଥିଲେ ସେଭଳି ବ୍ୟବସ୍ଥା କରାଯାଇପାରେ । ସେପଟେ ଆଜିଠୁ କଟକ,କେନ୍ଦ୍ରାପଡା,କୋରାପୁଟରେ ସମସ୍ତ ଧର୍ମାନୁଷ୍ଠାନ ଖୋଲିଛି । ଯାଜପୁର ବିରଜା ମନ୍ଦିର ବି ଖୋଲିଛି । କୋଭିଡ କଟକଣାରେ ଭକ୍ତ ମାନେ ଠାକୁର ଦର୍ଶନ କରିବେ । କିନ୍ତୁ ମନ୍ଦିର ଭିତରକୁ ଭୋଗ,ଫୁଲ , ଦୀପ ନେବା ଉପରେ କଟକଣା ରହିଛି ।