ଦିଲ୍ଲୀ ବିମାନବନ୍ଦରକୁ ବିସ୍ଫୋରଣରେ ଉଡାଇଦେବାକୁ ଧମକ । ଏଭଳି ଏକ ଧମକ ପାଇବା ପରେ ଦିଲ୍ଲୀ ପୁଲିସର ନିଦ ହଜିଯାଇଛି । ଆତଙ୍କବାଦୀ ସଂଗଠନ ଅଲକାଏଦା ଦ୍ୱାରା ଦିଲ୍ଲୀ ପୁଲିସକୁ ଏକ ଇମେଲ ଆସିଥିଲା । ଯେଉଁଥିରେ ଆଗାମୀ ୩ ଦିନ ମଧ୍ୟରେ ଦିଲ୍ଲୀ ବିମାନବନ୍ଦରକୁ ବମରେ ଉଡାଇଦେବାକୁ ଧମକ ଦିଆଯାଇଛି । ଏହି ଇମେଲ ପାଇବା ପରେ ସବୁଆଡେ ସୁରକ୍ଷା ବ୍ୟବସ୍ଥା ବଢାଇଦେଇଛି ଦିଲ୍ଲୀ ପୁଲିସ ।
ଅଲକାଏଦାର ଏହି ମେଲ ପାଇବା ପରେ ବିମାନ ବନ୍ଦରରେ କଡା ସୁରକ୍ଷା ବ୍ୟବସ୍ଥା କରାଯାଇଛି । ସମସ୍ତ ସୁରକ୍ଷା ଏଜେନ୍ସିଙ୍କୁ ଆଲର୍ଟ କରାଯଇଛି । ଶନିବାର ସନ୍ଧ୍ୟା ୫ଟା ୪୫ ମିନିଟରେ ଏକ ମେଲ ଆସିଥିଲା । ଏଥରେ ଲେଖାଅଛି କରଣବୀର ସୁରି ଓରଫ ମହମ୍ମଦ ଜଲାଲ ଓ ପତ୍ୀ ଶୈଳୀ ଶାରଦା ଓରଫ ହସିନା ରବିବାର ଦିନ ସିଙ୍ଗାପୁରରୁ ଭାରତ ଆସୁଛନ୍ତି । ଏବଂ ୩ ଦିନ ମଧ୍ୟରେ ଇନ୍ଦିରାଗାନ୍ଧୀ ଆନ୍ତର୍ଜାତୀୟ ବିମାନ ବନ୍ଦର ଉପରେ ଆକ୍ରମଣ କରିବାକୁ ଯୋଜନା କରୁଛନ୍ତି । ଏହି ଧମକପୂ୍ର୍ଣ ଇମେଲ [email protected] ରୁ ଆସିଛି । ଆଇଜି ବିମାନବନ୍ଦରର ଏକ ସରକାରୀ ବିବୃତି ଅନୁଯାୟୀ, ଯା ପରେ ଏହି ଧମକ ନିଦ୍ଦିଷ୍ଟ ବୋଲି ଜଣାପଡିଛି । ଗତ ମାର୍ଚ୍ଚ ୨୧ରେ ମଧ୍ୟ ଏହି ପରି ଏକ ଧମକପୂ୍ର୍ଣ ମେଲ ଆସିଥିଲା । ତେବେ ଏହି ଧମକ ପରେ ଦିଲ୍ଲୀ ପୁଲିସ ଆଲର୍ଟ ହୋଇଯାଇଛି