ଭୁବନେଶ୍ବର: ଖୋଜି ଖୋଜି ଧରୁଛି ଭିଜିଲାନ୍ସ । ଭିଜିଲାନ୍ସ ନଜରରେ ଦୁର୍ନୀତି ଗସ୍ତ ଅଧିକାରୀ । ପିଏସ ବିରଞ୍ଚି ସାହୁଙ୍କ ଘରୁ ଘରୁ ପୁଳା ପୁଳା ଟଙ୍କା ଓ ସୁନାଗହଣା ମିଳିବା ଘଟଣା ସାରା ରାଜ୍ୟରେ ହଇଚଇ ସୃଷ୍ଟି କରିଛି । ତେବେ ଏହି ଘଟଣାକୁ ଦିନ କେଇଟା ବିତିନି, ଭିଜିଲାନ୍ସ ଜାଲରେ ପଡିଛନ୍ତ ଆଉ ଜଣେ ଦୁର୍ନୀତି ଗସ୍ତ ଅଧିକାରୀ । ନୂଆପଡା ମୁଖ୍ୟ ପ୍ରାଣୀଧନ ଚିକିତ୍ସା ଅଧିକାରୀ ତ୍ରିଲୋଚନ ଧଳଙ୍କ ଘରେ ଚାଲିଛି ରେଡ ।
ସରକାରୀ ବାସଭବନରୁ ଟଙ୍କା ନେଇ ତ୍ରିଲୋଚନ ଧଳ ପୈତୃକ ଘରକୁ ଯାଉଥିବା ଭିଜିଲାନ୍ସ ଖବର ପାଇଥିଲା । ଏହା ପରେ ତ୍ରିଲୋଚନଙ୍କ ସରକାରୀ ଗାଡିରୁ ୨ଳକ୍ଷ ୭୭ ହଜାର ଟଙ୍କା ଜବତ କରାଯାଇଥିଲା ହେଲେ ଏତେ ଟଙ୍କା ଗାଡିରୁ ଜବତ ହୋଇଥିବା ବେଳେ ଟଙ୍କାର ହିସାବ ଦେଇପାରିନଥିଲେ ତ୍ରିଲୋଚନ ।
ହିସାବ ନଦେଇପାରିବାରୁ ଜୋରଦାର ଚଢାଉ କରିଥିଲା ଭିଜିଲାନ୍ସ । ଗତକାଲି ବିଳମ୍ବିତ ରାତିରେ ଚଢାଉ କରିଥିଲା ଭିଜିଲାନ୍ସ । ତ୍ରିଲୋଚନଙ୍କ ସରକାରୀ ବାସଭବନ ସମେତ ନରାଜ ସ୍ଥିତ ପୈତୃକ ଘରେ ମଧ୍ୟ ରେଡ କରାଯାଉଛି ।