ରାଜ୍ୟରେ କରୋନା ସଂକ୍ରମଣ କମୁଥିବା ବେଳେ ସରକାର କରୋନା କଟକଣା କୋହଳ କରିଛନ୍ତି । ଅଗଷ୍ଟ ପହିଲାରୁ କଟକଣା କୋହଳ ପରେ ଧୀରେ ଧୀରେ ସ୍ଥିତି ସ୍ୱାଭାବିକ ହେଉଛି । । ଦୋକାନ ବଜାର, ମଲ, ମନ୍ଦିର, ପାର୍କ, ପାର୍ଲର, ସିନେମା ହଲ, ଶିକ୍ଷାନୁଷ୍ଠାନ ଧୀରେ ଧୀରେ ଖୋଲୁଛି । ହେଲେ ସରକାର ସାମାଜିକ କାର୍ଯ୍ୟକ୍ରମ ଉପରେ କଟକଣା ବଳବତର ରଖିଛନ୍ତି । ବିବାହ,ବ୍ରତଘର ବିଭିନ୍ନ କାର୍ଯ୍ୟକ୍ରମରେ ମଧ୍ୟ ଭୋଜିଭାତ ଉପରେ କଟକଣା ଲାଗିଛି । ଫଳରେ ଅନେକ ଟେ ହାଉସ, କ୍ୟାଟରିଂ ଓ ସାଉଣ୍ଡ ବ୍ୟବସାୟୀ ମାନେ କାମ ଧନ୍ଦା ନପାଇ ଦୁଃଖ କଷ୍ଟରେ ଜୀବନ କାଟୁଛନ୍ତି । ସାମାଜିକ କାର୍ଯ୍ୟକ୍ରମରେ କଟକଣା କୋହଳ ଦାବିରେ ଭୁବନେଶ୍ୱରରେ ଟେ ହାଉସ,କ୍ୟାଟରିଂ,ସାଉଣ୍ଡ ବ୍ୟବସାୟୀ ଧାରଣା ଦେଇଛନ୍ତି । ଲୋୟର ପିଏମଜିରେ ଶତାଧିକ ବ୍ୟବସାୟୀ ଧାରଣା ଦେଇଛନ୍ତି । ସାମାଜିକ କାର୍ଯ୍ୟକ୍ରମରେ କଟକଣା କୋହଳ କରିବାକୁ ଦାବି କରିଛନ୍ତି । ସରକାର
ଆମକୁ ଜୀବିକା ଦିଅ ନହେଲେ ଆମ ଜିନିଷ କିଣି ନିଅ ବୋଲି କହିଛନ୍ତି । ଯାତ୍ରା ଥିଏଟରକୁ ସରକାର ଅନୁମତି ଦେଲେ କିନ୍ତୁ ଆମ ପାଇଁ କାହିଁକି କଟକଣା କୋହଳ କଲେନି ବୋଲି ପ୍ରଶ୍ନ କରିଛନ୍ତି । ହାଉସ,କ୍ୟାଟରିଂ,ସାଉଣ୍ଡ ବ୍ୟବସାୟୀ ମିଶାଇ ୨୦ ଲକ୍ଷ ପରିବାର ଅଛନ୍ତି । ମହାମାରୀ କରୋନା ପାଇଁ ବ୍ୟବସାୟ ବନ୍ଦ ଥିବାରୁ ଅନେକଙ୍କୁ ପରିବାର ଚଳାଇବା ମଧ୍ୟ କଷ୍ଟକର ହୋଇପଡିଛି । ସେମାନଙ୍କର ଜୀବିକା ବିଶେଷ ଭାବେ ପ୍ରଭାବିତ ହୋଇଛି । ତେଣୁ ସରକାର ସେମାନଙ୍କ ଉପରେ ଦୃଷ୍ଟି ଦେଇ ସାମାଜିକ କାର୍ଯ୍ୟକ୍ରମରେ କଟକଣା କୋହଳ କରିବାକୁ ଦାବି କରି ଧାରଣା ଦେଇଛନ୍ତି ବ୍ୟବସାୟୀ ।
ପ୍ରମୁଖ ଖବର
ଗାନ୍ଧି ପରିବାରକୁ ନେଇ ପୋଷ୍ଟ, କଙ୍ଗନାଙ୍କ ନାଁରେ ମାମଲା
ଝାଡ଼ଖଣ୍ଡର କଂଗ୍ରେସ ବିଧାୟକ ଭୂଷଣ ବାରାଙ୍କ ବିରୋଧରେ ଜଣେ ୧୪ ବର୍ଷୀୟା ଆଦିବାସୀ ନାବାଳିକା ଯୌନ ନିର୍ଯାତନା ଓ ମାଡ଼ ମାରିବାର ଅଭିଯୋଗ
ଭାରତ-ଆମେରିକା ବାଣିଜ୍ୟ ଚୁକ୍ତି ଚୂଡ଼ାନ୍ତ ହେବା ନିକଟତର: ଜୟଶଙ୍କର
ଓଡ଼ିଶାକୁ ଆଉ ୧ ଲକ୍ଷ ପକ୍କା ଘର ମଞ୍ଜୁର, ବଲାଙ୍ଗୀରରେ ଶିବରାଜଙ୍କ ଘୋଷଣା
ଢେଙ୍କାନାଳ ମେଡିକାଲ୍ର ୪ ମହଲାରୁ ଡେଇଁ ରୋଗୀଙ୍କ ମୃତ୍ୟୁ