ଭୁବନେଶ୍ବର: ଆକ୍ଟିଭ ମୋଡରେ ଭିଜିଲାନ୍ସ । ଯେଉଁ ମାନଙ୍କ ନାଁରେ ଅର୍ଥ ହେରଫେର କି ଆୟ ବର୍ହିଭୂତ ସମ୍ପତି ଠୁଳ ଅଭିଯୋଗ ଆସୁଛି ସେମାନଙ୍କୁ ଖୋଜିଖୋଜି ଧରୁଛି ଭିଜିଲାନ୍ସ । ଆଜି ସୁପରଭାଇଜରଙ୍କ ଘରେ ରେଡ କରିଛି ଭିଜିଲାନ୍ସ । ଭଦ୍ରକ ସିଡିପିଓ କାର୍ଯ୍ୟାଳୟର ସୁପରଭାଇଜର ମଲ୍ଲଲତା ଦାସଙ୍କ ଘରେ ଭିଜିଲାନ୍ସ ରେଡ କରୁଛି । ଆୟ ବର୍ହିଭୂତ ସଂପତି ଠୁଳ ଅଭିଯୋଗରେ ସୁପରଭାଇଜର ମଲ୍ଲଲତାଙ୍କ ଘର ସହିତ ୩ଟି ସ୍ଥାନରେ ବର୍ତମାନ ଭିଜିଲାନ୍ସ ଟିମ ଚଢାଉ କରିଛି ।
ମଲ୍ଲଲତାଙ୍କ ନାଁରେ ପୂର୍ବରୁ ଅର୍ଥ ହେରଫେର ଅଭିଯୋଗ ଆସିଥିଲା । ଭିଜିଲାନ୍ସର ୩ଟି ଟିମ ଚଢାଉ କରୁଥିବା ବେଳେ ଏଯାଏ କେତେ ପରିମାଣର ସଂପତ୍ତି ମିଳିଛି ସେ ନେଇ ଜଣାପଡିନି।
ସେହିପରି ବରଗଡ ଜିଲ୍ଲା କୁମ୍ଭାରୀ ପେକସରେ ବି ଭିଜିଲାନ୍ସ ଚଢାଉ କରିଛି। ପେକସ ସଂପାଦକଙ୍କ ଘରେ ଭିଜିଲାନ୍ସ ରେଡ କରିଛି । ପେକସ ସଂପାଦକ
ଗୌରଚନ୍ଦ୍ର ବୁଦ୍ଧିଆଙ୍କ ଘରେ ଏବେ ରେଡ କରାଯାଉଛି । ଗୌରଚନ୍ଦ୍ରଙ୍କ ଅଫିସ ଓ ଘରେ ଚଢାଉ ଜାରି ରଖିଛନ୍ତି ଭିଜିଲାନ୍ସ ଟିମ । ଆୟ ବହିର୍ଭୂତ ସଂପତି ଠୁଳ
ଅଭିଯୋଗରେ ୨ଟି ଟିମ ଚଢାଉ କରୁଛନ୍ତି।
ଗତକାଲି ବସୁନ୍ଧରା ଜମି ଜାଲିଆଲି ଅଭିଯୋଗରେ ଭିଜିଲାନ୍ସ ୫ ସରକାରୀ ଅଧିକାରୀଙ୍କୁ ଗିରଫ କରିଛି । କୁଜଙ୍ଗର ପୂର୍ବତନ ତହସିଲଦାରଙ୍କ ସମେତ ୪ ଜଣ
ଆରଆଇଙ୍କୁ ଗିରଫ କରିଛି। ଅଧିକାରୀମାନେ ରାଜ୍ୟ ସରକାରଙ୍କ ବସୁନ୍ଧରା ଯୋଜନାରେ ଜାଲିଆତି କରି ବହୁ ଅଯୋଗ୍ୟ ହିତାଧିକାରୀଙ୍କୁ ଏଥିରେ ସାମିଲ
କରାଯାଇଥିବା ଅଭିଯୋଗ ହୋଇଥିଲା।