ପ୍ରମୁଖ ଖବର

ବର୍ଷକୁ ୨ ଥର ହେବ ସିବିଏସଇ ଦଶମ ପରୀକ୍ଷା
ଡାଇରିଆ କଟକଣା ପରେ ଆଜିଠୁ ଯାଜପୁରରେ ଖୋଲିଲା ସ୍କୁଲ
ରାଜସ୍ୱ ସେବା ପାଇଁ ଇ-ରେଜିଷ୍ଟ୍ରେସନ ଆପ୍‌ ଉନ୍ମୋଚନ କଲେ ମୁଖ୍ୟମନ୍ତ୍ରୀ
ବାହାଘର ଦିନକ ପୂର୍ବରୁ ଦୁର୍ଘଟଣାରେ ଚାଲିଗଲା ବରର ଜୀବନ
ବରିଷ୍ଠ ଅଭିନେତା ତଥା ନିର୍ଦ୍ଦେଶକ ନାରାୟଣ ପତିଙ୍କ ପରଲୋକ
ବାସହୀନଙ୍କୁ ଚିହ୍ନଟ କରିବାକୁ ସରକାରଙ୍କ ପକ୍ଷରୁ ସବୁ ଜିଲ୍ଲାପାଳଙ୍କୁ ନିର୍ଦ୍ଦେଶ
ଲଞ୍ଚ ହେଲା ଆକ୍ସିଅମ-୪: ମହାକାଶ ଅଭିମୁଖେ ଶୁଭାଂଶୁ

‘ଶଙ୍ଖା ସିନ୍ଦୁର ପିନ୍ଧିବନି, ମାନ୍ୟବର ଡାକିବ’

0

ଭୁବନେଶ୍ବର: ମାନବବାଦ ସଂଗଠନରେ ସାମିଲ ହେବାକୁ ହେଲେ ମାନିବାକୁ ହେବ ସମସ୍ତ ନିୟମ। ମାନବବାଦ ସଂଗଠନର ଏବେ ଗୋଟେ ପରେ ଗୋଟେ ଗୁମର ପଦାକୁ ଆସିବାରେ ଲାଗିଛି। ନିଜକୁ ମାନବବାଦୀ ସଂଗଠନର ମୁଖ୍ୟ କହୁଥିବା ମାନସ ଦାସ କିଭଳି ଗରିବ ଓ ନିଃସହାୟ ଲୋକଙ୍କୁ ନିର୍ଯାତନା ଦେଉଥିଲା ତାର ଚିତ୍ର ଏବେ ସାମନାକୁ ଆସୁଛି।

ସଂଗଠନରେ ସାମିଲ ହେବାକୁ ହେଲେ କଠୋର ସର୍ତ୍ତ ରଖୁଥିଲେ ମାନସ ଦାସ। ଯେଉଁ ସର୍ତ୍ତ ଗୁଡିକ ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ସ୍ତ୍ରୀ ଲୋକମାନେ ସିନ୍ଦୁର ଶଙ୍ଖା ପିନ୍ଧିବେନାହିଁ। ମହିଳାଙ୍କୁ ମନ୍ଦିରକୁ ଯିବାକୁ ମଧ୍ୟ ବାରଣ କରାଯାଉଥିଲ। ଏପରିକି ମହିଳା ମାନେ ବିବାହ କରିପାରିବେନି । ବାପା ମାଆ ମଲେ ଶୁଦ୍ଧି ହେବେ ନାହିଁ। ଆଉ ଚାକିରି କରିଥିଲେ ଅଧା ଦରମା ସଂଗଠନକୁ ଦେବେ।

ମାନସ ଦାସଙ୍କ ନିର୍ଯାତନାର ଶିକାର ହୋଇ ଗାଁ ଛାଡିଥିବା କିଛି ଲୋକ ଏଭଳି ସାଂଘାତିକ କଥା କ୍ୟାମେରା ଆଗରେ କହିଛନ୍ତି। ସଂଗଠନରେ ସାମିଲ ନ ହେବାରୁ ପ୍ରାୟ ୮ ବର୍ଷ ହେଲା ଗାଁ ଛାଡିଛନ୍ତି ୬ ପରିବାର। ରମେଶ ନାୟକ, ଡମ୍ବରୁ ପ୍ରଧାନ,ଯୋଗୀ ପ୍ରଧାନ,ସର୍ବେଶ୍ୱର ପ୍ରଧାନ, ସାଧୁ ନାୟକ ଓ ଭୀମ ପ୍ରଧାନଙ୍କ ପରିବାର ମାନସ ଦାସଙ୍କ ନିର୍ଦ୍ଦେଶରେ ଗାଁରୁ ତଡାଖାଇଛନ୍ତି।

ଖୋର୍ଦ୍ଧା ଡାଳତୋଳା ଆଦିବାସୀ ସାହିରୁ ଏଭଳି ଅଭିଯୋଗ ଆସିଛି। କେମିତି ଅକଥନୀୟ ଅତ୍ୟାଚାର ଦିଆଯାଉଥିଲା ଗାଁ ଛାଡିଥିବା ଜଣେ ଅଭିଯୋଗକାରିଣୀ କାନ୍ଦି କାନ୍ଦି କହିଛନ୍ତି। ଜଣେ ମହିଳା ଗଣମାଧ୍ୟମରେ କହିଛନ୍ତି ଯେ, ଗାଁରେ ରହୁଥିବାରୁ ତାଙ୍କୁ ପ୍ରତିଦିନ ୫୦ଟଙ୍କା ଚାନ୍ଦା ଦେବାକୁ ମାଗୁଥିଲେ ମାନବବାଦ ସଂଗଠନର କର୍ମୀ। ଆଉ ଚାନ୍ଦା ନଦେବାରୁ ମାନସ ଦାସଙ୍କ ଲୋକ ମହିଳା ଓ ତାଙ୍କ ପୁଅକୁ ଅମାନୁଷିକ ଭାବେ ମାଡ ମାରିଥିଲେ। । ଏନେଇ ଥାନାରେ ଅଭିଯୋଗ।

ମାନବବାଦ ସଂଗଠନରେ ସାମିଲ ନ ହେବାରୁ ବାପ, ପୁଅଙ୍କୁ ଗଡେଇ ତଡେଇ ମାଡ଼ ମାରିବାକୁ ଭିଡ଼ିଓ ଭାଇରାଲ ହୋଇଥିଲ। ଗୋଟେ ଘର ଭିତରେ ଅମାନୁଷିକ ଭାବେ ମାଡ ମାରିଚାଲିଥିଲେ ବାପା ପୁଅଙ୍କୁ। ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ଏବଂ ମାଡ ଖାଇଥିବା ବାପ, ପୁଅ ମୁହଁ ଖୋଲିବା ପରେ ଏବେ ଅଭିଯୋଗର କାହାଣୀ ବଢିବାରେ ଲାଗିଛି।

Leave A Reply

Your email address will not be published.