ବଙ୍ଗୋପସାଗରରେ ଆଗକୁ ବଢ଼ୁଛି ବାତ୍ୟା ଜଓ୍ବାଦ
ପୁରୀରେ ସ୍ଥଳଭାଗ ଛୁଇଁଲା ବେଳକୁ ଦୁର୍ବଳ ହୋଇଯିବ
ଗତ ୬ ଘଣ୍ଟା ଧରି ୬ କିଲୋମିଟର ବେଗରେ ଆଗକୁ ବଢୁଛି
ଓଡ଼ିଶା ଉପରେ କମ ପ୍ରଭାବ ପକାଇବ, ଗଞ୍ଜାମ, ପୁରୀ, ଜଗତସିଂହପୁରରେ ଅଧିକ
ସର୍ବାଧିକ ୯୫ କିଲୋମିଟର ବେଗରେ ପବନ ବହିପାରେ
ଆସନ୍ତାକାଲି ମଧ୍ୟାହ୍ନରେ ପୁରୀ ଛୁଇଁପାରେ
ପାରାଦୀପରେ ୬୨ମିମି ବର୍ଷା ରେକର୍ଡ ହୋଇଥିବା ସୂଚନା
ପୁରୀରେ ଘଣ୍ଟାପ୍ରତି ୨୬ କିଲୋମିଟର ବେଗରେ ରହିଛି ପବନର ଗତି
ପୁରୀ ଉପକୂଳରେ ଲାଗିଲା ରେଡ୍ ଫ୍ଲାଗ୍, ୪ ବନ୍ଦରରେ ବିପଦ ସଙ୍କେତ ଜାରି
ଜଓ୍ବାଦ ପ୍ରଭାବରେ ଟ୍ରେନ୍ ବାତିଲ୍, ସରକାର ବି ସତର୍କ

ଦୁର୍ଗାପୂଜା ପୂର୍ବରୁ ଚାଲିଗଲେ ରାବଣ

0

ମୁମ୍ବାଇ: ଆଉ ଦିନ କେଇଟା ପରେ ଦୁର୍ଗାପୂଜା। ଧରାପୃଷ୍ଠକୁ ଅବତରଣ କରିବେ ମା’ ଦୁର୍ଗା। ଦଶହରାରେ ପୂଜା ପାର୍ବଣ ମାହୋଲ ପରେ ଅସତ୍ୟ ଉପରେ ସତ୍ୟର ବିଜୟ ପାଇଁ ରାବଣ ପୋଡି କରିବାର ପରମ୍ପରା ରହିଛି। କିନ୍ତୁ ରାବଣ ପୋଡି ପୂର୍ବରୁ ପରପାରିକୁ ଚାଲିଗଲେ ଟିଭି ପରଦାର ରାବଣ। ଯେବେ ଯେବେ ରାବଣର କଥା ମନକୁ ଆସେ;। ୮୦ଓ ୯୦ ଦଶକର ପିଲାଙ୍କ ଆଖିରେ ନାଚି ଯାଏ କଳା ଧଳା ଟିଭିର ରାମାୟଣରେ ଗର୍ଜୁଥିବା ରାବଣର ଚେହେରା।

ହେଲେ ଛୋଟ ବେଳୁ ମନର ଛାପ ରହିଥିବା ରାମାନନ୍ଦ ସାଗରଙ୍କ ଲୋକପ୍ରିୟ ଧାରାବାହିକ ‘ରାମାୟଣ’ର ରାବଣଙ୍କ ପରଲୋକ ହୋଇଛି। ରାବଣ ଭୂମିକାରେ ଅଭିନୟ କରିଥିବା ଅରବିନ୍ଦ ତ୍ରିବେଦୀ ୮୨ ବର୍ଷ ବୟସରେ ଆଖିବୁଜିଛନ୍ତି। ଦୀର୍ଘଦିନଧରି ଅରବିନ୍ଦ ଅସୁସ୍ଥ ଥିଲେ। ମଙ୍ଗଳବାର ବିଳମ୍ବିତ ରାତିରେ ଦୃହଘାତରେ ସେ ଆଖିବୁଜିଛନ୍ତି। ଅରବିନ୍ଦଙ୍କ ପୁତୁରା କୌସ୍ତୁଭ ତ୍ରିବେଦୀ ତାଙ୍କ ମୃତ୍ୟୁ ନେଇ ସୂଚନା ଦେଇଛନ୍ତି। ଆଜି ମୁମ୍ବାଇର ଦହାନୁକରୱାଡିରେ ତାଙ୍କର ଅନ୍ତିମ ସଂସ୍କାର କରାଯିବ।

ଅରବିନ୍ଦ ତ୍ରିବେଦୀ ରାମାୟଣର ରାବଣ ଭୂମିକାରେ ଉଚ୍ଚକୋଟିର ଅଭିନୟ କରି ଦର୍ଶକଙ୍କ ହୃଦୟରେ ନିଜର ସ୍ୱତନ୍ତ୍ର ସ୍ଥାନ ତିଆରି କରିଥିଲେ। ସମଗ୍ର ଭାରତ ବର୍ଷରେ ଘରେ ଘରେ ପରିଚିତ ହୋଇଥିଲେ ଅରବିନ୍ଦ। ରାମାୟଣ ସହ ‘ବିକ୍ରମ ବେତାଳ’ ଧାରାବାହିକରେ ମଧ୍ୟ ସେ ଛାଇ ରହିଥିଲେ।

ମଧ୍ୟପ୍ରଦେଶର ଉଜ୍ଜୟନୀ ସହରରେ ଜନ୍ମଗ୍ରହଣ କରିଥିବା ଅରବିନ୍ଦ ଗୁଜୁରାଟୀ ଫିଲ୍ମରେ ବି ନିଖୁଣ ଅଭିନୟର ଛାପ ଛାଡିଥିଲେ। ପ୍ରାୟ ୩୦୦ ଗୁଜୁରାଟୀ ଓ ହିନ୍ଦୀ ସିନେମାରେ ଅଭିନୟ କରି ନିଜର ଦକ୍ଷତାର ପ୍ରମାଣ ଦେଇଥିଲେ। ସେ ତାଙ୍କ କ୍ୟାରିୟର ଶୁଭାରମ୍ଭ ଗୁଜୁରାଟୀ ରଙ୍ଗମରୁ ଆରମ୍ଭ କରିଥିଲେ ଓ ତାଙ୍କର
ଦମଦାର ଅଭିନୟ ପାଇଁ ଅନେକ ପୁରସ୍କାରରେ ସମ୍ମାନୀତ ମଧ୍ୟ ହୋଇଛନ୍ତି। ୨୦୦୨ରେ ତାଙ୍କ ସେଣ୍ଟ୍ରାଲ ବୋର୍ଡ ଫର୍ ଫିଲ୍ମ ସାର୍ଟିଫିକେସନର କାର୍ଯ୍ୟକାରୀ
ଅଧ୍ୟକ୍ଷ ଭାବେ ନିଯୁକ୍ତି ଦିଆଯାଇଥିଲା। ୧୯୯୧ରେ ଭାରତୀୟ ଜନତା ପାର୍ଟି ଟିକେଟରେ ସେ ଥରୁଟିଏ ସାଂସଦ ମଧ୍ୟ ହୋଇଥିଲେ।

ଦୀର୍ଘ ଦିନ ଧରି ଅସୁସ୍ଥ ଥିବା ଅରବିନ୍ଦଙ୍କ ମୃତ୍ୟୁକୁ ନେଇ ବିଭିନ୍ନ ସମୟରେ ଗୁଜବ ପ୍ରଚାର ହୋଇଥିଲା। ଗତ ମେ ମାସରେ ଅରବିନ୍ଦଙ୍କ ଦେହାନ୍ତ ନେଇ ଗୁଜବ
ପ୍ରଚାର ହୋଇଥିବା ବେଳେ ତାଙ୍କ ପୁତୁରା ଏହାକୁ ଖଣ୍ଡନ କରିଥିଲେ। ତେବେ ଗତକାଲି ବିଳମ୍ବିତ ରାତିରେ ସେ ସବୁଦିନ ପାଇଁ ଆଖିବୁଜି ଦେଇଛନ୍ତି ।

Leave A Reply

Your email address will not be published.