ବଲିଉଡ଼ ଇଣ୍ଡଷ୍ଟ୍ରିରେ ବତ୍ତର୍ମାନ ସମୟରେ ଯଦି କେଉଁ ନାଁ ଶୁଣିଲେ ଷ୍ଟାର ମାନଙ୍କ ଭିତରେ ଭୟ ଘାରୁଛଶ ସେ ହେଲେ ସମୀର ୱାଙ୍ଖଡେ । ସମୀର ୱାଙ୍ଖଡେ ତାଙ୍କ କଠିନ ମନୋଭାବ ପାଇଁ ବେଶ ଚର୍ଚ୍ଚାରେ । କିନ୍ତୁ କିଛି ଦିନ ହେଲା ସେ ବଲିଉଡ ଷ୍ଟାରଙ୍କ ପାଇଁ ବିପଦ ସାଜିଛନ୍ତି । ସେ ଭିନ୍ନ ଭିନ୍ନ ଭୂମିକାରେ ବଲିଉଡ ସେଲିବ୍ରିଟି ମାନଙ୍କୁ ଧରିଛନ୍ତି । କେତେବେଳେ ସର୍ଭିସ ଟାକ୍ସ ଅଫିସର ହୋଇ ତ କେତେବେଳେ ଏନସିବିର କାମ କରିଥିବା ବେଳେ, ତ ଆଉ କେତେବେଳେ କଷ୍ଟମ ବିଭାଗର ଅଫିସର ଭାବେ ।
ଯେତେବେଳେ ସମୀର ୱାଙ୍ଖଡେ ବଲିଉଡ ତାରକାକୁ ସାମନା କରନ୍ତି, ଏହା ନିଶ୍ଚିତ ଭାବରେ ତାଙ୍କୁ ଅସୁବିଧାରେ ପକାଇଥାଏ । ସମୀର ତାଙ୍କର ଏକ ବିବୃତ୍ତିରେ କହିଛନ୍ତି, ମୁଁ ବଲିଉଡ଼ ନୁହେଁ ବଂର ଯେଉଁମାନେ ଆଇନ ଭଙ୍ଗ କରିବେ ସେମାନଙ୍କ ବିରୋଧରେ ପଦକ୍ଷେପ ନିଏ ।
ଆସନ୍ତୁ ଜାଣିବା ଇଣ୍ଡଷ୍ଟ୍ରିର ୧୩ ଜଣ ଷ୍ଟାରଙ୍କ ନାଁ ଯେଉଁମାନେ ପୂର୍ବରୁ ସମୀର ୱାଙ୍ଖଡେଙ୍କୁ ସାମନା କରିସାରିଛନ୍ତି ।
- ଶାହାରୁଖ ଖାନ୍: ଜୁଲାଇ ୨୦୧୧ରେ ଶାହାରୁଖ ଓ ତାଙ୍କ ପରିବାରକୁ ମୁମ୍ବାଇ ବିମାନବନ୍ଦରରେ କଷ୍ଟମ ବିଭାଗର ଟିମ ରୋକିଥିଲେ । ସେହି ସମୟରେ ଶାହାରୁଖ ପରିବାର ସହ ହଲାଣ୍ଡ ଓ ଲଣ୍ଡନରୁ ଛୁଟି ବିତାଇ ଫେରୁଥିଲେ ।ଅଧିକ ଜିନିଷ ନେଇଥିବାରୁ ତାଙ୍କୁ ଦେଢ ଲକ୍ଷ ଟଙ୍କା ଫାଇନ ବି ପଡ଼ିଥିଲା ।ସେତେବେଳେ କଷ୍ଟମ ବିଭାଗ ଟିମକୁ ସମୀର ୱାଙ୍ଖଡେ ଲିଡ୍ କରୁଥିଲେ ।
- କ୍ୟାଟ୍ରିନା କୈଫ: ସାଧାରଣତଃ ବିବାଦରୁ ଦୂରରେ ରହୁଥିବା କ୍ୟାଟ୍ରିନା କୈଫଙ୍କ ନାଁ ମଧ୍ୟ ଏହି ତାଲିକାରେ ଅଛି । ୨୦୧୨ରେ ମୁମ୍ବାଇ ବିମାନବନ୍ଦରେ ସମୀର ୱାଙ୍ଖଡେ ବୈଦେଶିକ ବିନିମୟ ନିୟମାବଳୀ ଅଧିନରେ ଜରିମାନା ଲଗାଇଥିଲେ । ୧୨ ହଜାର ଟଙ୍କାର ଜରିମାନା ଦେଇଥିଲେ କ୍ୟାଟ୍ରିନା ।
- ମୀନିଷା ଲାମ୍ବା: ମୀନିଷା ଲାମ୍ବାଙ୍କୁ ୨୦୧୧ରେ ମୁମ୍ବାଇ ବିମାନବନ୍ଦରରେ ଅଟକାଯାଇଥିଲା । କଷ୍ଟମ ବିଭାଗର ସହକାରୀ କମିସନର ସମୀର ୱାଙ୍ଖଡ଼େ ତାଙ୍କୁ ଅଟକାଇଥିଲେ । ମୀନିଷାଙ୍କ ବ୍ୟାଗ ଯାଞ୍ଚ କରାଯାଇଥିଲା ଯେଉଁଥିରେ ଡାଇମଣ୍ଡ ଜୁଏଲାରୀ ଓ ଦାମୀ ଷ୍ଟୋନ ଥିଲା । ଯାହାର ଦାମ ୫୦ ଲକ୍ଷ ପାଖାପାଖି ଥିଲା । ଏହି ମାମଲାରେ ମୀନିଷାଙ୍କୁ ୧୬ ଘ । ଧରି ଏନସିବି ପଚରାଉଚରା କରିବା ପରେ ଛାଡିଥିଲା ।
- ରଣବୀର କପୁର: ୨୦୧୩ରେ ରଣବୀର ସମୀର ୱାଙ୍ଖଡ଼େଙ୍କ କବଳରେ ପଡିଯାଇଥିଲେ । ରଣବୀର ବ୍ରିଟିଶ ଏୟାରୱେଜ ବିମାନରେ ଲଣ୍ଡନରୁ ମୁମ୍ବାଇ ଫେରିଥିଲେ । ତେବେ ସେ ବିମାନବନ୍ଦର କର୍ମଚାରୀମାନଙ୍କ ପାଇଁ ଥିବା ରାସ୍ତା ଦେଇ ଯାଉଥିବା ବେଳେ ତାଙ୍କୁ ଅଟକାଇ ୪୦ ମିନିଟ ଧରି ଯାଞ୍ଚ କରାଯାଇଥିଲା । ଏବଂ ୬୦ ହଜାର ଟଙ୍କା ଫାଇନ ଦେଇଥିଲେ ।
- ମୀକା ସିଂହ: ମୀକା ସିଂହ ବ୍ୟାଙ୍କକରୁ ଫେରୁଥିବା ସମୟରେ ଥରେ ସମୀର ୱାଙ୍ଖଡ଼େଙ୍କ କବଳରେ ପଡିଥିଲେ । ତାଙ୍କ ବ୍ୟାଗରେ ୯ ଲକ୍ଷ ଟଙ୍କାର ସାମଗ୍ରୀ ଥିଲା। ଯାହାର ହିସାବ ନଦେଇ ସେ ବିମାନବନ୍ଦରରୁ ବାହାରୁଥିଲେ । ତାଙ୍କୁ କଷ୍ଟମର ଏୟାର ଇଟେଂଲିଜେନ୍ସି ଟିମ ଘେରି ନେଇଥିଲେ ଯାହାର ନେତୃତ୍ୱ ନେଉଥିଲେ ସମୀର ୱାଙ୍ଖଡେ ।
- ବିପାଶା ବସୁ: ବିପାଶା ବସୁଙ୍କୁ ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦରରେ ସମୀର ୱାଙ୍ଖଡେଙ୍କ ଟିମ ଅଟକାଇଥିଲା । କାରଣ ସେ ନିଜ ସହ ୬୦ ଲକ୍ଷ ଟଙ୍କାର ଦାମୀ ସାମଗ୍ରୀ ନେଇକି ଯାଉଥିଲେ । ଏନେଇ ସେ କୌଣସି ସୂଚନା ଦେଇନଥିବା ବେଳେ ତାଙ୍କୁ ୧୨ ହଜାର ଟଙ୍କାର ଫାଇନ ଲାଗିଥିଲା ।
- ଅନୁରାଗ କଶ୍ୟପ: ୨୦୧୩ ଅଗଷ୍ଟରେ ସମୀର ୱାଙ୍ଖଡେ ଯେତେବେଳେ ସର୍ଭିସ ଟାକ୍ସ ଡିପାର୍ଟମେଂଟରେ ଡେପୁଟି କମିଶନର ଭାବେ କାମ କରୁଥିଲେ ସେତେବେଳେ ଅନୁରାଗଙ୍କ ଉପରେ ଟିକସ ଠକେଇ ଅଭିଯୋଗରେ ୫୫ ଲକ୍ଷର ଫାଇନ ପଡିଥିଲା । ତାଙ୍କ ଆକାଉଂଟ ମଧ୍ୟ ଏହି ବର୍ଷ ଡିସେମ୍ବରକୁ ବନ୍ଦ କରିଦିଆଯାଇଛି ।
- ବିବେକ ଓବ୍ରାଏ: ଅନୁରାଗ କଶ୍ୟପଙ୍କ ମାମଲାରେ ଠିକ ମାସକ ପରେ ସର୍ଭିସ ଟାକ୍ସ ଡିପାର୍ଟମେଂଟ ଦ୍ୱାରା ଟିକସ ଠକେଇ ନେଇ ଧରାପଡିଥିଲେ ବିବେକ । ସେହି ସମୟରେ ମଧ୍ୟ ଡେପୁଟି କମିଶନର ୱାଙ୍ଖଡେ ଥିଲେ ।
- ରିୟା ଚକ୍ରବର୍ତ୍ତୀ: ୨୦୨୦ ଡିସେମ୍ବର ୮ ତାରିଖରେ ରିୟା ଚକ୍ରବର୍ତ୍ତୀଙ୍କୁ ସୁଶାନ୍ତ ସିଂ ରାଜପୁତ ମାମଲାରେ ଡ୍ରଗ୍ସ କାରବାର ନେଇ ଧରିଥିଲେ ୱାଙ୍ଖଡେ । ଏନସିବି ଜୋନାଲ ନିର୍ଦ୍ଦେଶକ ସମୀର ୱାଙ୍ଖଡେଙ୍କ ଟିମ୍ ରିୟାଙ୍କ ହ୍ୱାଟସ ଆପ ଚାଟ୍ ଆଧାରରେ ତାଙ୍କୁ ହେପାଜତକୁ ନେଇଥିଲା ।
- ଦୀପିକା ପାଦୁକୋନ: ସୁଶାନ୍ତ ସିଂ ରାଜପୁତ ଆତ୍ମହତ୍ୟା ପରେ ଡ୍ରଗ୍ସ ମାମଲାରେ ଦୀପିକା, ଶ୍ରଦ୍ଧା କପୁର,ସାରା ଅଲ୍ଲୀଖାନ୍ ଙ୍କୁ ଏନସିବି ସମନ କରିଥିଲା । ସମୀର ୱାଙ୍ଖଡେ ତିନି ଜଣଙ୍କୁ ଡ୍ରଗ୍ସ ମାମଲାରେ ପଚରାଉଚରା କରିଥିଲେ ।
- ଅରମାନ କୋହଲି: ଅଭିନେତା ଅରମାନ କୋହଲିଙ୍କୁ ଏନସିବି ଅଗଷ୍ଟ ୨୦୨୧ର ଡ୍ରଗ୍ସ ସେବନ ନେଇ ଗିରଫ କରିଥିଲା । ଏନସିବି ମୁଖ୍ୟ ସମୀର ୱାଙ୍ଖଡେ ଚଢାଉ ପରେ ଅରମାନଙ୍କୁ ଗିରଫ କରିଥିଲେ ।
- ଆର୍ୟନ ଖାନ:ଆର୍ୟନ ଖାନ ମାମଲା ବର୍ତମାନ ଚାଲିଛି । ଶାହାରୁଖଙ୍କ ପୁଅ ଡ୍ରଗ୍ସ ମାମଲାରେ ଗିରଫ ହୋଇ ଜେଲରେ ଥିବା ବେଳେ ଏଯାଏଁ ଜାମିନ ପାଇନାହାଁନ୍ତି । ସମୀର ୱାଙ୍ଖଡେଙ୍କ ନେତୃତ୍ୱରେ ଏନସିବି ଟିମ ଅକ୍ଟୋବର ୨ରେ ଆର୍ୟନଙ୍କୁ ଡ୍ରଗ୍ସ କାରବାର ମାମଲାରେ ଗିରଫ କରିଥିଲା ।