ଜି ୨୦ ସମ୍ମିଳନୀ ପାଇଁ ଇଟାଲୀ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୋପ ଫ୍ରାନସିସଙ୍କୁ ଭେଟିବେ । ଇଟାଲୀର ବୈଦେଶିକ ମନ୍ତ୍ରୀ କାର୍ଡିନାଲ ପିଟ୍ରୋ ପାରୋଲିନଙ୍କୁ ଭେଟିବା ପାଇଁ ପ୍ରଧାନମନ୍ତ୍ରୀ ମୋଦୀ ଆଜି ଭାଟିକାନ୍ ସିଟି ଗସ୍ତ କରିବେ । ମୋଦୀ ଇଟାଲୀ ପ୍ରଧାନମନ୍ତ୍ରୀ ମାରିଓ ଡ୍ରେଗିଙ୍କ ନିୟନ୍ତ୍ରଣ ପରେ ଆସନ୍ତା ୨୯ରୁ ୩୧ ଅକ୍ଟୋବର ମଧ୍ୟରେ ରୋମ,ଇଟାଲୀ,ଭାଟିକାନ ସିଟି ଗସ୍ତରେ ଅଛନ୍ତି ।
ଇଟାଲୀରେ ପହଞ୍ଚିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଜୋରଦାର ସ୍ୱାଗତ କରାଯାଇଛି। ଏହା ପରେ ସେ ଇଟାଲୀ ପ୍ରଧାନମନ୍ତ୍ରୀ ମାରିଓ ଡ୍ରେଗିଙ୍କୁ ଭେଟିଥିଲେ । କୁହାଯାଉଛି ଯେ ମାରିଓ ଓ ମୋଦୀଙ୍କ ମଧ୍ୟରେ ହେଉଥିବା ବୈଠକରେ ଦ୍ୱିପାକ୍ଷିକ ଓ ପାରସ୍ପାରିକ ସ୍ୱାର୍ଥ ବିଷୟରେ ଆଲୋଚନା ହୋଇଛି । ମୋଦୀ ଇଟାଲୀ ଗସ୍ତ କାର୍ଯ୍ୟକ୍ରମରେ ଜଣେ ମହିଳା ଭିଡ଼ ଭିତରେ ସଂସ୍କୃତ ଶ୍ଲୋକ ଉଚ୍ଚାରଣ କରିଥିଲେ । ଆଉ ମୋଦୀଙ୍କ ସାମନାରେ ଶିବ ତାଣ୍ଡବ ଗାନ କରିଥିଲେ । ଅନ୍ୟ ଲୋକମାନେ ମଧ୍ୟ ଜୟ ଶ୍ରୀରାମ ଓ ଭାରତ ମାତା କି ଜୟ ନାରା ଦେଇଥିଲେ । ଏହା ସହ ଗୋଟେ ଭିଡିଓରେ ଦେଖିବାକୁ ମିଳିଛି ଯେ, ଜଣେ ମହିଳା ମୋଦୀଙ୍କୁ ଗୁଜୁରାଟୀ ଭାଷାରେ ପଚାରୁଛନ୍ତି ନରେନ୍ଦ୍ର ଭାଇ କେମ ଛୋ, ଯାହାର ଉତ୍ତରରେ ମୋଦୀ କହୁଛନ୍ତି ମଜା ମା ଛୋ । ଏହି ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାର ଲାଗିଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କାର୍ଯ୍ୟକ୍ରମ:
- ଦିନ ୧୨ଟା ବେଳେ ଭାଟିକାନ ସିଟି ଅଭିମୁଖେ ବାହାରିବେ ।
- ଅପରାହ୍ନ ୧ଟା ୪୫ ମିନିଟରେ ପୋପ ଫ୍ରାନ୍ସସିସଙ୍କୁ ଭେଟିବେ ଏବଂ ବୈଦେଶିକ ମନ୍ତ୍ରୀ କାର୍ଡିନାଲ ପିଟ୍ରୋ ପାରୋଲିନଙ୍କ ସହ ଆଲୋଚନା କରିବେ ।
- ୫ଟା ୩୫ ମିନିଟରେ ଜି ୨୦ ଶିଖର ସମ୍ମିଳନୀରେ ଅଂଶଗ୍ରହଣ କରିବେ ।
- ଏହି ସମୟମଧ୍ୟରେ ପ୍ରଥମ ଅଧିବେଶନରେ ବିଶ୍ୱ ଅର୍ଥନୀତି ଏବଂ ବିଶ୍ୱ ସ୍ୱାସ୍ଥ୍ୟ ଉପରେ ଆଲୋଚନା ହେବ।
- ୬ଟା ୧୦ରେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନଙ୍କ ସହ ସାକ୍ଷାତ କରିବେ ।
- ଏହା ପରେ ମୋଦୀ ଇଣ୍ଡୋନେସିଆ ରାଷ୍ଟ୍ରପତି ଜୋକୋ ବିଡୋଡୋ ଏବଂ ସିଙ୍ଗାପୁର ପ୍ରଧାନମନ୍ତ୍ରୀ ସିନ ଲୁଙ୍ଗଙ୍କ ସହ ବୈଠକ କରିବେ ।
- ରାତି ସାଢେ ୧୦ଟା ମୋଦୀ ଏକ ସାଂସ୍କୃତିକ କାର୍ଯକ୍ରମରେ ସାମିଲ ହେବେ । ଯାହା ପରେ ଜି ୨୦ ଲିଡର୍ସଙ୍କ ସହ ରାତ୍ରି ଭୋଜନ କରିବାର କାର୍ଯ୍ୟକ୍ରମ ରହିଛି ।