ରଙ୍ଗୀନ ଆଲୋକମାଳାରେ ଝଲସିବ ଅଯୋଧ୍ୟା । ଉତ୍ତରପ୍ରଦେଶ ଅଯୋଧ୍ୟରେ ଭବ୍ୟ ଦୀପୋତ୍ସବ କାର୍ଯ୍ୟକ୍ରମ ଆରମ୍ଭ ହୋଇଯାଇଛି । ଆଜି ଅଯୋଧ୍ୟାରେ ଜଳିବ ୧୨ ଲକ୍ଷ ଦୀପ । ଗିନିଜ ବୁକ ଅଫ ରେକର୍ଡ ଟିମ ଏହାକୁ ଗଣିବେ । ୧୨ ଲକ୍ଷ ଦୀପ ଜଳାଯିବା ସହ ପ୍ରଭୁ ରାମଙ୍କ ଶୋଭାଯାତ୍ରା ବାହାରିବ । କେନ୍ଦ୍ର ମନ୍ତ୍ରୀ ଜି.କିଶନ ରେଡ୍ଡୀ, ରାଜ୍ୟପାଳ ଆନନ୍ଦୀ ବେନ୍ ,ଓ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଯୋଗଦେବେ ।
କୁହାଯାଉଛି ଯେ, ୧୨ ଲକ୍ଷ ଦୀପ ମଧ୍ୟରୁ ରାମଙ୍କ ପାଦରେ ୯ ଲକ୍ଷ,ରାମ ଜନ୍ମଭୂମି ପରିସରରେ ୫୧ ହଜାର ଦୀପ, ଅଯୋଧ୍ୟା ପ୍ରାଚୀନ ମନ୍ଦିରରେ ୩ ଲକ୍ଷ ଦୀପ ଜଳାଯିବ । ଏହା ବ୍ୟତୀତ ଅଯୋଧ୍ୟାର ୧୪ କୋସି ପରିକ୍ରମା ଭିତରେ ପ୍ରାୟ ସମସ୍ତ ପୁରୁଣା ସ୍ଥାନ, ପୋଖରୀ,ମନ୍ଦିରରେ ଦୀପ ଲଗାଯିବ । କେବେଳ ଏତିକି ନୁହେଁ ଅଯୋଧ୍ୟା ବ୍ୟତୀତ ବସ୍ତି ଜିଲ୍ଲାର ମଖୋଡା ଧାମ ସମେତ ୮୪ କୋସି ପରିକ୍ରମା ଭିତରେ ଅନେକ ସ୍ଥାନରେ ଦୀପ ଜଳାଯିବ । ମଖୋଡା ଧାମା ହେଉଛି ସେହି ସ୍ଥାନ ଯେଉଁଠାରେ ମହାରାଜ ଦଶରାଥ ପୁତ୍ରେଷ ଯଜ୍ଞ କରିଥିଲେ । ଯାହା ପରେ ରାମ, ଲକ୍ଷ୍ମଣ, ଭରତ,ଶତ୍ରୁଘନ୍ନ ରାଜା ଦଶରଥଙ୍କ ଘରେ ଜନ୍ମ ନେଇଥିଲେ ।
ଉତ୍ତର ପ୍ରଦେଶରେ ମୁଖ୍ୟମନ୍ତ୍ରୀ ଆଦିତ୍ୟନାଥ ଯୋଗୀଙ୍କ ସରକାର ଗଠନ ସହିତ ୨୦୧୭ରେ ଅଯୋଧ୍ୟାରେ ରାମଙ୍କ ପାଦରେ ଦୀପୋତ୍ସବ କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ପ୍ରଥମେ ପ୍ରାୟ ଲକ୍ଷେ ୮୦ ହଜାର ଦୀପ ଜଳାଯାଇଥିଲା । ସେହିପରି ୨୦୧୮ରେ ୩,୦୧,୧୫୨ ପରେ ୨୦୧୯ରେ ୫,୫୦,୦୦୦, ୨୦୨୦ରେ ୫,୫୧.୦୦୦ ଦୀପ ଜଳାଯାଇଥିଲା । ଏବେ ୨୦୨୧ ଯାହାକି ଯୋଗୀ ସରକାରଙ୍କ କାର୍ଯ୍ୟକାଳର ଶେଷ ବର୍ଷ । ଏଇ ବର୍ଷ ୧୨ ଲକ୍ଷ ଦୀପ ଜାଳିବାକୁ
ଯୋଗୀ ସରକାର ଘୋଷଣା କରିଛନ୍ତି ।
ସୋମବାର ସନ୍ଧ୍ୟାରୁ ପ୍ରାଚୀନ ନଗରୀ ଅଯୋଧ୍ୟାରେ ମହାଆଡମ୍ବରରେ ଦୀପତ୍ସୋବ ପାଳନ ଆରମ୍ଭ ହୋଇଛି । ଦୀପାବଳୀ ଉତ୍ସବର ଉଦଘାଟନ କରିବେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଏହି ଅବସରରେ ଯୋଗୀ ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମର ଉଦଘାଟନ କରିବା ସହିତ ଅଯୋଧ୍ୟା ଭିଜନ ଡକ୍ୟୁମେଣ୍ଟ ରିଲିଜ କରିବାର କାର୍ଯ୍ୟକ୍ରମ ରହିଛି ।ଏବର୍ଷକୁ ମିଶାଇ କ୍ରମାଗତ ୫ ବର୍ଷ ପାଇଁ ଦୀପୋତ୍ସବ ପାଳନ କରାଯାଉଛି ।