ଟିଭି ଅଭିନେତ୍ରୀ ଅଙ୍କିତା ଲୋଖଣ୍ଡେ ଆଜି କାଲି ନିଜ ବ୍ୟକ୍ତିଗତ ଜୀବନକୁ ନେଇ ଖବରରେ ଛାଇ ରହୁଛନ୍ତି । ଚର୍ଚ୍ଚା ହେଉଛି ଯେ,ଅଙ୍କିତା ଖୁବ ଶୀଘ୍ର ପୁରୁଷ ବନ୍ଧୁ ବିକି ଜୈନଙ୍କୁ ବିବାହ କରିବେ । ଏହାରି ଭିତରେ ଅଙ୍କିତା କଷ୍ଟମାଇଜ ହୋଇଥିବା ଚପଲର ଏକ ଫଟୋ ସେୟାର କରିଛନ୍ତି । ଯାହା ତାଙ୍କ ବିବାହ କରିବା ନେଇ ସଙ୍କେତ ଦେଉଛି ।
ଅଙ୍କିତା ଇନଷ୍ଟାଗ୍ରାମ ଷ୍ଟୋରିରେ ତାଙ୍କର ୩ ଯୋଡି ଚପଲର ଏକ ଫଟୋ ସେୟାର କରିଛନ୍ତି, ଯେଉଁଥିରେ ଗୋଟେ ଚପଲରେ ‘ବ୍ରାଇଡ ଟୁ ବି’ ଲେଖାଯାଇଛି । ତାଙ୍କୁ ଏହି ଉପହାର ଏକ ଜୋତା ଦୋକାନରୁ ମିଳିଥିବା ଜଣାପଡିଛି । ଜୋତା ବକ୍ସରେ ମଧ୍ୟ ଲେଖାଯାଇଛି ‘ହାପି ବ୍ରାଇଡ’ । ତେବେ ଏହି ଉପହାରକୁ ଦେଖି ଏବେ ଏହା କୁହାଯାଇପାରିବ ଯେ ଅଙ୍କିତା ବହୁତ ଜଲଦି ଦୁଲହନି ବନିବାକୁ ଯାଉଛନ୍ତି ।
ଏହା ପୂର୍ବରୁ ଇ ଟାଇମ୍ସ ଅଙ୍କିତା ଓ ବିକି ଜୈନଙ୍କ ବିବାହର ସବିଶେଷ ତଥ୍ୟ ସେୟାର କରିଥିଲା । ରିପୋର୍ଟ ମୁତାବକ, ଅଙ୍କିତା ଓ ବିକି ଆସନ୍ତା ଡିସେମ୍ବର ମାସରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଖବର ତ ଏହା ବି ରହିଛି ଯେ, ଡିସେମ୍ବର ୧୨,୧୩,୧୪ରେ ଉଭୟ ବିବାହ କରିବେ । ତେବେ ଏନେଇ ଏଯାଏଁ କେହି ସ୍ପଷ୍ଟ କରିନାହାଁନ୍ତି । ଆଶା କରାଯାଉଛି ଯେ, ଅଙ୍କିତା ନିଜ ବିବାହ ଖବର ଖୁବ ଶୀଘ୍ର ଦେବେ । ଅଙ୍କିତା, ବିକିଙ୍କ ସହ ଥିବା ସଂପର୍କକୁ ନେଇ କେବେ କାହାକୁ ଲୁଚାଇନାହାଁନ୍ତି ।
ତେବେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଅଙ୍କିତା ଭାଙ୍ଗିପଡିଥିବା ବେଳେ ବିକି ତାଙ୍କୁ ବହୁତ ସମ୍ଭାଳିଥିଲେ କରିଥିଲେ । ତା ପରେ ଉଭୟଙ୍କ ମଧ୍ୟରେ ଥିବା ସଂପର୍କ ସାମନାକୁ ଆସିଥିଲା । ବିକି ସୁଶାନ୍ତ ସିଂ ରାଜପୁତଙ୍କୁ ନ୍ୟାୟ ଦେବାକୁ ମଧ୍ୟ ଲୋକଙ୍କୁ ଅପିଲ କରିଥିଲେ । ତେବେ ସମୟ ସହିତ ଅଙ୍କିତା ଧିରେ ଧିରେ ନିଜକୁ ମଜବୁତ କରିଥିଲେ , ଏବଂ ବିକି ଏତେ ମାତ୍ରାରେ ସର୍ପୋଟ କରିଥିବାରୁ ଅଙ୍କିତା ତାଙ୍କୁ ଧନ୍ୟବାଦ ଜଣାଇଥିଲେ । ଏବେ ଉଭୟ ସାତ ଜନ୍ମର ସାଥୀ ହେବାକୁ ଯାଉଛନ୍ତି ।