ନୂଆଦିଲ୍ଲୀ: ଜମ୍ମୁ କାଶ୍ମୀରର କୁଲଗାମର ଏନକାଉଣ୍ଟର। ଶ୍ରୀନଗର ଓ କୁଲଗାମରେ ଭିନ୍ନ ଭିନ୍ନ ସ୍ଥାନରେ ଗୁଳିବିନିମୟ ହୋଇଛି। ସୁରକ୍ଷାକର୍ମୀଙ୍କ ଗୁଳିରେ ଦୁଇ ଆତଙ୍କବାଦୀ ନିହତ ହୋଇଛନ୍ତି। ଅଧିକାରୀ ମାନେ କହିଛନ୍ତି ଯେ, ବେମିନା ଅଞ୍ଚଳର ହାମଦାନିଆ କଲୋନୀ ଅ ଳରେ ସନ୍ଧ୍ୟାରେ ଗୁଳିବିନିମୟ ଆରମ୍ଭ ହୋଇଥିଲା।
କାଶ୍ମୀର ଡିଭିଜନାଲ ପୁଲିସ ଅଫିସିଆଲ ଟୁଇଟର ମାଧ୍ୟମରେ କହିଛନ୍ତି ଯେ, ଏନକାଉଂଟରରେ ଜଣେ ଅଜ୍ଞାତ ଆତଙ୍କବାଦୀର ମୃତ୍ୟୁ ହୋଇଛି। ସର୍ଚ୍ଚ ଅପରେସନ ଚାଲିଥିବା ବେଳେ କିଛି ଗୁଳିଗୋଳା ସହିତ ଏକେ ରାଇଫଲ ମଧ୍ୟ ଜବତ କରାଯାଇଛି। ଏହାରି ମଧ୍ୟରେ ମୁଜାହିଦ୍ଦିନ ଗଜବାତୁଲ ହିନ୍ଦ ଏକ ଆକ୍ରମଣ ପାଇଁ ଦାୟୀ କରି କହିଛି ଯେ, ତାହାର ୩ କ୍ୟାଡର ସିଆରପିଏଫ ଶିବିର ଉପରେ ଆକ୍ରମଣ କରିଛନ୍ତି।
ତେବେ ଚୂଡାନ୍ତ ରିପୋର୍ଟ ମିଳିବା ଯାଏଁ ଏନକାଉଣ୍ଟର ଜାରି ରହିଥିବା ଅଧିକାରୀମାନେ କହିଛନ୍ତି। ସିଆରପିଏଫ କ୍ୟାମ୍ପ ଓ ସବଡିଭିଜନାଲ ପୁଲିସ ଅଫିସରଙ୍କ କାର୍ଯ୍ୟାଳୟ ନିକଟରେ ଏହି ଅପରେସନ ଚାଲିଛି। ଏଥିସହ ଦକ୍ଷିଣ କାଶ୍ମୀରର କୁଲଗାମ ଜିଲ୍ଲାରେ ମଧ୍ୟ ଏନକାଉଣ୍ଟର ଚାଲିଛି। ଦକ୍ଷିଣ କାଶ୍ମୀରର କୁଲଗାମର ଚାଲଗାମ ଅଞ୍ଚଳରେ ଆତଙ୍କବାଦୀ ମାନେ ଲୁଚିରହିଥିବା ଖବର ପାଇବା ପରେ ସୁରକ୍ଷାକର୍ମୀ ମାନେ ଅଞ୍ଚଳକୁ ଘେରାବନ୍ଦୀ କରିବା ସହ ସର୍ଚ୍ଚ ଅପରେସନ ଆରମ୍ଭ କରିଥିବା ଅଧିକାରୀ କହିଛନ୍ତି।
ପୁଲିସ ଅଧିକାରୀ କହିଛନ୍ତି ଯେ, ଯେତେବେଳେ ସୁରକ୍ଷାକର୍ମୀମାନେ ଏହି ଅଞ୍ଚଳରେ ଯାଂଚ କରୁଥିଲେ ସେତେବେଳେ ଆତଙ୍କବାଦୀ ମାନେ ସେମାନଙ୍କ ଉପରକୁ ଗୁଳି ଚଳାଇଥିଲେ। ଏହା ପରେ ସୁରକ୍ଷାକର୍ମୀ ମାନେ ପାଲଟା ଆକ୍ରମଣ କରିଥିଲେ। ସୁରକ୍ଷାକର୍ମୀଙ୍କୁ ଗଳିମାଡ଼ରେ ନିହତ ହୋଇଥିବା ଆତଙ୍କବାଦୀଙ୍କ
ପରିଚୟ ଏଯାଏ ଜଣାପଡିନାହିଁ ଏବଂ ସେ କେଉଁ ଗୋଷ୍ଠୀ ସହିତ ଜଡ଼ିତ ତାହା ମଧ୍ୟ ସ୍ପଷ୍ଟ ହୋଇନାହିଁ।