ପ୍ରମୁଖ ଖବର

ଜବତ ହେଲା ଦୁର୍ଘଟଣାଘଟାଇଥିବା ଥର୍
ରାଜଧାନୀରେ ବଧୂହତ୍ୟା ଅଭି​‌ଯୋଗ, ସ୍ଵାମୀ ଗିରଫ
ପଟ୍ଟାମୁଣ୍ଡାଇ ଯୁବତୀ ମୃତ୍ୟୁ ଘଟଣାରେ ପୁରୁଷ ବନ୍ଧୁ ଗିରଫ
୩ ଦିନିଆ ଓଡିଶା ଗସ୍ତରେ ଆସିବେ ମୋହନ ଭାଗବତ
ଚନ୍ଦ୍ରଭାଗାରେ ଗାଧୋଇବା ବେଳେ ଅଘଟଣ, ସମୁଦ୍ରରେ ବୁଡି ୩ ମୃତ
ଶହୀଦ ଲକ୍ଷ୍ମଣ ନାୟକ ହସ୍ପିଟାଲର ଉଦଘାଟନ କଲେ ମୁଖ୍ୟମନ୍ତ୍ରୀ

କେନ୍ଦ୍ର ଉପରେ ବର୍ଷିଲା ବିଜେଡି

0

ଭୁବନେଶ୍ବର: ଗ୍ୟାସ ଦର ବୃଦ୍ଧି ବିରୋଧରେ ବିଜୁ ଜନତା ଦଳ ଆନ୍ଦୋଳନ ଚେତାବନୀ ଦେଇଛି। ଆଜି ଏକ ସାମ୍ବାଦିକ ସମ୍ମିଳନୀରେ ଯୁବ ବିଜେଡି ସଭାପତି ବ୍ୟୋମକେଶ ରାୟ ଏବଂ ଛାତ୍ର ବିଜେଡି ସଭାପତି ଦେବୀରଂଜନ ତ୍ରିପାଠୀ କେନ୍ଦ୍ର ସରକାରଙ୍କ ବିରୋଧରେ ଅସନ୍ତୋଷ ଝାଡ଼ିଛନ୍ତି। ବିଜେଡି କହିଛି, ଉଜ୍ଜ୍ବଳା ଯୋଜନା କରି କେନ୍ଦ୍ର ସରକାର ଲୋକଙ୍କୁ ଠକିଛନ୍ତି। ମାତ୍ର ୨୦ ପ୍ରତିଶତ ଗ୍ୟାସ ବ୍ୟବହାର ବଢିଛି। ଅଥଚ ମହିଳା ରିଫିଲ୍ ନ କରିପାରି ସମସ୍ୟା ଭୋଗୁଛନ୍ତି। ଏ ସଂକ୍ରାନ୍ତରେ ସିଏଜି ଓ ଜାତୀୟ ସ୍ବାସ୍ଥ୍ଯ ସର୍ଭେ ଭଳି ଏକାଧିକ ରିପୋର୍ଟରେ ବିସ୍ତୃତ ତଥ୍ୟ ରହିଛି। କେବଳ ସେତିକି ନୁହେଁ, ୨୦୧୪ରୁ ୨୦୨୧ ମଧ୍ୟରେ ଏଲପିଜି ଦର ୭୦ ପ୍ରତିଶତ ବୃଦ୍ଧିପାଇଛି। କେନ୍ଦ୍ର ସରକାର ଲୋକମାନଙ୍କୁ ଯେଉଁ ପ୍ରତିଶ୍ରୁତି ଦେଇଥିଲେ, ତାହା ପାଳନ କରିନାହାନ୍ତି। କେବଳ ସେତିକି ନୁହେଁ, ଗ୍ୟାସ ଦର ବୃଦ୍ଧି ସାଧାରଣ ଲୋକଙ୍କୁ ଅତିଷ୍ଠ କଲାଣି। ସବୁ ଅତ୍ୟାବଶ୍ୟକ ସାମଗ୍ରୀ ଦର ବି ବଢିଚାଲିଛି।

ବିଜେଡି କହିଛି, ଗ୍ୟାସ ଦର ନ କମିଲେ ପୁରପଲ୍ଲୀରେ ଆନ୍ଦୋଳନ ହେବ। ୨୨ ତାରିଖରେ କଟକ ଆରଡିସିଙ୍କ କାର୍ଯ୍ୟାଳୟ ସାମ୍ନାରେ ୨୩ ତାରିଖରେ ସମ୍ବଲପୁର ଏବଂ ୨୪ ତାରିଖରେ ବ୍ରହ୍ମପୁର ଆରଡିସିଙ୍କ ସାମ୍ନାରେ ଦଳ ବିକ୍ଷୋଭ କରିବ। ତଥାପି ଯଦି କେନ୍ଦ୍ର ସରକାର ନ ଚେତନ୍ତି, ତେବେ ପ୍ରତି ଲୋକଙ୍କ ପାଖକୁ ଏହି ପ୍ରସଙ୍ଗ ନେବ ବିଜେଡି ଓ ଆନ୍ଦୋଳନକୁ ତୀବ୍ରତର କରିବ।

Leave A Reply

Your email address will not be published.