ପ୍ରମୁଖ ଖବର

ବିଜେପିରେ ଯୋଗ ଦେଲେ ଭର୍ତ୍ତୃହରି ମହତାବ
ଶିବସେନା ସିନ୍ଦେ ଗୋଷ୍ଠୀରେ ସାମିଲ ହେଲେ ବଲିଉଡ୍ ତାରକା ଗୋବିନ୍ଦା
ପଦ୍ମ ଧରିଲେ ଅଭିନେତା ତଥା ବ୍ରହ୍ମପୁରର ପୂର୍ବତନ ସାଂସଦ ସିଦ୍ଧାନ୍ତ ମହାପାତ୍ର

ବିଜୟ ମାଲ୍ୟାଙ୍କ ହାତରୁ ଖସିପାରେ ଲଣ୍ଡନର ଆଲିଶାନ ବଙ୍ଗଳା

0

ସୁଇସ ବ୍ୟାଙ୍କ ୟୁବିଏସ ସହିତ ଦୀର୍ଘଦିନ ଧରି ଆଇନଗତ ଲଢେଇ ଜାରି ରହିଥିବା ବେଳେ ମାଲ୍ୟାଙ୍କୁ ଏହି ଘର ଖାଲି କରିବାକୁ ନିର୍ଦ୍ଦେଶ ଦିଆଯାଇଛି । ଏହି ଆଦେଶ ଉପରେ ରୋକ ଲଗାଇବା ନେଇ ଆବେଦନକୁ ଖାରଜ କରିଛନ୍ତି ବ୍ରିଟିଶ କୋର୍ଟ । ଲଣ୍ଡନ ହାଇକୋର୍ଟ ବିଚାରପତି ମାଥ୍ୟୁ କହିଛନ୍ତି ଯେ, ମାଲ୍ୟାଙ୍କ ଉପରେ ୨.୦୪ କୋଟି ପାଉଣ୍ଡର ଋଣ ଥିବା ବେଳେ ସେ ଦିନ ଗଡାଇଚାଲିଛନ୍ତି । ତେଣୁ ତାଙ୍କୁ ଆଉ ଅଧିକ ସମୟ ଦେଇ ହେବ ନାହିଁ । ତେଣୁ ମାଲ୍ୟାଙ୍କ ଉପରେ ଥିବା ଋଣ ସୁଝିବା ପାଇଁ ତାଙ୍କ ଲଣ୍ଡନ ସ୍ଥିତ ଘରୁ ବେଦଖଲ କରାଯାଇପାରିବ । ଲଣ୍ଡନର ରିଜେ ପାର୍କ ନିକଟରେ ଥିବା ଆଲିଶାନ ବଙ୍ଗଳାରେ ମାଲ୍ୟାଙ୍କ ୯୫ ବର୍ଷୀୟା ମା’ ରହୁଛନ୍ତି ।

୨୦୧୬ ମାର୍ଚ୍ଚ ମାଲ୍ୟ ବ୍ରିଟେନ ପଳାଇଥିଲେ । ବିଭିନ୍ନ ବିଜିନେସ ପାଇଁ ସେ ୧୩ରୁ ଅଧିକ ବ୍ୟାଙ୍କରୁ ୯ ହଜାର କୋଟିର ଋଣ ଆଣିଥିଲେ । କିନ୍ତୁ କମ୍ପାନୀ କ୍ଷତି ସହିବାରୁ ଋଣ ପରଶୋଧ କରିବାକୁ ଫାଙ୍କିବା ସହ ବାକିଥିବା ଟ୍ୟାକ୍ସ ମଧ୍ୟ ଫାଙ୍କିଥିଲେ । ସେ ଏବେ ଜାମିନରେ ବ୍ରିଟେନରେ ରହୁଛନ୍ତି । ତାଙ୍କ ବିରୋଧରେ ଭାରତ ପକ୍ଷରୁ ଏକାଧିକ ମାମଲା ଦାୟର ହେବା ପରେ ଏହି ମାମଲା ଲଣ୍ଡନ୍ କୋର୍ଟକୁ ହସ୍ତାନ୍ତାର କରାଯାଇଥିଲା ।

Leave A Reply

Your email address will not be published.