ପୁଣି ପଦାରେ ପଡିଲା ଚୀନର ଦୋମୁହାଁ ନୀତି । ଅରୁଣାଚଳ ପ୍ରଦେଶରୁ ଚୀନ ସେନା ଦ୍ୱାରା ଅପହରଣ ହୋଇଥିବା ଭାରତୀୟ ଯୁବକ ଘରକୁ ଫେରିଛନ୍ତି । ଜିଲ୍ଲା ଡେପୁଟି କମିଶନର ଶାଶ୍ୱର ସୌରଭ କହିଛନ୍ତି ଯେ, ଉପର ସୁଆଙ୍ଗ ଜିଲ୍ଲାର ତୁତିଙ୍ଗରେ ଆୟୋଜିତ ଏକ ସମାରୋହରେ ଭାରତୀୟ ସେନା ସୋମବାର ସନ୍ଧ୍ୟାରେ ମିରାମ ଟାରୋନଙ୍କୁ ତାଙ୍କ ବାପା ମାଆ ସହ ଭେଟ କରାଇଛନ୍ତି । ଘରକୁ ଫେରିବା ପରେ ସ୍ଥାନୀୟ ପ୍ରଶାସନ ଓ ପଞ୍ଚାୟତ ନେତା ମିରାମଙ୍କ ଜୋରଦାର ସ୍ୱାଗତ କରିଛନ୍ତି ।
ମିରାମଙ୍କ ବାପା ଅଭଯୋଗ କରିଛନ୍ତି , ଚୀନ ସେନା (ପିଏଲଏ) ତାଙ୍କ ପୁଅକୁ ନିର୍ଯାତନା ଦେଇଛନ୍ତି । ପିଠିରେ ମାଡ଼ ମାରିବା ସହ ଇଲେକ୍ଟି୍ ଦିଆଯାଇଛି । ତାଙ୍କ ପୁଅ ନିଖୋଜ ହୋଇନଥିଲା ବରଂ ଚୀନର ପିଏଲଏ ଆର୍ମି ଭାରତୀୟ ସୀମା ଭିତରକୁ ପ୍ରବେଶ କରି ଉଠାଇନେଇଥିଲେ । କେବେଳ ସେତିକି ନୁହେଁ ମିରାମଙ୍କ ହାତ ଗୋଡ ବାନ୍ଧି ସେଠାରେ ପକାଇଥିଲେ । ଏଭଳି ଅଭିଯୋଗ ପରେ ଚୀନର ଦୋମୁହାଁ ନୀତି ପୁଣି ପଦାରେ ପଡଛି ।
୧୭ ବର୍ଷର ମିରାମକୁ ଚୀନ ସେନା ଜାନୁଆରୀ ୧୮ ତାରିଖରେ ଅପହରଣ କରିଥିଲେ । ମିରାମ ନିଜ ସାଙ୍ଗ ଜାନି ୟଙ୍ଗ ସହ ଶିକାରରେ ଯାଇଥିଲା । ଏହି ସମୟରେ ଚୀନ ସେନାଙ୍କ ହାବୁଡରେ ପଡିଯିବା ପରେ ସେମାନେ ଅପହରଣ କରିନେଇଥିଲେ । ୟଙ୍ଗ ଘଟଣା ସ୍ଥଳରୁ ଫେରାର ହେବା ପରେ ସ୍ଥାନୀୟ ଅଧିକାରୀଙ୍କୁ ଆସି ଏନେଇ ଜଣାଇଥିଲା । ଜାନୁଆରୀ ୨୭ରେ ଚୀନ ସେନା ମିରାମକୁ ଅଞ୍ଜାବ ଜିଲ୍ଲା କିବୁଥି ସ୍ଥିତ ଭାଚା-ଦାମାଇ ଇଂଟରକସନ ପଏଂଟରେ ଭାରତୀୟ ସେନାକୁ ହସ୍ତାନ୍ତାର କରିଥିଲେ । ଏଠାରେ ମିରାମ ସଙ୍ଗରୋଧରେ ରହିବା ପରେ ସମସ୍ତ ଆଇନଗତ ପ୍ରକ୍ରିୟା ଶେଷ ହେବା ପରେ ଘରକୁ ଫେରିଛି।