ଗୋଆରେ ବିଧାନସଭା ନିର୍ବାଚନ ପାଇଁ ଫେବୃଆରୀ ୧୪ରେ ଭୋଟ ଗ୍ରହଣ ହେବ । ଅର୍ଥାତ ମତଦାନକୁ ଆଉ ଦୁଇ ଦିନ ବାକି ଅଛି । ହେଲେ ତା ପୂର୍ବରୁ ଗୋଆରେ ତୃଣମୂଳ କଂଗ୍ରେସ ପାଇଁ ସଂଗଠନ ପ୍ରସ୍ତୁତ କରିବାକୁ ଚେଷ୍ଟା କରୁଥିବା ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋରଙ୍କ କାର୍ଯ୍ୟାଳୟରେ ଚଢାଉ । ପ୍ରଶାନ୍ତଙ୍କ ଆଇ-ପିଏସି ଠିକଣାରେ ପୁଲିସ ଚଢଉ କରିଛି ।
ଗତକାଲି ଅଧ ରାତିରେ ଗୋଆର ପୋରଭରିମରେ ଥିବା ବିଭିନ୍ନ ବଙ୍ଗଳାରେ ଚଢାଉ କରିଛି ପୁଲିସ । ସେଥିରୁ ୮ଟି ବଙ୍ଗଳା ଆଇ-ପିଏସି ଦ୍ୱାରା ଭଡ଼ା ନିଆଯାଇଛି । ଏହା ପରେ ପୁଲିସ ପ୍ରଶାନ୍ତଙ୍କ ଜଣେ କର୍ମଚାରୀଙ୍କ ନିକଟରୁ ବିପୁଳ ପରିମାଣର ଗଞ୍ଜେଇ ଜବତ କରି ତାଙ୍କୁ ରାତି ଅଧିଆ ଉଠାଇନେଇଛି । ଗିରଫ ଯୁବକଙ୍କ ବୟସ ୨୮ ବର୍ଷ । ଗତ ଅଢେଇ ବର୍ଷ ଧରି ଟିଏମସି ପାଇଁ ରଣନୀତି ପ୍ରସ୍ତୁତ କରୁଥିବା ପ୍ରଶାନ୍ତ କିଶୋର ଗୋଆରେ ପାର୍ଟି କାର୍ଯ୍ୟ ପରିଚାଳନା କରୁଛନ୍ତି । ତେବେ କିଛି ଦିନ ପୂର୍ବରୁ ପ୍ରଶାନ୍ତ ଓ ଟିଏମସି ମଧ୍ୟରେ ସଂପର୍କ ବିଗିଡିଥିବା ଖବର ଆସୁଥିଲା । ନିକଟରେ ମମତା ସରକାରଙ୍କ ମନ୍ତ୍ରୀ ଚନ୍ଦ୍ରମା ଭଟ୍ଟଚାର୍ଯ୍ୟ କହିଥିଲେ ଯେ, ତାଙ୍କ ଆକାଉଂଟରୁ ‘ ୱାନ ମ୍ୟାନ ୱାନ ପୋଷ୍ଟ’ ବିଷୟରେ କିଛି ପୋଷ୍ଟ ସେୟାର କରାଯାଇଛି । ଏନେଇ ତାଙ୍କଠୁ କୌଣସି ଅନୁମତି ନିଆଯାଇନାହିଁ ।
ଟିଏମସି ଗତ ବର୍ଷ ଜୁନରେ ୱାନ ମ୍ୟାନ ୱାନ ପୋଷ୍ଟ ଆରମ୍ଭ କରିଥିଲେ । ଆଇ-ପିଏସି କମ୍ପାନୀ ପକ୍ଷରୁ ଏହାକୁ ସ୍ୱୀକୃତି ପ୍ରଦାନ କରାଯାଇଥିଲା ।ତେବେ ଏହି ବିବାଦ ଉପରେ ଆଇ-ପିଏସି ପକ୍ଷରୁ ସ୍ପଷ୍ଟିକରଣ ଦିଆଯାଇଥିଲା ।କୌଣସି ନେତାଙ୍କ ଡିଜିଟାଲ ସମ୍ପତ୍ତି ବ୍ୟବହାର କରନ୍ତି ନାହିଁ ବୋଲି ଆଇ-ପିଏସି ପକ୍ଷରୁ କୁହାଯାଇଥିଲ।।