ତୈଳ ଦରରେ ଲାଗୁନି ବ୍ରେକ୍‌, ଆଜି ପୁଣି ବଢିଲା ପେଟ୍ରୋଲ,ଡିଜେଲ ଦର

ତୈଳ ଦରରେ ଲାଗୁନି ବ୍ରେକ । ଆଜି ପୁଣି ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି । ଲଗାତର ଭାବେ ଆଠ ଦିନରେ ସପ୍ତମ ଥର ପାଇଁ ତୈଳ ଦର ବୃଦ୍ଧି ପାଇଛି। ଦିଲ୍ଲୀରେ ପେଟ୍ରୋଲ ଦର ୧୦୦ ଟପିଛି । ଆଜି ସକାଳୁ ଦିଲ୍ଲୀରେ ପେଟ୍ରୋଲ ଦର ୮୦ ପଇସା ଓ ଡିଜେଲ ଲିଟର ପିଛା ୭୦ ପଇସା ମହଙ୍ଗା ହୋଇଛି । ଓଡିଶାରେ ମଧ୍ୟ ପେଟ୍ରୋଲ ୧୦୭ ଟଙ୍କା ଟପିଥିବା ବେଳେ ଡିଜେଲ ୯୬ ଟଙ୍କା ଉପରେ ରହିଛି । ମାର୍ଚ୍ଚ ୨୨ ତାରିଖରୁ କ୍ରମାଗତ ଭାବେ ଦେଶରେ ତୈଳ ଦର ବୃଦ୍ଧି ପାଉଛି । ୫ ରାଜ୍ୟର ବିଧାନସଭା ନିର୍ବାଚନ ପରେ ତୈଳ ଦର ଲଗାତର ବଢିବାରେ ଲାଗିଛି । ଅଧିକାଂଶ ସ୍ଥାନରେ ପେଟ୍ରୋଲ ଦର ୧୦୦ ଟପିଥିବା ବେଳେ କିଛି ସ୍ଥାନରେ ୧୧୪ ଟଙ୍କା ଟପିଛି । ମଧ୍ୟପ୍ରଦେଶ ବାଲାଘାଟରେ ପେଟ୍ରୋଲ ଦର ୧୧୪ ଟଙ୍କା ୭୮ ପଇସା ରହିଛି । ଅନ୍ତର୍ଜାତୀୟ ବଜାରେ ଋଷ-ୟୁକ୍ରେନ ଯୁଦ୍ଧ ମଧ୍ୟରେ ଅଶୋଧିତ ତୈଳ ମୂଲ୍ୟ ବ୍ୟାରେଲ ପିଛା ୧୩୦ ଡଲାରରୁ ୧୦୩ ଡଲାରକୁ ଖସିଆସିଛି । କିନ୍ତୁ ଏହା ମଧ୍ୟରେ ଜାତୀୟ ବଜାରେ ପେଟ୍ରୋଲ ଓ ଡିଜେଲର ଦର ଏକ ଲମ୍ବା ଡିଆଁ ମାରିଛି। ଆସନ୍ତୁ ଜାଣିବା କେଉଁଠି କେତେ ତୈଳ ଦର?
ସ୍ଥାନ ପେଟ୍ରୋଲ ଡିଜେଲ
ଦିଲ୍ଲୀ ୧୦୦.୨୧ ୯୧.୪୭
ମୁମ୍ବାଇ ୧୧୫.୦୪ ୯୯.୨୫
କୋଲକାତା ୧୦୯.୬୮ ୯୪.୬୨
ଚେନ୍ନାଇ ୧୦୫.୯୪ ୯୬.୦୦