ଶେଷରେ ସରିଛି ବିବାହ । ପତି, ପତ୍ନୀ ହୋଇଛନ୍ତି ରଣବୀର-ଆଲିୟା । ଦୀର୍ଘଦିନ ଧରି ହେଉଥିବା ଅପେକ୍ଷା ପରେ ଉଭୟ ବିବାହ ବନ୍ଧନରେ ବାନ୍ଧି ହୋଇଛନ୍ତି । ବିବାହ ମୁହୂର୍ତ୍ତକୁ ସ୍ମରଣୀୟ କରିବା ପାଇଁ କୌଣସି ହାତଛଡା କରିନାହାନ୍ତି ଏହି ପ୍ରେମୀ ଯୁଗଳ ।ବିବାହରେ ଉଭୟ ରଣବୀର ଆଲିୟା ସବ୍ୟସାଚୀଙ୍କ ଦ୍ୱାରା ପ୍ରସ୍ତୁତ ଆଉଟଫିଟ୍ ପିନ୍ଧିଥିଲେ । ବିବାହ ଉତ୍ସବରେ ବଲିଉଡ଼ର କିଛି କିଛି ବଛା ସେଲିବ୍ରେଟି ଯୋଗଦେଲେ । ବିବାହରେ ସମସ୍ତେ ଧଳା ଓ ଗୋଲାପି ରଙ୍ଗର ଡ୍ରେସ କୋର୍ଡ ପିନ୍ଧି ଯୋଗ ଦେଇଥିଲେ ।
ରିପୋର୍ଟ ମୁତାବକ, ଆଲିଆ ଓ ରଣବୀର ବିବାହରେ ୪ ଜଣ ବ୍ରାହ୍ମଣ ଆସିଥିଲେ । ଏହି ୪ ଜଣ ମିଶି ରଣବୀର-ଆଲିଆଙ୍କ ବିବାହ କରିଛନ୍ତି । ରଣବୀର-ଆଲିଆଙ୍କ ବିବାହ କେବଳ ଦୁଇ ପରିବାରର ଘନିଷ୍ଠ ବନ୍ଧୁଙ୍କୁ ନେଇ ଆୟୋଜିତ ହୋଇଯାଇଛି । କିଛି ବଛା ବଛା ସେଲିବ୍ରେଟିଙ୍କୁ ଛାଡିଦେଲେ ଆଉ କାହାକୁ ବିବାହକୁ ଆମନ୍ତ୍ରିତ କରାଯାଇନଥିଲା । ଖୁବ ଜାକଜକମରେ ବିବାହ ଦିନ ୩ଟା ୩୦ ମିନିଟରେ ହୋଇଥିଲା ।ଆଗାମୀ ଦିନରେ ଏକ ବିରାଟ ପାର୍ଟି ଆୟୋଜନ ହେବା ନେଇ ସୂଚନା ମିଳିଛି ।