ରାଜଧାନୀ ରାଜରାସ୍ତାରେ ଗର୍ଜିଲେ ଡ୍ରାଇଭର । ପୁଣି ଥରେ ଆନ୍ଦୋଳନକୁ ଓହ୍ଲାଇଲା ଓଡିଶା ଡ୍ରାଇଭର ମହାସଂଘ । ରାଜଧାନୀରେ ୩୦ ଜିଲ୍ଲାର ଗାଡି ଚାଳକ ମାନେ ଏକାଠି ହୋଇଛନ୍ତି । ୧୦ ଦଫା ଦାବି ନେଇ ରାଜଧାନୀରେ ମାଷ୍ଟର କ୍ୟାଣ୍ଟିନରେ ହଜାର ହାଜର ଡ୍ରାଇଭର ଏକାଠି ହୋଇଛନ୍ତି । ଭୁବନେଶ୍ୱରରେ ନିଜ ଦାବି ନେଇ ବିକ୍ଷୋଭ କରିବା ପାଇଁ ସବୁ ଜିଲ୍ଳାର ଡ୍ରାଇଭର ଭୁବନେଶ୍ୱରରେ ମେଳି କରିଛନ୍ତି ।
ପୂର୍ବରୁ ଡ୍ରାଇଭର ମହାସଂଘ ପକ୍ଷରୁ ୧୦ ଦଫା ଦାବି ନେଇ ଭୁବନେଶ୍ୱରରେ ପଦଯାତ୍ରା କରାଯାଇଥିଲା । ନବୀନ ନିବାସ ଘେରିବାକୁ ପଦଯାତ୍ରା କରିଥିଲେ । ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପୂର୍ବର ଜିଲ୍ଳାପାଳଙ୍କୁ ସଂଘ ଦାବି ମଧ୍ୟ ଜଣାଇଥିଲା । ପଦଯାତ୍ର୍ରା ପରେ ବୁଝାସୁଝା କରି ଆନ୍ଦୋଳନକୁ ସ୍ଥଗିତ ରଖାଯାଇଥିଲା । ପଞ୍ଚାୟତ ନିର୍ବାଚନ ପୂର୍ବରୁ ସେମାନଙ୍କ ଦାବି ଉପରେ ବିଚାର କରାଯିବ ବୋଲି ପ୍ରତିଶ୍ରୁତି ଦିଆଯାଇଥିଲା । କିନ୍ତୁ ସେମାନଙ୍କ ଦାବି ଉପରେ କୌଣସି ପଦକ୍ଷେପ ସରକାର ନନେବାରୁ ପୁଣି ଆନ୍ଦୋଳନକୁ ଓହ୍ଲାଇଛି ସଂଘ ।
ଡ୍ରାଇଭର ମହାସଂଘର ୧୦ ଦଫା ଦାବି ହେଲା ..ଦୁର୍ଘଟଣାରେ ମୃତ୍ୟୁ ହେଲେ ଗାଡି ଚାଳକଙ୍କୁ ୨୦ ଲକ୍ଷ ଟଙ୍କାର ବୀମା ରାଶି ପ୍ରଦାନ, ୮ ଘଂଟା କାର୍ଯ୍ୟ କରିବା, ୧୦୦ କିଲୋମିଟର ମଧ୍ୟରେ ବସ ପାର୍କିଂ ବ୍ୟବସ୍ଥା କରିବା । ଏଭଳି ୧୦ ଦାବି ରହିଥିବା ବେଳେ ସରକାର ଦୃଷ୍ଟି ନଦେବାରୁ ଆଜି ପୁଣି ଶକ୍ତି ପ୍ରଦର୍ଶନ କରିବ ଓଡିଶା ଡ୍ରାଇଭର ମହାସଂଘ ।