ପ୍ରମୁଖ ଖବର

ଭୀଷଣ ରୂପ ନେଲା ଲଘୁଚାପ: ୧୩ ଯାଏ ବର୍ଷିବ, ୧୧ରୁ କମିବ ପ୍ରକୋପ
ଭୁବନେଶ୍ବର ଇଡି ଅଧିକାରୀଙ୍କୁ ଜେରା କରିବ କୋଲକାତା ପୁଲିସ
ରାଜ୍ୟରେ ୨୪ ଘଣ୍ଟାରେ ୬୫୩ କରୋନା ସଂକ୍ରମିତ ଚିହ୍ନଟ, ସୁନ୍ଦରଗଡ଼ରୁ ସର୍ବାଧିକ ୧୭୩ ଜଣ
୧୮ ବର୍ଷରୁ କମ୍ ବର୍ଗରେ ଅଛନ୍ତି ୧୨୮ ଜଣ
ସ୍ୱାଧୀନତା ଦିବସ ସମାରୋହ ରେ ସ୍କୁଲରେ ଭାଗ ନେବେ ଛାତ୍ରଛାତ୍ରୀ; ଗଣଶିକ୍ଷା ମନ୍ତ୍ରୀଙ୍କ ସୂଚନା
ଭୁବନେଶ୍ୱରର ଟ୍ରାଫିକ ସମସ୍ୟା ସମାଧାନ ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ, ସ୍ଥିତି ଅନୁଧ୍ୟାନ କଲେ ୫ଟି ସଚିବ
ଓଡ଼ିଆ ଚଳଚ୍ଚିତ୍ର ସଂଳାପ ଲେଖକ ରଣଜିତ୍ ପଟ୍ଟନାୟକଙ୍କର ହୃଦ୍‌ଘାତରେ ପରଲୋକ

ଅର୍ପିତାଙ୍କ ଅଡ଼ୁଆ ବଢିବାରେ ଲାଗିଛି

0
  • ଦୁଇଟି ଚଢାଉରେ ଏଯାଏ ୪୫ କୋଟିର ସଂପତ୍ତି ଜବତ ହେଲାଣି
  • ବୁଧବାର ଚଢାଉରେ ସୁନା ମିଶି ୨୨କୋଟିର ସଂପତ୍ତି ଠାବ, ଗଣତି ଚାଲିଛି
  • ପଶ୍ଚିମବଙ୍ଗ ଶିକ୍ଷକ ନିଯୁକ୍ତି ମାମଲାରେ ଅର୍ପିତାଙ୍କ ପାଇଁ ଅଡୁଆ ବଢ଼ୁଛି

କୋଲକାତା: ପଶ୍ଚିମବଙ୍ଗ ବାଣିଜ୍ୟ ମନ୍ତ୍ରୀ ପାର୍ଥ ଚାଟାର୍ଜୀଙ୍କ ସହଯୋଗୀ ଅର୍ପିତା ମୁଖାର୍ଜୀଙ୍କ ସମୟ ଆଦୌ ଭଲ ନାହିଁ। ତାଙ୍କ ପାଇଁ ଧୀରେ ଧୀରେ ଅଡୁଆ ବଢ଼ିବାରେ ଲାଗିଛି। ପ୍ରବର୍ତ୍ତନ ନିର୍ଦେଶାଳୟର ଅଧିକାରୀମାନେ ବୁଧବାର ଅର୍ଥାତ୍ ଦ୍ବିତୀୟ ପର୍ଯ୍ୟାୟ ଚଢ଼ାଉରେ ବିପୁଳ ପରିମାଣର ନଗଦ ଟଙ୍କା ଜବତ କରିଛନ୍ତି। ଏସବୁ ପାହାଡ ଭଳି ଗଦା ହୋଇ ରହିଥିଲା। ରିପୋର୍ଟ ଲେଖା ହେବା ସୁଦ୍ଧା ତାଙ୍କ ଠାରୁ ଆଉ ୨୦ କୋଟି ଟଙ୍କା ନଗଦ ଅର୍ଥରାଶି ପାଇସାରିଲେଣି ତଦନ୍ତକାରୀ ଅଧିକାରୀ। ଏବେ ବି ପାଞ୍ଚଟି ଟଙ୍କା ଗଣା ମେସିନରେ ଗଣତି ଜାରି ରହିଛି। ଏଣୁ ଏହି ପରିମାଣ ଆହୁରି ବଢ଼ିପାରେ ବୋଲି କୁହାଯାଉଛି। ଏସବୁ ତାଙ୍କର ଦ୍ବିତୀୟ ଆପାର୍ଟମେଣ୍ଟ ଚଢାଉ ବେଳେ ଜବତ ହୋଇଛି। ଏହି ସହିତ ୨ କିଲୋଗ୍ରାମ୍ ଓଜନର ସୁନା ମିଳିଥିବା ଖବର ଆସୁଛି।

ଗତ ସପ୍ତାହରେ ଅର୍ପିତାଙ୍କ ଘରୁ ୨୧ କୋଟି ଟଙ୍କା ଜବତ କରାଯାଇଥିଲା। ସେବେ ଅଧିକାରୀମାନେ ୩କେଜି ସୁନା ତାଙ୍କ ଠାରୁ ପାଇଥିଲେ। ଏହିଭଳି ଭାବେ ପ୍ରଥମ ଚଢାଉ ବେଳେ ତାଙ୍କ ଠାରୁ ୨୧ କୋଟି ୯୦ଲକ୍ଷ ଟଙ୍କା ଏବଂ ବିଦେଶୀ ମୁଦ୍ରା ୫୬ଲକ୍ଷ ଟଙ୍କା ଏବଂ ୭୬ଲକ୍ଷ ଟଙ୍କାର ସୁନା, ମୋଟ ୨୩ କୋଟି ୨୨ଲକ୍ଷ ଟଙ୍କା ଜବତ ହୋଇଥିଲା। ଦ୍ବିତୀୟ ଗଣନାରେ ଉଭୟ ଟଙ୍କା ଓ ସୁନାର ପରିମାଣ ମିଶି ୨୨କୋଟି କୁହାଯାଉଛି। ଦୁଇଟି ଚଢାଉରେ ମୋଟ ୪୫ କୋଟି ୨୨ଲକ୍ଷ ଟଙ୍କାର ଜବତ ହୋଇସାରିଲାଣି।

ପଶ୍ଚିମବଙ୍ଗରେ ଶିକ୍ଷକ ନିଯୁକ୍ତି ମାମଲାରେ ଇଡି ଚଢା଼ଉ ଜାରି ରହିଛି। ଉଭୟ ମନ୍ତ୍ରୀ ପାର୍ଥ ଚାଟାର୍ଜୀ ଓ ଅର୍ପିତା ଗିରଫ ହୋଇ ୩ ତାରିଖ ଯାଏ ବିଚାର ବିଭାଗୀୟ ହାଜତରେ ଅଛନ୍ତି।

Leave A Reply

Your email address will not be published.