ପ୍ରମୁଖ ଖବର

ଫାର୍ମା କମ୍ପାନୀ ଫ୍ୟାକ୍ଟ୍ରି ବିସ୍ଫୋରଣରେ ମୃତ୍ୟୁ ସଂଖ୍ୟା ୩୪କୁ ବୃଦ୍ଧି
ବିଏମସି କମିଶନର ଆକ୍ରମଣ ଘଟଣାରେ ସଫେଇ କର୍ମଚାରୀଙ୍କ କାର୍ଯ୍ୟ ବନ୍ଦ ଆନ୍ଦୋଳନ
ଶରଧାବାଲି ଅଘଟଣ ପରେ ଆଜି ପୁରୀ ଯିବେ ମୁଖ୍ୟମନ୍ତ୍ରୀ
ଶସ୍ତା ହେଲା ଏଲପିଜି ସିଲିଣ୍ଡର
ମୃତ୍ତିକା ସଂରକ୍ଷଣ ବିଭାଗର ଯୁଗ୍ମ ନିର୍ଦ୍ଦେଶକ ଦୟାନିଧି ବାଗ୍‌ ଗିରଫ
ଅନିର୍ଦ୍ଦିଷ୍ଟ କାଳ ପାଇଁ ଛୁଟିରେ ଗଲେ ୮ ଜିଲ୍ଲାର ଓଏସ ଓ ଓଆରଏସ ଅଫିସର
ବାଣ ତିଆରି କାରଖାନାରେ ବିସ୍ଫୋରଣ; ୫ ମୃତ
୨ ଦିନିଆ ଓଡିଶା ଗସ୍ତରେ ଆସିବେ ରାଷ୍ଟ୍ରପତି
ବିଶ୍ୱ ପୋଲିସ ଏବଂ ଅଗ୍ନିଶମ କ୍ରୀଡାରେ ବାଜିମାରିଲେ ଓଡ଼ିଶା ପୋଲିସ କନଷ୍ଟେବଳ

ଦଫା ୩୫୪କୁ ନେଇ ଏମିତି ରାୟ ଦେଲେ କୋର୍ଟ

0

ମୁମ୍ବାଇ; ଯୌନ ଉତ୍ପୀଡନକୁ ନେଇ ମୁମ୍ବାଇ କୋର୍ଟ ଏକ ରାୟ ଦେଇଛନ୍ତି । ମୁମ୍ବାଇର ଏକ ସ୍ୱତନ୍ତ୍ର କୋର୍ଟ ଜଣେ ୨୫ବର୍ଷିୟ ବ୍ୟବସାୟୀଙ୍କୁ ଦୋଷୀ ସାବ୍ୟସ୍ତ କରି ଦେଢବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି । ତେବେ ସେହି ବ୍ୟକ୍ତି ଜଣକ ଏକ ନାବାଳିକାକୁ ‘ଆଇଟମ୍’ କହିବା ସହିତ ନାବାଳିକାର କେଶ ଟାଣିଥିଲେ । ଯାହାକୁ ନେଇ ସ୍ୱତନ୍ତ୍ର କୋର୍ଟ ଧାରା ୩୫୪ ଅନୁଯାୟୀ ବ୍ୟକ୍ତିଙ୍କୁ ଦଣ୍ଡିତ କରିଛନ୍ତି ।

ସୁଚନା ଅନୁଯାୟୀ ସ୍ୱତନ୍ତ୍ର ଜଜ୍ ଏସ.ଜେ ଅନସାରୀ କହିଛନ୍ତି ଯେ କୌଣସି ବ୍ୟକ୍ତି ଯୁବତୀଙ୍କୁ ଆଇଟମ୍ ଶବ୍ଦ କହି ସମ୍ବୋଧନ କରିବା ଏକ ଅପରାଧ । ସାଧାରଣତଃ ଏହି ଶବ୍ଦକୁ ଯୁବକମାନେ ଝିଅମାନଙ୍କୁ ଅପମାନଜନକ ଢଙ୍ଗରେ ସମ୍ବୋଧନ କରିବା ପାଇଁ ବ୍ୟବହାର କରିଥାନ୍ତି । ତେବେ ଝିଅମାନଙ୍କୁ ଅବାଞ୍ଛିତ ଆଚରଣରୁ ରକ୍ଷା କରିବା ନିମନ୍ତେ ଏଭଳି ରୋଡ ସାଇଟ ରୋମିଓଙ୍କୁ ଦଣ୍ଡ ଦେବା ଆବଶ୍ୟକ । ଏହି ଅପରାଧ ପାଇଁ ଦୋଷୀଙ୍କ ପାଇଁ କୌଣସି ସହନଶୀଳତା ଦେଖାଇ ଦିଆଯାଇପାରିବ ନାହିଁ ଏବଂ କଠୋର ଦଣ୍ଡ ଦିଆଯିବ ବୋଲି କୋର୍ଟ କହିଛନ୍ତି ।

ଉଲ୍ଲେଖଯୋଗ୍ୟ; ପୀଡିତା ଜଣକ ଏକ ମାସ ପୂର୍ବରୁ ମୁମ୍ବାଇର ସାକିନାକାକୁ ସିଫ୍ଟ ହୋଇଥିଲେ । ଅଭିଯୁକ୍ତ ଓ ତା ସାଙ୍ଗମାନେ ମିଶି ଯୁବତୀଙ୍କୁ ହଇରାଣ କରୁଥିବାର ଅଭିଯୋଗ କରିଥିଲେ ।ଅଭିଯୁକ୍ତ ଜଣକ ଲଗାତର ପୀଡିତାଙ୍କ ପିଛା କରିବା ସହ ଯୁବତୀଙ୍କୁ ଆଇଟମ୍ କହି ସମ୍ବୋଧନ କରୁଥିଲେ । ଏହାପରେ ଯୁବତୀ ଜଣକ ପୋଲିସରେ ଅଭିଯୋଗ କରିଥିଲେ । ନାବାଳିକା ଜଣକ ସ୍କୁଲରୁ ଫେରୁଥିବା ବେଳେ ଅଭିଯୁକ୍ତ ଜଣକ ନାବାଳିକାର କେଶ ଭିଡିବା ସହିତ ନାବାଳିକାକୁ ‘ଆଇଟମ’ ବୋଲି ସମ୍ବୋଧନ କରିଥିଲେ ।

ସେପଟେ ଅଭିଯୁକ୍ତଙ୍କ ଓକିଲ ଏହି ଘଟଣାକୁ ମିଥ୍ୟା ବୋଲି ଦର୍ଶାଇଥିଲେ । ସେ କହିଥିଲେ ଯେ ପୀଡିତା ଓ ଅଭିଯୁକ୍ତ ପରସ୍ପରକୁ ଜାଣିଛନ୍ତି । କିନ୍ତୁ ପୀଡିତାଙ୍କ ମାତା ପିତା ସେମାନଙ୍କ ସମ୍ପର୍କରେ ଖୁସି ନଥିବାରୁ ଏଭଳି ଅଭିଯୋଗ କରିଛନ୍ତି । ତେବେ ଏହି ଘଟଣାରେ କୋର୍ଟ ଯୁବତୀଙ୍କ ସପକ୍ଷରେ କହିଛନ୍ତି । କୋର୍ଟ କହିଛନ୍ତି ଯୁବତୀଙ୍କ ସହ ଆରୋପୀଙ୍କର କୌଣସି ପରିଚୟ ନାହିଁ । ଅଭିଯୁକ୍ତ ଯାହା ବି କରିଛନ୍ତି ତାହା ସମ୍ପର୍ଣ୍ଣ ଅନୁଚିତ । ଜଜ୍ କହିଛନ୍ତି ଯେ ଦୋଷୀ ଜାଣିଶୁଣି ଏହି ପୀଡିତାଙ୍କ କେଶ ଟାଣିବା ସହିତ ତାଙ୍କୁ ‘ଆଇଟମ’ ବୋଲି କହିଥିଲେ । କୋର୍ଟ ତାଙ୍କୁ ଅଇପିସିର ଧାରା ୩୫୪ ଏବଂ ପୋକ୍ସୋ ଆକ୍ଟ ଆଧାରରେ ଦୋଷୀ ସାବ୍ୟସ୍ତ କରିଛନ୍ତି ।

Leave A Reply

Your email address will not be published.