ବେଙ୍ଗାଲୁରୁ: କଂଗ୍ରେସ ଓ ଭାରତ ଯୋଡ ଯାତ୍ରାରେ ଟ୍ୱିଟର ହ୍ୟାଣ୍ଡଲ ଉପରେ ସାମୟିକ ରୋକ ଲଗାଇଛନ୍ତି କୋର୍ଟ । କପିରାଇଟ ଆକ୍ଟ ଅନୁସାରେ କୋର୍ଟ ଏହି କାର୍ଯ୍ୟାନୁଷ୍ଠାନ ନେଇଛନ୍ତି। ରାହୁଲ ଗାନ୍ଧୀଙ୍କ ନେତୃତ୍ବରେ ଚାଲିଥିବା ଭାରତ ଯୋଡୋ ଯାତ୍ରାରେ କେଜିଏଫ-୨ର ଏକ ଗୀତକୁ ବ୍ୟବହାର କରାଯାଉଥିବାରୁ ଦଳ ବିରୋଧରେ କପିରାଇଟ ମାମଲା ରୁଜୁ କରିଥିଲା ଏକ ମ୍ୟୁଜିକ ଫାର୍ମ । କଂଗ୍ରେସକୁ କୋର୍ଟ ପକ୍ଷରୁ ବଡ ଝଟକା ମିଳିଛି । । ଭାରତ ଯୋଡ ଯାତ୍ରାରେ ମାର୍କେଟିଂ ଭିଡିଓରେ ବ୍ୟବହାର କରାଯାଇଥିବା ଏକ ଗୀତକୁ ନେଇ ବିବାଦ ଦେଖାଦେଇଥିଲା । କେଜିଏଫ ଫିଲ୍ମର ନିର୍ମାତା ଅଭିଯୋଗ କରିଛନ୍ତି , ଏହି ଭିଡିଓରେ ଫିଲ୍ମର ଗୀତକୁ ବ୍ୟବହାର କରାଯାଇଛି । ଆବେଦନୀକାରୀ କୋର୍ଟରେ ଏକ ସିଡି ମାଧ୍ୟମରେ କହିଛନ୍ତି, ସାମାନ୍ୟ ପରିବର୍ତନ କରାଯାଇ କେଜିଏଫର ଗୀତକୁ ଭିଡିଓରେ ବ୍ୟବହାର କରାଯାଇଛି । ସେହିଭଳି ଟ୍ୱିଟର ହ୍ୟାଣ୍ଡଲରୁ ଗୀତଗୁଡିକୁ ହଟାଇବାକୁ ବି ନିର୍ଦ୍ଦେଶ ଦିଆଯାଇଛି।
ମାମଲାର ଶୁଣାଣି କରି ଆକାଉଣ୍ଟର ସାମୟିକ ବ୍ଲକ ଲାଗି ନିର୍ଦ୍ଦେଶ ଦେଇଛନ୍ତି କୋର୍ଟ । ଏହି ଗୀତର ବ୍ୟବହାର କରିଥିବାରୁ ଏମଆରଟି ମ୍ୟୁଜିକ ପକ୍ଷରୁ ଏମ. ନବୀନ କୁମାର ଏକ ମାମଲା ଦାୟର କରିଥିଲେ । କଂଗ୍ରେସ ନେତା ଜୟରାମ ରମେଶ ଯାତ୍ରାର ଦୁଇଟି ଭିଡିଓ ପୋଷ୍ଟ କରିଥିବାବେଳେ କେଜିଏଫ ଗୀତକୁ ବ୍ୟବହାର କରିଥିଲେ ।